Jeremias 38:11 - Biblia Mixe de Quetzaltepec

¹¹ Tääts ja Ébet-mélec tsyo'ontë mëët ja i'px majkpë ja ja'ay, ojts tukwit tpapëky mëti'ipë jamën ma yajkutujkpë maywyit tyaj'ityën ets tuknipijty ja tejpxy mëti'ipë jap jutjoty kyutëëynyajxën,

Biblia Dc en Mixe de Quetzaltepec

¹¹ Tääts ja Ébet-mélec tsyo'ontë mëët ja i'px majkpë ja ja'ay, ojts tukwit tpapëky mëti'ipë jamën ma yajkutujkpë maywyit tyaj'ityën ets tuknipijty ja tejpxy mëti'ipë jap jutjoty kyutëëynyajxën,

Jeremias 38:11 ပူးပေါင်းရင်းမြစ်များ

Jeremias 38:7

E jam ijty tu'uk yë Etiopíë ja'ay, jä'ä xyëëwajtyp Ébet-mélec, yë'ë mëët tyuny yë yajkutujkpë, ojts tnijawë ko yë Jeremías të tkujëpipëtë nëëjutjoty. Ja yajkutujkpë jam ënäty yajpaaty ma ja käjpxy mëtyä'äky y'ityën ma ja tëjkën mëti'ipë tyijtëpën Benjamín Tyëjk Aaw,

Jeremias 38:10

Ënätyë yë yajkutujkpë tkejxy yë Ébet-mélec mëët i'px majk yë ja'ay ets nëjkx tjuutë yë Jeremías jap nëëjutjoty ma ënäty të yaj'kujëpipën naamka'anëm y'ooky.

Jeremias 38:12

ets t'ënëmaay ja Jeremías: Nätyukxëkätpä'änët ya'atë tukwit, këtiipë yë tejpxy myajtsëtyutëtëty. Jëtu'un ja Jeremías tjantytyuuny.

Josue 6:19

Yë'ë tëy ja pu'ts pujxn, poop pujxn, tsuxkpujxn ets juunpujxn nëjkxëp yajpëjkë'ëky ets jap yajpëjkta'akëty ma ja apëjkënën ma ja wit meeny nyipetyën mëti'ipë ja Tios jyä'ä'ajtypyën.

Jeremias 38:6

Ënät tmajtstë ja Jeremías ets jap tkujëpijpëtyë nëëjutjoty mëti'ipë yë Malquías jyä'ä'ajtypyën, yë yajkutujkpë myaank. Mëët yë tejpxy tkutëëynyajxtë. Jap nëëjutjoty ka'ap ënäty jap tii nëë, yi'iyë nëë mo'onts, paaty yë Jeremías myo'onts jë'ënë.