Jeremias 36:9 - Biblia Mixe de Quetzaltepec

⁹ Ma taxtujk po'o y'apetyën, ma ja mëmëkoxk jëmëjtpën ma yajkutukyën yë Joaquim, yë Josías yë myaank mëti'ipë jam Judá ënä'ämpën, ojts tu'uk ënä'ämën tpëjkta'aktë ets ja Jerusalén ja'ayëty, Judá ja'ayëtyën y'ayuu'atëty mëti'ipë jam Jerusalén të myintën.

Biblia Dc en Mixe de Quetzaltepec

⁹ Ma taxtujk po'o y'apetyën, ma ja mëmëkoxk jëmëjtpën ma yajkutukyën yë Joaquim, yë Josías yë myaank mëti'ipë jam Judá ënä'ämpën, ojts tu'uk ënä'ämën tpëjkta'aktë ets ja Jerusalén ja'ayëty, Judá ja'ayëtyën y'ayuu'atëty mëti'ipë jam Jerusalén të myintën.

Jeremias 36:9 ပူးပေါင်းရင်းမြစ်များ

2 Crónicas 20:3

Josafat ojts tsë'ëkë tyuktëkëty ets tuk'ëwa'anëy ënätyë ja Wintsën, tääts tni'ënä'ämëy ets nitëkokyë ja'ayëty jam ayuu y'itëty,

Jonás 3:5

Ja ja'ay mëti'ipë jam tsënaaytyëpën ma tääpë kajpnën, mëj mutsk ojts myëpëjkta'atë ma Tiosën ets tkäjpxy'ajtë ko y'ayuu'ata'antë ets nyätyukxoxa'anëtë ja wit mëti'ipë kuump u'kxpën, tyaj'ixa'anëtë ko ënäty jyotmaypyaatë.

Jeremias 36:22

Jä'ä xëëw nëkoo ënäty y'ëktëtyky'ajnë, paaty ja yajkutujkpë ënäty të twinkonë ja jyëën jap tyëkoty ets jap xyämy.

Ester 4:16

Yajmujkta'a tëkokyë Jutiiyë ja'ayëty mëti'ipë tsënaaytyëpën Susa ets xynyijëëytya'ak xynyinu'kxta'aktëtyës, ni pën kyakay kya'uukëty tëkëëk xëëw tëkëëk tsu'um. Yë ntuunpëtëjkës, yë to'oxytyëjktëjkëty mëti'ipës yam mëët nyajpaatyën, nän tyam ëëts njëëytya'aka'an nnu'kxta'aka'antë ayuu axëëw ets yam ninëjkxa'anyës ja yajkutujkpë ets mëët nmëtya'aka'anyës, oy jëtu'un t'ëkpaatëty ka'ap yowë nmëmëtoyës ja ënä'ämën kutujkën mëti'ipë jää ijtpën. E pën xyaj'o'ktëpës, wä'än t'ixy.

Zacarías 8:19

Ko ja ayuu'ajtën y'itëty ma ja mëmajktaxk po'opën, mëmëkoxk po'opën, mëwëxtujk po'opën ets ja mëmajkpo'opë, jä'ä nëjkx y'awinpity tu'uk xoontakën, tu'uk yë xëëw ma y'itëtyën ja jotkujk'ajtën ets xyi'iktëty y'ëwë'ëktëty ja Judá ja'ayëty. Miitsëty yë'ë mtsoktëp mjawëtëp yë mëtëypyë ets jotkujk'ajtën.

Joel 1:13

Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Jeremias 36:1

Ma ënäty taxk jëmëjt y'apetyën ma Joaquim tyëkën yajkutujkpë, yë Josías yë myaank mëti'ipë jam Judá ënä'ämpën, jää ojts yë Wintsën tmëkäjpxy yë Jeremías ets t'ënëmaay:

Nehemías 9:1

Kom i'px majktaxk xëëw, jä'ä po'o tyu'ukmujktaaytyë ja Israel ja'ayëty ets y'ayuu'ata'antë; jä'ä ijty tëëyëp ja'ay tuntë wa'ats ja wyääy kyopk tyaj'ujtsta'atë mëët ja naaxway ets nyätyukxojxta'ajëtë ja wit tujkxy nikëëts ixkëëts,

Levitico 23:27

Ma myajkxëëpetyën ja mëwëxtujkpo'opë, jä'ä mëpaat ja pokymyä'kxën y'ity. Jä'ä mye'eymyuktëty ets wa'ats xyajnaxtëty ya'atë nyänyiye'eypyätë, m'ayuu'atëp jä'ä ets ja Tios xymyo'otëty ja wintsë'kën, ma jëtu'un'äämpyë xymyëjjawëtëtyën.

Jueces 20:26

Ënät jatëkok ojts nyëjkxtaaykyojnëtëpë ja tsiptuunpëtëjkëty ets tëkokyë ja ja'ayëty jam Betel ets jyiiytyë yaxtë Tios wintum mëët ko ënäty may ja myëku'uk të y'o'kojnëtëpë. Tu'kxëëw yajxon ka'ap kyääytyë y'uktë ets ja Wintsën tmooytyë ja wyintsë'kën ma tuntën mëët ja näy'ëëw'oy näykyajpx'oyë.

1 Samuel 7:6

Yë Israel ja'ayëty ojts jam tyu'ukmukjta'atë Mizpá ets nëë jam may tniwijtspäjtë yë'ëts ojts yë Tios tukwintsë'ëkëtë tä yë ayajk ako'onën. Jä'ä xëëw ka'ap kyääytyë, jëtu'unyë ojts ayuu xyëëwnaxtë ets kë'ëm nyäja'awëy'ijtëtë ko tëë ënäty ja Wintsën tmëtëkoytyë mëjwiin këjää. Jam Mizpá jam ojts yë Samuel y'awinpity tu'uwinye'epyë ets tsip twinye'eyëty ets ja naax kajpn näjyëtu'un twinye'eyëty.

Jeremias 36:6

Paaty mijts ntuknipëky ko jatëkok tpaatëty ja nyixëëw ma ja'ay y'ayuu'atën, tääts mnëjkxëty ma tsajptëjkën ets jap xykyajpxëty tëkokyë mëti'ipës të nnaskajpxën ets të xykyëxja'ayën jëtu'un tmëtoowtëty yë ja'ayëty ja Wintsën ja y'aaw y'ayuk, yë Judá ja'ayëty mëti'ipë të tsyoontën ma kyajpnëtyën ets të myintën ma tsajptëjkën,

Joel 1:14

Mëkajpxmujkta'atë yë naax kajpn ets y'ayuu'atëty; yajmujkta'atë yë yujkyeekytyëjkëty ets mëjja'aytyëjk ets nitëkokyë ja'ayëty jap tsajptëkoty ets tmëkajpxtëty yë Wintsën.