Jeremias 36:2 - Biblia Mixe de Quetzaltepec

² Ix tu'uk yë noky apity ma xykyëxjaaytya'ajëtyën tëkokyë mëti'ipë të ntuk'ëwaanën mëëtpë yë Israel ja'ayëty, Judá ja'ayëty ets wiinkëtypë naax kajpn, wa'ats xykyëxjaaytya'ajëty maju'unëm nikajpxtsoonyënës ets tyampaat.

Biblia Dc en Mixe de Quetzaltepec

² Ix tu'uk yë noky apity ma xykyëxjaaytya'ajëtyën tëkokyë mëti'ipë të ntuk'ëwaanën mëëtpë yë Israel ja'ayëty, Judá ja'ayëty ets wiinkëtypë naax kajpn, wa'ats xykyëxjaaytya'ajëty maju'unëm nikajpxtsoonyënës ets tyampaat.

Jeremias 36:2 ပူးပေါင်းရင်းမြစ်များ

Jeremias 30:2

Yë Wintsën mëti'ipë Israel ja'ayëty Tyios'ajtëpën, jëtu'unës të xy'ënëëmë: Jam këxjaaytya'a ma tu'uk yë nokyën tu'kë'ëyë mëti'ipë të ntukmëmëtyä'äkyën,

Jeremias 25:3

Ma ënäty majktëkëëk jëmëjt y'apetyën ma ja Josías tyëkën yajkutujkpë, yë Amón yë myaank, jam Judá ets tyampaat ma kyä'pxyën i'px tëkëëk jëmëjt, tëëjës yë Wintsën yë y'ayuk xytyuknijawë ets tëë miitsëty ntuk'ëwaanëtë kanaak'ok, e miitsëty ka'ap nijënu'un të xymyëpëktë.

Jeremias 1:10

Ëjts yë n'aaw n'ayuk npëjktäkpy ma m'aaw myä'änën. Tyam ja kutujkën nmo'oy ets mnëjkxëty ma yajpaatën ja naax kajpn ets mwijxë'ëk mnujkë'ëkëtëty ets xyajkutëkoyëty ets xytyukmä'ä xytyukjëtsëty ets näjyëtu'un xymyëët'atëty ja mëk'ajtën wi'ix mkojëty mma'kxëty ets wi'ix mpänëty mkojëtyën.

Éxodo 17:14

Tä ja Tios t'ënëmaay ja Moisés: Jap xykyëxja'ajëty ma tu'uk yë nokyën, mëti'ipë tyam të tyuny të jyätyën ets jëtu'un ja'amyetsy y'itëty; ets xy'ënëëmëty yë Josué, ko ëjts nyajkutëkoyäämpyës yë Amalec ja'ayëty.

Ezequiel 2:9

Ënätës n'ijxy tu'uk yë kë'ë myëjxajy, yë'ë kyë'ëpëk'ajtyp yë noky axaatsy.

Jeremias 51:60

Yë Jeremías tëë ënäty tjaaypyäjta'ay nokykyijxy ja ëyo'on jotmay mëti'ipëjaty ja Babilonyë kajpn tukja'tanëpën,

Jeremias 36:23

Ko ja Jehudí tkajpxta'ay ja noky tëkëëk taxk waats, tääts ja yajkutujkpë tuktsukë ja noky ets tjëënkupëky. Aakjëtu'un tuuntaay koonëm tno'ktaay.

Jeremias 36:6

Paaty mijts ntuknipëky ko jatëkok tpaatëty ja nyixëëw ma ja'ay y'ayuu'atën, tääts mnëjkxëty ma tsajptëjkën ets jap xykyajpxëty tëkokyë mëti'ipës të nnaskajpxën ets të xykyëxja'ayën jëtu'un tmëtoowtëty yë ja'ayëty ja Wintsën ja y'aaw y'ayuk, yë Judá ja'ayëty mëti'ipë të tsyoontën ma kyajpnëtyën ets të myintën ma tsajptëjkën,

Isaías 8:1

Jëtu'unës ja Wintsën të xy'ënëëmë: Jam tu'uk yë kepy xy'ixta'ajëty, tu'kpuxyën ets jam xykyëxja'ajëty Maher-salal-hasbaz. Mëjjatyëty xyjya'ajëty ets yaj'ixkapëty.

Salmos 40:7

Paatyës të n'ëna'any: Tyaajës nyajpaaty, jëtu'un ijxtëmës jap nokyjoty nyajnikäjpxyën.

Esdras 6:2

e jam ma ja kyutujkëntëjkën ja Ecbatana, ma Media y'itjotmën, jam yajpaty tu'uk ja noky, ma tnimëtyä'äkyën ya'atë ja aaw ayuk:

Oseas 8:12

Oyës të njatuknijayë may yë n'ijxpëjkënës, yë'ë jëtu'un të tmëët'aty tä jeexyë ka'ap tjä'äjëtyën.

Jeremias 45:1

Ma ënäty taxk jëmëjt y'apetyën ma yajkutukyën ja Joaquim, Josías yë myaank mëti'ipë ënä'ämpën jam Judá, yë Baruc, yë Nerías yë myaank yë'ë ënäty jam kyëxjääpy tëkokyë mëti'ipë yë Jeremías nyikäjpxypën. Ënät ja Jeremías t'ënëmaay ja Baruc:

Jeremias 36:29

Ets xy'ënëëmëty: Jëtu'un yë Wintsën y'ënä'äny: Mijts ojts xynyino'oky ja noky axaatsy ets ojts yë Jeremías xytyuk'ojy ko tjaay mëti'ipë ja Babilonyë yajkutujkpë tyunäämpyën, ko myina'any ma ja naax kajpnën ets tyajkutëkoyä'äny ets nitu'uk ja ja'ay juuky tkayajwë'ëma'any ets jëyujkpaat tyajkëjxtaja'any.

Jeremias 2:4

Miitsëty mëti'ipë yë Jacob y'u'unk'ajtyp y'ok'ajtypyën, mëti'ipë yë Israel myëku'uk'ajtypyën, mëtoow'itë ja Wintsën ja y'aaw y'ayuk.

Jeremias 1:5

Ka'anëm ënäty juukyajtën nmo'oynyëm ko ojts nwin'ixy, ka'anëm ënäty mminyëm naaxwiiny ko ëpëky npëjktäky; yë'ë ojts ntukniwë'ëmë ets m'itëty käjpxynyajxpë ma naax kajpnën.

Job 31:35

Jääpëk jeexyë pën t'ëkmëtoy yë n'aaw n'ayukës. Tyamës nwinkäätsëty yë ayuk mëti'ipës mëtëy nkajpxpëtsëëmpyën; tyam wä'än xy'ëtsoowinpityës yë mëti'ipë maaytyääyëpën winë. Ja aaw ayuk mëti'ipës ënäty xytyuknipëtsëëmtëpën maas xynyi'ëënëtën këxja'ay,

Deuteronomio 31:24

Ko yë Moisés tjaaytyääy ya'atë ënä'ämën ma tu'uk yë nokyën,

Hebreos 10:7

Ënätës të n'ëna'any: Mijts Tios, tyaajës, jëtu'un ijxtëm jaaypyety y'ityën etsës ntunëty mëti'ipë mijts mtsojkpyën.

Jeremias 1:9

Tää ja Wintsën xynyixajwo'tyës ets ja kyë'ë xytyuk'atijë'kyës etsës xy'ënëmaay:

Jeremias 36:14

Ënät ja wintsëntëjkëty tkäjxtë ja Jehudí, yë Netanías yë myaank, yë Selemías yë y'ok'u'unk ets yë'ë y'u'unk y'ok yë Cusi ets t'ënëmaaytyë ja Baruc wä'än tmëjämy ja noky axaatsy mëti'ipë ënäty ja naax kajpn të tukwinkajpxën. Ënät ja Baruc ojts tmënëjkxy ja noky axaatsy ma ënäty jam yajpaatën.

Jeremias 36:18

Ënät ja Baruc y'ëtsooy: Yë Jeremías të xynyajtskajpxës ets të nkëxjaaytyä'äyës nokykyijxy ma ya'atë noky axaatsyën.