Jeremias 37:18 - Biblia Mixe de Quetzaltepec

¹⁸ Ojts yë Jeremías näjyëtu'un tyajtëy ja yajkutujkpë: ¿Maa të nmëtëkoy ets maas të nmëtëkoy ja wintsëntëjk mëti'ipë naaxjoty kajpnjoty tuuntëpën etsës xyajpujxntëjktëkëtëty?

Biblia Dc en Mixe de Quetzaltepec

¹⁸ Ojts yë Jeremías näjyëtu'un tyajtëy ja yajkutujkpë: ¿Maa të nmëtëkoy ets maas të nmëtëkoy ja wintsëntëjk mëti'ipë naaxjoty kajpnjoty tuuntëpën etsës xyajpujxntëjktëkëtëty?

Jeremias 37:18 ပူးပေါင်းရင်းမြစ်များ

Hechos 25:8

Tääts ja Pablo ojts nyäkyukäjpxyë ets t'ënëmaay ja yajkutujkpë Festo: Ni tiis pën nkatukmëtëkoy, ni yë jutiis ja'ay y'ënä'ämënëty, ni yë mëjtsajptëjk ets ni yë yajkutujkpë kopk.

Juan 10:32

e ja Jesús jëtu'un y'ënëmaayëtë: May ja mëj'ajtën të ntunyës ma miitsëtyën mëët ja nteetyës ja kyutujkën. ¿E tiis ko xykyuka'atsa'antë?

Hechos 25:25

e ëjts ka'apës npaaty tii tëko'oyën ma ya'atë ja'ayën mëti'ipë jeexyë kyu'o'këpën. Tëë kë'ëm t'amëtoy ets jam nëjkx yajpaye'ey ma ja yajkutujkpë kopkën, paatyës jam ntimyajnëjkxa'any.

Hechos 25:11

Ëjts, ka'apës yam n'ëna'any koos yë n'o'kën nkakupëka'any pën tëëjës ntuuntëkoy mëti'ipë ja o'kën paat'ajtëpën. E pën ka'ap tyiyëty mëti'ipës xytyukni'ë'ënëtëpën, ni pën tkamëët'aty ja mëk'ajtën etsës xykyë'ëyakëty ma ja jutiis ja'ayëtyën. Ënaanpës ets kë'ëm xypyaye'eyëty ja yajkutujkpë kopk.

Daniel 6:22

Yë nTiosës yë'ëjës të xytyuknikexy yë tsajpjotmëtë kukäjpxy, mëti'ipë të t'amë'pxta'ayën yë kaa këtiipës xytsyu'utstëty, jä'ä ko yë Tios nyija'ap koos ka'apës tii ntuuntëkoy ets ka'apës ma yajkutujkpë nmëtuuntëkoy.

Gálatas 4:16

E tyam ¿Mëtsipës jëtää të n'awinpityë jä'äkyëjxm koos të nnikäjpxy ja tëypyë jaantypë?

Hechos 26:31

Ënät ëpëky ojts nyëjkxtë. Tä nyäkyajpxëtë ets y'ënantë: Ka'ap ya'atë ja'ay tii tuuntëkoy ets tku'ookëty, ets nän ka'ap pyaat'atyë ets tsumy y'itëty.

Hechos 24:16

Paatyës jëtu'un ntuny etsës ja Tios oy mëët nyajpaatëty, näjyëtu'un mëët ja naaxwiinyëtë ja'ay.

Hechos 23:1

Tääts ja Pablo twin'ijxpejty ja mëjja'aytyëjk ets t'ënëmaay: Mëku'uktëjkëty, ëjts nija'apës ko oyës ja njot nwinma'any nmëëtëty Tios wintum.

Jeremias 26:19

¿E ojts yë Ezequías yajkutujkpë ets naax kajpn tyaj'ooktë ja Miqueas? Ka'ap, ni'ikyënëm ojts yë yajkutujkpë tsë'ëkë ja Wintsën ets ni'ikyënëm ojts y'ënä'äny ko wä'än yë Tios tpokymye'kxy ja naax kajpn. Ënät ja Wintsën ka'ap tkejxy ja ëyo'on jotmay mëti'ipë ënäty të tjatuknipëjktaakën tkäxa'any. ¿Ets ënät ëëtsajtëm ja nëë poky mëjpë këjääpë nnätyukpatëmëtyë ko tu'uk ja ja'ay nyaj'o'kmëty ka'apë tii poky tmëëtëtyë?

Proverbios 17:26

Ka'ap y'oyëty ko ja'ay nyajmeenyajkmëty mëti'ipë ka'ap nitii poky tunyën, ets ko yajwopy yajka'atsy mëti'ipë tsuj yajxon juukyajtpën.

Proverbios 17:13

Kajëna'a yë ëxëëkpë kyajëwa'akëty ma ja'ay ja tyëjkën mëti'ipë ëxëëk yajwinpijtypën ja oypyë.

Génesis 31:36

Ënät ja Jacob ojts jyoot'anpëjknë ets ojts t'ojy ja Labán, tä t'ënëmaay: ¿Tiitën mijts të ntukmëtëkoy? ¿Ets tii pokyën ëjts të ntuny ko mijts janty jëtu'un xy'ixjëtijt xypyajjëtijtnës?