Jeremias 38:19 - Biblia Mixe de Quetzaltepec

¹⁹ Ënät ja Sedequías y'ëtsooy: Yë'ëjës ntsë'këtëp yë Judío ja'ayëty mëti'ipë të tpuwa'akëtën yë Caldeo ja'ayëty. Ko ëjts nnäkyë'ëyakëtëty ma yë'ëjëtyën, ëxëëkës nëjkx xytyuntë.

Biblia Dc en Mixe de Quetzaltepec

¹⁹ Ënet ja Sedequías y'ëtsooy: Yë'ëjës ntsë'këtëp yë Judío ja'ayëty mëti'ipë të tpuwa'akëtën yë Caldeo ja'ayëty. Ko ëjts nnäkyë'ëyakëtëty ma yë'ëjëtyën, ëxëëkës nëjkx xytyuntë.

Jeremias 38:19 ပူးပေါင်းရင်းမြစ်များ

Juan 12:42

Ënät may ja jutiis ja'ayëty ojts tmëpëktë ja Jesús, wintsëntëjkpaat tmëpëjktë. Je'eyëp ko ka'ap tnikajpxtë nikëxë'ëky, jä'ä ko tsyë'këtëp ja fariseë ja'ayëty këtiipë y'ixkäxëtëty jap tsajptëkoty.

Jeremias 38:22

tu'kë'ëyë ja to'oxytyëjktëjkëty mëti'ipë ënäty të wyë'ëmtën ma myajkutujktaknën, wa'ats nëjkx jap yajju'ta'atë ets nëjkx yë'ë yajmo'otë ja Babilonyë ja'ayëty yë tsyiptuunpë wintsëntëjkëty, jëtu'un ja to'oxytyëjk nëjkx y'ëna'antë: Yë ja'ayëty mëti'ipë ënäty mëët oy të nyäjyawëtyën yë yajkutujkpë ojts wyin'ëënyë ets jëtu'un ojts myëmëtä'äkyë; ojts y'ëxmajtsënë ko myo'ontstëjkëy ets ojts jam nyikäkënë.

Isaías 57:11

¿Pën tiosën ijty mijts ëxëëk xytsyë'ëkë ets janty mëj'äämpy xyjyëkyepy koos të xykyawintsë'ëkë etsës të xyjyä'äytyëkooynyë? Koos ënäty ka'ap xy'ëkmëj'ijxnë, amonyës ijty je'eyë nyajpaaty, ets jëtu'unës nnäpyëjktä'äkyë ka'apës yowë tii nnijawë.

Jeremias 39:9

Ok yë Nebuzaradán, tsiptuunpë wintsën, mëti'ipë nyiwintsën'ajtypyën ja këwent'ajtpëtëjk mëti'ipë ja yajkutujkpë kyëwent'ajtëpën, ojts tmënëjkxta'ay tsumy matsy ja ja'ayëty jam Babilonyë, jëtu'un mëti'ipë ënäty kajpnjoty të wyë'ëmtën ets mëti'ipë të tpuwa'akëtën ja Caldeo ja'ayëty; tu'kë'ëyë ja naax kajpn tyajnëjkxtaay tsumy matsy.

1 Samuel 31:4

Paaty t'ënëmaay ja tyuunpë: Juut yë mpujxn ets yaj'o'kës, këtiipë yë'ë mmëtsip xyaj'ookëtyës ets ënät je'eyë xytyukxi'ik xytyuk'ëwë'ëktëtyës. Ja tyuunpë ka'ap yaj'okanë, jä'ä ko nän tsë'këp ënäty näjyëtu'un. Paatykyëjxm yë Saúl ojts kë'ëm tyimnäyaj'ookyë mëët ja kyë'ëmpujxn

Proverbios 29:25

Mëti'ipë ja'ay myënaaxwiinyëtë ja'ay tsyë'këpën, kyë'ëm winma'any ëxëëk yajjajt yajkëpäjtëp; e mëti'ipë ja'ay yë Tios tyuk'ijxpejtypyën, Tios këwent'atanëp.

1 Samuel 15:24

Ënät ja Saúl t'ënëmaay ja Samuel: Tëyajtën tëëjës njantytyëkoy mëët koos ja Wintsën ja y'ënä'ämën ka'ap të nmëjpëjktakë ets tääjës mijts të xyjya'ënëëmën: ka'apës jëtu'un të ntuny mëët koos të ntsë'ëkë ja ja'ay etsës yë'ë të ntuny mëti'ipë ënäty yë'ë y'amëtoowtëpën

Jueces 16:25

E janty jotkujk ënäty nyäyjyawëtë, ënät ojts y'ëna'antë ets ja Sansón tmëmintëty ets tukxi'ika'an tuk'ëwë'ëka'antë. Tä tjanty jyu'të jap pujxn tëkoty ets yajxon t'ëktukxik t'ëktuk'ëwë'ktë; jam tënääytyaktë itkujky ma mäjtsk yë xeny yajpaatyën mëti'ipë ja mëjtëjk myajts'ijtypyën.

Jueces 9:54

Ko ja Abimélec nyäjya'awëyë tëë tsyëtyuty, tä ënätyë tmëjyaxëy ja tyuunpë mëti'ipë tyëëmjëtijtypyën ja tëypyujxn ets t'ënëmaay: Juut yë mtëypyujxn ets yaj'o'kës, ka'apës ntsoky yë käjpxy y'ëna'anëty ko to'oxytyëjk të xyaj'ookyës. Ënät ja tyuunpë tyukmoxmëku'umëyë ja yenypyujxn ets jëtu'un y'o'ky.

Jeremias 38:5

Tää ja Sedequías yajkutujkpë y'ënëmaayëtë: Mijts ixtë tii mtuuntëp mëët yë'ë. Ëjts ka'apës xymyäy wi'ixës n'akajpxtuktëty.

Job 31:34

jä'ä ko yë'ëjës ja'ay ntsë'këp. Ka'apës nijëna'a ku'ëtuky të näpyëjktä'äkyë ëkë amonyë, mëët yë'ë koos ntsë'ëkë ko wi'ix y'ëna'antëty yë njëëky nmëku'ukës.

2 Crónicas 30:10

Ja yajkäjpxye'epyë wa'ats t'aye'eytyääytyë ja naax kajpn, ma Efraín ets ja Manasés tnitänëtën ja it naaxwiinyëtë, tyimjajtë jam ma Zabulón y'itjotmën. Je'eyëp ko ja ja'ayëty xi'iky ëwë'ëky ojts je'eyë tpëjkta'aktë.

Nehemías 4:1

Ko ja Sambalat tnija'awëy, ko tëëjës ntuuntsoontë, ets ko ja potsy, ja kajpnapots ëëts jam nkoj'o'oyëtyëp, wiink tja'awëy, ets yajxon tyimjoot'anpëky, tääts tyëjkëy je'eyë nëxiik tukxikpë, ja jutië ja'ayëty jä'ä yajnëxik yajtukxiktëp.

Jeremias 20:7

Wintsën, mijts tëëjës xywyin'ëëny, kë'ëmës të nmëpëjkpë; ni'ik mmëkëty, paatyës ka'ap të xyajmëtä'äky. Janaam jatsojk je'eyës nyajnëxi'iky nyajtukxi'iky; aak xytyukxikpës yë ja'ay.