Jeremias 34:9 - Biblia Mixe de Quetzaltepec

⁹ Ja käjpxytyu'unën mëti'ipë yaj'apatëtyën, jëtu'un ja y'ënä'äny ko mëti'ipë ja'ay myëët'ajtypyën ja mëtuunpë ma jyëën tyëjkën ets ka'ap tmëjuy ets pën hebreo ja'ay, wä'än tnajtsmatsë këtiipë pën ja myëkunaax myëkukajpn twa'anëty mëtuunpë.

Biblia Dc en Mixe de Quetzaltepec

⁹ Ja käjpxytyu'unën mëti'ipë yaj'apatëtyën, jëtu'un ja y'ënä'äny ko mëti'ipë ja'ay myëët'ajtypyën ja mëtuunpë ma jyëën tyëjkën ets ka'ap tmëjuy ets pën hebreo ja'ay, wä'än tnajtsmatsë këtiipë pën ja myëkunaax myëkukajpn twa'anëty mëtuunpë.

Jeremias 34:9 ပူးပေါင်းရင်းမြစ်များ

Filipenses 3:5

jä'ä koos nmëxu'unk'ajty, kom tuktujk xëëwës ojts ja nye'etyëjk'ajtën yajnatsujk'ëwtity, jutiis ja'ayës ëjts, Benjamínkës nteety'äjtyp n'ap'ajtyp, hebreo ja'ayës ëjts xy'u'unk'ajtp. Ets ijxtëm ja jutiis ja'ay ja y'ënä'ämënëty y'ityën, ëjts ojtsës n'ijxpëjkë ja fariseë ja'ay ja y'ijxpëjkënëty.

2 Corintios 11:22

¿Hebreo ja'ay yë'ëjëtyë? Ëjts näjyëtu'un. ¿Israel ja'ay yë'ëjëtyë? Ëjts näjyëtu'un. ¿Abraham yë'ë y'u'unk y'okëtyë? Ëjts näjyëtu'un.

1 Corintios 6:8

E miits aak jëëmpit tii xytyuntë, ka'ap myëtëyëty tii xytyuntë, mä'tspë mnäpyëjkta'akëtë ma ja mëpëjkpëtëjkëtyën.

Jeremias 34:10

Tu'kë'ëyë ja ja'ayëty ojts tkupëktë ja jëtu'unpë ja winma'any ets y'itëty jëtu'unpë ja käjpxytyu'unën, ojts tyaj'ëwaatsëpëtsëëmta'atë ja ëyoopë mëtuunpë ets ka'ap ojts tuk'atsip'atë ets myëtunëtëty.

Jeremias 30:8

Ëjts Wintsën mëti'ipë maaytyääyëpën winë, ëjts ënaanp: Nyajpëtsëmäämpyës yë nnaax nkajpnës ma y'ëyoy myëtunyën, ka'ap nëjkx y'ëk'ëyoow y'ëkmëtuunë tä tsajpkaa tmëyu'uyën yë kyukë'ë.

Jeremias 27:7

Tu'kë'ëyë yë naax kajpn aakjam yajpata'aja'antë ma yë'ëjën ets ma y'u'unk y'ëna'kën ets ma y'ok'u'unk y'ok'ëna'kën; koonëm wiinkëtypë naax kajpn wäänë mëkpë pyëtsëmëty mëti'ipë nëjkx tyukja'tyën ets pyëjkëtëty ja kyutujkën.

Jeremias 25:14

Mëjëtypë kajpn ets mëj'äämpyë yajkutujkpë nëjkxëp tyukja'tyë ets ka'ap nëjkx yajmëtä'äkyë. Jëtu'unës ntukëpäta'any mëët ijxtëm të y'ëtë'ëtstë y'ëna'antë.

1 Samuel 14:11

Jëtu'un ojts tjantytyuntë ojts nimäjtsk nyätyuk'ixëtë ja filistejë ja'ay. E ko yë filistejë ja'ayëty jëtu'un t'ijxtë tääts y'ënantë: Ix tamts ja ënät pyëtsëëmta'atë ja hebreo ja'ayëty ma yu'utsy të yajpaatën

1 Samuel 4:9

Paaty tyam tsojk amëk jotmëk näpyëjktakëmë, pëjkë'ëktë yë ntuunpäjnëty mëti'ipë mëtsiptuuntëpën, tsojk ntsipjëtu'unëmë amëjaaw ma nxëëw'ajtëmën filistejë ja'ay. Këtiipë jëna'a yë xytyuunpë'ajtmëty yë hebreo ja'ayëty jëtu'un tä yë'ëjëtyën jeky të yajpaatën ma ëëtsajtëmën.

1 Samuel 4:6

Ko ja filistejë ja'ayëty tmëtoowtë jëtu'un ja Israel ja'ayëty tyäty ya'ax tyäty jyoktë, ënät y'ënantë: ¿Wi'ix ko nëkoo ja'ay yaxnëtë jyojknëtë ma hebreo ja'ayëtyën? E ko tnija'awëtyë ko ja Tios ja kyaaxë ënäty të jyä'ty jam ma ja hebreo ja'ayëtyën.

Deuteronomio 15:12

Pën yë mmëkunaax mmëkukajpn nätyo'këp ma mijtsën, wä'än yë'ëjëty ye'etyëjk ëkë to'oxytyëjk ets mëtuna'anyë. Tëtujkjëmëjt nëjkx je'eyë mëtunyë, ko wëxtujk jëmëjt kya'pxnëty, jä'ä nëjkx xyajwë'ëmy ëwaatsëtuuy.

Éxodo 3:18

Yë mëjja'aytyëjkëty nëjkxëp tja'akyukëtë mëti'ipë ënäty mijts mnimëtyäkpyën ets yë'ë nëjkx mëët xy'ixy ja yajkutujkpë mëti'ipë jap ënä'ämpën Egiptë ets xy'ënëëmëty: Yë Wintsën mëti'ipë Tyios'ajtëpën yë hebreo ja'ayëty, yë'ë të nyänyikëxë'ëkyë ma ëëtsëtyën. E paaty yam n'amëtowtës xy'ëwa'atsëty, wä'änës n'ëknëjkxtë jam të'ëts'itum, tëkëëk xëëw ye'eyën jyëkämëty ets nëjkx ja wyintsë'kën nmo'oja'antës ja wintsën mëti'ipës n'ëwtajtëpën.

Éxodo 2:6

Ko ja katsy tku'apëjktuty, ënät t'ixy ko pi'kmëxu'unktëm jap tu'uk ko'knääpy ets janty yaxp jap. Ko ja yajkutujkpë ja nyëëx jëtu'un t'ijxy, ojts tpa'ëyoy tnajts'ëyowë ja pi'kmëxu'unk ets y'ënäny: Ya'atë mëxu'unk, hebreo ja'ay yë'ë.

Génesis 40:15

Ëjts jamës ojts tsoony ma hebreo ja'ayëtyën yë nyaaxjotëtyën, e ëjts ka'apës nitii poky të ntuny, koos yaa tsumy xyaj'itë.

Génesis 14:13

E tu'uk yë ja'ay mëti'ipë ënäty të kyäktso'okyën ma ja tsipën, ojts myiny ma ja Abram, hebreo ja'ay jam yajpaatyën, jampë tsyëënën xojjoypyë'am ma tjä'ä'atyën yë Mamré ja Amor ja'ay. Tääts yajtukmëmëtyäky ko ënäty yë Lot të yajmatsy ets të yajmënëjkxy. Yë Mamré tu'kmëkä'äx ënäty mëët yë Escol ets Aner, yë'ëjëty oy ënäty mëët yë Abram nyäyaj'itëtë ets näpyutëjkëtëp ko muum tsyippaatë.