Jeremias 34:5 - Biblia Mixe de Quetzaltepec

⁵ Jotkujk nëjkx m'ooky, myajtukwintoyaanp yë tsooy mëti'ipë pa'akxu'kpën jëtu'un tä yajtukwintooytyën yë m'ap m'ok mëti'ipë ojts y'ënä'ämtën yajkutuktën ma ënäty mijts ka'ap m'ëne'emnyëmën; nëjkxëp ja'ay y'ëna'antë: Aay wintsën, nëjkxëp myajnimony myajnituky. Ëjts Wintsën, ëjts ënaanp.

Biblia Dc en Mixe de Quetzaltepec

⁵ Jotkujk nëjkx m'ooky, myajtukwintoyaanp yë tsooy mëti'ipë pa'akxu'kpën jëtu'un tä yajtukwintooytyën yë m'ap m'ok mëti'ipë ojts y'ënä'ämtën yajkutuktën ma ënety mijts ka'ap m'ëne'emnyëmën; nëjkxëp ja'ay y'ëna'antë: Aay wintsën, nëjkxëp myajnimony myajnituky. Ëjts Wintsën, ëjts ënaanp.

Jeremias 34:5 ပူးပေါင်းရင်းမြစ်များ

Jeremias 22:18

Jëtu'un yë Wintsën të tnikäjpxy ja Joaquim, yë Josías yë myaank mëti'ipë jam Judá yajkutujkpën: Yë Joaquim ni pën kyaniya'axa'anyë ko ënäty y'ooky, ni pën kyaniya'axa'anyë ets ni pën kya'ëna'ana'any: Ix tëy të m'ëkjaty mijts uty, ëkë mijts ajty, ëkë mijts tsë'ë, ëkë mijts wintsën, ëkë mijts yajkutujkpë.

2 Crónicas 16:14

ets jam nyaaxtëjkëy ma y'o'kpëjutën mëti'ipë nyipëjktakëyën ma ja David ja kyajpnën. Jam yajkëxko'ky ma tu'uk ja maapäjnën oypyë y'oytyunyëtyën mëët ja tsooy ets ja nëë mëti'ipë pa'akxu'kpën. Ets tyajmëjjëtyë tu'uk ja mëj jëën, mëti'ipë yë'ë yajtukmëjja'awëyën.

Daniel 2:46

Ënät ja Nabucodonosor yajkutujkpë nyäkyoxtënaaytyakë ma ja Danielën, ojts wyintä'äky nyaaxkoy ets ni'ënä'ämëy wä'än ja Daniel tyajmo'oy ja wintsë'kën ets wä'än tyajtukwinjoky yë poom.

Ezequiel 17:16

Ëjts Wintsën, jëtu'unës n'ëna'any ets njuukyajtënës yam ntukkajpxpejtyp, ko tääpë ja'ay jyëkyejpy y'ookëty jä'ä ko tëë tukxi'iky ja käjpxytyu'unën ets ka'ap të tpatuny ijxtëm të y'ënë'ëmxëtyën ja yajkutujkpë mëti'ipë të jyapëjktä'äkyën ets yajkutukëty.

Lamentaciones 4:20

Tëë yajtsumy yajmatsy mëti'ipë ja Wintsën wyin'ijxën, mëti'ipë ijty ëëts xyjyotkujkmooytyëpën, ja yajkutujkpë mëti'ipë ijty ëëts n'antijtëpën: Yë'ë wyintuuy jotkujk njuuky'ata'antës ma naax kajpnën.

2 Crónicas 34:28

Ko kë'ëmës nyajnikutukëja'any ets akujk jotkujk m'ookëty mtëkoyëty ets jam mnaaxtëkëty ma ja m'ap m'ok ojts nyaaxtëkëtën; jëtu'un nëjkx ka'ap xy'ixy ja ëyo'on jotmay mëti'ipë ënäty miimp këtakpën ma ya'atë naax kajpnën. Ja yajkutujkpë ja kyukäjpxy ojts ya'atë ja aaw ayuk tmëmintë ets tukmëmëtyaktë.

2 Reyes 22:20

Ko ënäty m'ooky mtëkoy, akujk jotkujk m'ooka'any mtëkoyä'äny ets nëjkxëp xypyääty xy'ixy ja m'ap m'ok, ka'ap xynyijawëja'any ko ënäty ya'atë ja naax kajpn o'ktëy jyajnë kyëpäjnë. Ja yajkutujkpë ja kyukajpxpë, ojts ja wyimpijnëtë ets tukmëmëtyaktaaytyë wi'ix ënäty ja Wintsën të y'ëtsoowinpityën.

Jeremias 34:4

E mëtoow'it ënät mijts Sedequías, mëti'ipë jam Judá yajkutujkpën, mëtoow'it mëti'ipës nkajpxäämpyën maas nxëëwatyën Wintsën: Mijts ka'ap kupuxy m'ooka'any.

1 Samuel 31:12

Ënät ojts nyäkyajpxëtë aak jotmëktëjkëty, tu'ktsu'um ojts ye'eytyë tääts jam tpatë ja mëjpotsy ma ënäty ja Saúl ja nyini'kx të yajkëxtëyën mëët nitëkëëk ja myaank ets tyajjënajktë; tääts ojts ënätyë wyimpijtkojnëtë jam Jabés ets jam ja o'kpë tyajnitooytyë.