Jeremias 38:10 - Biblia Mixe de Quetzaltepec

¹⁰ Ënätyë yë yajkutujkpë tkejxy yë Ébet-mélec mëët i'px majk yë ja'ay ets nëjkx tjuutë yë Jeremías jap nëëjutjoty ma ënäty të yaj'kujëpipën naamka'anëm y'ooky.

Biblia Dc en Mixe de Quetzaltepec

¹⁰ Ënätyë yë yajkutujkpë tkejxy yë Ébet-mélec mëët i'px majk yë ja'ay ets nëjkx tjuutë yë Jeremías jap nëëjutjoty ma ënety të yaj'kujëpipën naamka'anëm y'ooky.

Jeremias 38:10 ပူးပေါင်းရင်းမြစ်များ

Proverbios 21:1

Yë jyot wyinma'any yë yajkutujkpë, jëtu'un tyu'uye'ey tä tu'uk yë mëjnëëjën, jä'ä ko Wintsën kë'ëm yajtu'uye'epy ijxtëm tsokyën.

Salmos 75:10

jä'ä ko yë'ë yajkutëkooytya'ajäämpy tëkokyë mëti'ipë ënäty ja ëxëëkja'aytyëjk të nyätyukmëjjawëtën, ets tyajmëjëja'any tyajkëjääjëja'any ja myëj'ajtën kyutujkën ja ja'ay oypyë jyot wyinma'anyën.

Ester 8:7

Ënät ja yajkutujkpë Asuero t'ëtsoowinpijty ja Ester ets ja Mardoqueo, mëti'ipë Jutiiyë ja'ayëtyën: Ëjts tëëjës ntukë'ëtëjkëtyä'äy ja yajkutujkpë Ester tëkokyë jënu'un yë Amán winë të tmëët'atyën ets mëët ja nyijëën nyitëjk ets ja Amán nän tëë tyimyajyo'ktëy, mëti'ipë ojts tjayaj'o'kta'aja'anyën ja Jutiiyë ja'ayëty.

Ester 5:2

Ko ja yajkutujkpë t'ijxy tam tyänë ja yajkutujkpë Ester, janty yujy janty tëtä'äky ojts nyäpyëjktä'äkyë mëët ja Ester, ënätyë tuknikäjpy ja tyajk mëti'ipë oytyunyën mëët ja pu'ts pujxn mëti'ipë kyë'ëkap'ajtypyën ets jä'ä mëët tukmëjwo'ony.

Jeremias 38:7

E jam ijty tu'uk yë Etiopíë ja'ay, jä'ä xyëëwajtyp Ébet-mélec, yë'ë mëët tyuny yë yajkutujkpë, ojts tnijawë ko yë Jeremías të tkujëpipëtë nëëjutjoty. Ja yajkutujkpë jam ënäty yajpaaty ma ja käjpxy mëtyä'äky y'ityën ma ja tëjkën mëti'ipë tyijtëpën Benjamín Tyëjk Aaw,

Jeremias 38:9

Wintsën, mëti'ipë tääpë ja'ay të tuntën, mëjpoky yë'ë. Tääpë Jeremías yuu'ookëp ënät jap nëëjutjoty, jä'ä ko ka'ap maanë yë jë'kxy yaa kajpnjoty.

Jeremias 38:11

Tääts ja Ébet-mélec tsyo'ontë mëët ja i'px majkpë ja ja'ay, ojts tukwit tpapëky mëti'ipë jamën ma yajkutujkpë maywyit tyaj'ityën ets tuknipijty ja tejpxy mëti'ipë jap jutjoty kyutëëynyajxën,