Jeremias 33:8 - Biblia Mixe de Quetzaltepec

⁸ Nma'kxta'ajäämpyës tëkokyë yë pyokyëty mëti'ipë të tuuntëkoytyën maas ëjtsën; nimä'kxta'ajäämpyës tëkokyë y'ëxëëk winma'any ets ko të xykyäjpxy kumëtoownaxtës.

Biblia Dc en Mixe de Quetzaltepec

⁸ Nma'kxta'ajäämpyës tëkokyë yë pyokyëty mëti'ipë të tuuntëkoytyën maas ëjtsën; nimä'kxta'ajäämpyës tëkokyë y'ëxëëk winma'any ets ko të xykyäjpxy kumëtoownaxtës.

Jeremias 33:8 ပူးပေါင်းရင်းမြစ်များ

Zacarías 13:1

Jä'ä xëëw tu'uk yë nëëkopk kyupëja'any ets nëjkx jam yë pyoky ets y'ëxëëk'ajtënëty t'ixtsi'iwtë yë David yë y'u'unk y'ok mëti'ipë jam Jerusalén tsënaaytyëpën.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Salmos 51:2

Pujkës jä'tskës ja n'ëxëëk'ajtën. Tukniwijtstutkës ja nnëë npoky.

Apocalipsis 1:5

ets näjyëtu'un ja Wintsën Jesukristë, mëti'ipë ja Tios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Ezequiel 36:33

Ëjts Wintsën, jëtu'unës n'ëna'any: Ko ënäty nmä'kxta'ayës miits ja mpokyëty, nëjkxëp jam nyajtsëënëtë ma mkë'ëmnaax mkë'ëmkajpnëtyën ets nëjkxëp jatëkok xykyoj'oyëtë ja naax kajpn mëti'ipë ënäty të jyityën.

Jeremias 31:34

Ka'ap nëjkx y'ëkkopkpëky'ajnë yajtuk'ijxpëktëty wi'ixës mëpaat xy'ixy'atën ets tu'kjëëky tu'kmëku'uk, tu'kjëëky, tuk kä'äx, mëj mutsk nëjkx ja ja'ay xy'ixy'ajnëtës. Nëjkxëpës npokymyä'kxtë oy ënäty wi'ix të y'ëtë'ëtstë y'ëna'antë ets ka'apës nëjkx ja nyëë pyoky n'ëkja'amyäjtsënëtë. Ëjts Wintsën, ëjts ënaanp.

Jeremias 50:20

Ëjts, Wintsën, jëtu'unës n'ëna'any: Jä'ä xëëw jä'ä jëmëjt yë Israel ja'ayëty ets ja Judá ja'ayëty ëwaatsëtum wyë'ëma'antë ma nyëë pyokyëtyën, jä'ä ko npokymyä'kxäämpyës mëti'ipës juuky të nyajwë'ëmtën.

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

Salmos 65:3

Xymyëmëtaktëp ëëtsëty ja nëë poky mëti'ipë yajtuunp yajkajpxpën, e mijts mme'kxyp yë tuuntëko'oy kajpxtëko'oyën.

Joel 3:21

Yë'ë tëy yë mëti'ipë yë Judá ja'ayëty të tuuntëkoytyën ka'apës nimä'kxa'any.

Isaías 56:7

nyajminantëpës jam maas yë ntun nkopkën wa'atspë, jotkujk nyaj'ita'antës maas yë ntëjkën. Nkupëkäämpyës yë wyintsë'kënëty no'okpyë xämpyë ets ja wiinkëtypë ja wintsë'kën, jä'ä ko yë ntëjkës jä'ä yajtija'any: tëjk ma Tiosmëkajpxk y'ityën mëti'ipë naax kajpn jyä'ä'ajtypyën.

Isaías 4:2

Jä'ä xëëw ma ënäty ja Wintsën jatëkok tyajyoonpëkyën ja juukyajtën yë'ë nëjkx tyaj'oy'ijxëntëkë ets tpaatëty ja mëj'ajt oyajtën ja ja'ayëty mëti'ipë jam Israel jaakjuuky'ajtëpën; ja pëjktä'äky mëti'ipë ënäty ijtp wintëëpën kamwinm tu'uwinm, yë'ë nëjkx akujk jotkujk tjë'kxtë tpëktë.

Levitico 16:30

Jä'ä ko jä'ä xëëw jëtu'un xypyata'antë miitsëty ja pokymyä'kxën ma Tiosën ets wa'ats mwë'ëmtëty ma ja nëë poky xymyëët'atën.

Salmos 130:4

E mëët yë'ë ko jam ma mijtsën npaatës yë pokymyä'kxën ets myajmëjjawë.

Lamentaciones 4:22

Mijts Sión kajpn, tëë nyäxy ja mtëytyu'unën; ka'ap yë Wintsën m'ëk ixkäxanënë mnaaxjoty mkajpnjoty. Je'eyëp ko tyiytyunäämpy yë mtëko'oyën mijts Edom kajpn ets yajnikëxë'ëkäämpy ma të mtëkoyën.

Salmos 130:8

Yë'ë yajpokynyiwa'atsäämpy yë Israel kajpn oy ëxëëk të y'ëtë'ëtstë y'ëna'antë.