Jeremias 32:39 - Biblia Mixe de Quetzaltepec

³⁹ Ëjts kë'ëm nyajkutukäämpy ets yi'iyë tmëmay tmëtajtëty wi'ixës xyajmëjnaxtëtyën ets oy jyuuky'atëty, näjyëtu'un yë y'u'unk y'okëty.

Biblia Dc en Mixe de Quetzaltepec

³⁹ Ëjts kë'ëm nyajkutukäämpy ets yi'iyë tmëmay tmëtajtëty wi'ixës xyajmëjnaxtëtyën ets oy jyuuky'atëty, näjyëtu'un yë y'u'unk y'okëty.

Jeremias 32:39 ပူးပေါင်းရင်းမြစ်များ

Hechos 4:32

Ja mayjyä'äy mëti'ipë myëpëjktën ja Jesús, tu'ukyë ijty ja jyot wyinma'any tyaj'itë; ni pën ja pyëjktä'äky tkajä'äpëjktä'äky nätyu'uk, aak tu'knax tyajtuntë.

Juan 17:21

N'amëtoy npëjktsoy ets tu'ukyë y'itëty; ijxtëmës tu'ukyë n'ityën mëët mijts ets mijts tu'ukyë mëët ëjts. Näjyëtu'unës n'amëtoy ets tu'ukyë y'itëty mëët ëëtsëty ets tmëpëktëty ja naaxwiinyëtë ja'ayëty ko mijtsës të xykyexy.

Ezequiel 37:25

Jam nëjkx tsyëënëtë ma ja naax kajpnën mëti'ipës nmooyën yë ntuunpës Jacob, ma ojts näjyëtu'un tsyëënëtën yë y'ap y'okëty. Jam nëjkx tsyëënëtë xëmë ets näjyëtu'un yë y'u'unk y'ëna'këty ets y'u'unk y'okëty; yë ntuunpës David yë'ë nëjkx xëmë yajkutuky.

Ezequiel 36:26

etsës mpëjkta'aka'any ma miitsëtyën jemypyë jot ja'awën ets jemypyë jot winma'any. Njuutäämpyës ma miitsëtyën tääpë juunpë jot ja'awën, jëtu'unpë jyuunëtyën tä tsaajën etsës mpëjkta'aka'any yu'unkpë jot ja'awën.

Hebreos 10:20

ets yajpanëjkxëty ja jemytyu'u mëti'ipë juukyajtën tukpatpën, mëti'ipë ojts tyajniku'ëwa'atsyën ko wit atëëytyuk ojts kyë'ëtswä'kxy jap tsajptëkoty, yë'ë tyijpy ja jyot nyi'kx ko tsyëtyujty wyintëkooy.

Juan 14:6

Ënät ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Tios Teetyën.

Jeremias 32:40

Ntunäämpyës yë käjpxytyu'unën mëët yë'ëjëty mëti'ipë xëmë itëpën: tyamës n'ënëëmëja'antë ko xëmës oy nyajjuuky'atanëtë ets nyajkutukäämpyës ets ëjts xëmë xyjyot'atëty ets xytyukxoonta'aktëtyës ets ka'ap nëjkx xy'ëkpuwa'ktutnëtës.

Proverbios 23:17

Këtii xy'ëxëëk ixëty yë pokyjyä'äytyëjk; nikë yë'ë xëmë Tios yajmëjnax;

2 Crónicas 30:12

Wintsën kë'ëm yajkutujk ets ja ja'ay may tja'akyukëtëty ja aaw ayuk mëti'ipë ja yajkutujkpë ets ja kutuunktëjk nyi'ënä'ämëtën, mëti'ipë ja Wintsën ënäty të tyuknipëkëtën.

1 Corintios 7:14

Ja ye'etyëjk mëti'ipë ja Jesukristë ka'ap tmëpëkyën, kënu'kxëtëp ja Tios ko ja tyo'oxytyëjk mëpëjkp; ets ja to'oxytyëjk mëti'ipë ja Jesukristë ka'ap tmëpëkyën, kënu'kxëtëp ja Tios ko ja nyiye'etyëjk mëpëjkp. Pën ka'ap jyëtu'unëty, jëtu'un jeexyë ja m'u'unk m'ëna'k y'itë ijxtëm mëti'ipë tyaak tyeety kamëpëjktëpën; je'eyëp ko ja m'u'unk m'ëna'këty, Tios ja kënu'kxëtëp.

Hechos 13:33

Ets të tkuuytyuny ets ntuk'oy'ajtmëty ko të tyajjuukpyijky ja Jesús jatëkok. Jëtu'un ijxtëm y'ënä'änyën ja mëmäjtskpë ja salmos: Mijts n'u'unk'ajtyp. Ëjts mijts të nyajkojy.

Isaías 35:8

Jam ja Wintsën tu'uk ja mëjtu'u tyajnaxa'any mëti'ipë yajtijaanpën, Kënu'kxytyu'u. Mëti'ipë ënäty ka'ap wya'ats'atën ka'ap nëjkx jam tyëkëtë, yë tsuuja'aytyëjk ka'ap nëjkx jam nyaxtë, yi'iyë nëjkx jam nyaxtë mëti'ipë mëtëy juuky'ajtëpën.

2 Corintios 13:11

Tyamës nkajpxwë'ëmy mëku'uktëjkëty, ntukmëtsojktëp ets akujk jotkujk mjuuky'atëty. Yë'ë ixta'atë mëti'ipë wa'atsën. Patuntë mëti'ipë ojts ntuknijayëtën ets itë tu'ukyë mëët ja jotkujk'ajtën. Pën mtuuntëp jëtu'un, m'itantëp mëët ja Tios mëti'ipë ja oyjyot oywyinma'any yäjkpyën tëy tëtä'äky.

Romanos 11:16

Jëtu'un ijxtëm ja jëtsyën mëti'ipë ja Tios yajtuknipëjktakëpën kënu'kxy ja nyäxy, näjyëtu'un ja tsajpkääky nän kënu'kxy jä'änë. Näyjyëtu'un ënät tu'uk ja kepy tyikts ko tëë Tios tkënu'kxy, ja kepyxye'enty aak wa'ats ja nyajxtaaynyë.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Hechos 3:26

Ko ja Tios tyajjuukpyijky ja y'u'unk, jëyëjp ojts miits mtuknikäxëtë ets mkënu'kxëtëty ets xy'ëxmatstëty ja m'ëxëëktu'un m'ëxëëk kajpxënëty.

Hechos 2:39

Miits yë Tios të mtukwinwanëtë mëët yë m'u'unk m'ëna'këty ets jënu'un yë naaxwiinyëtë ja'ay mëti'ipë jëkämpaat tsënaaytyëpën, ni'ëmukë mëti'ipë ja Wintsën wyinwitsäämpyën.

Ezequiel 37:22

Mëët yë'ëjëty nyajkojäämpyës tu'uk yë naax kajpn ma ya'atë it naaxwiinyëtën, ma Israel kopkën ets nëjkxëp tmëët'atë tu'uk yë kyutujktakn. Ka'ap nëjkx y'ëknäwya'kxënëtë mäjtskpëky ets ka'ap nëjkx mäjtsk yë yajkutujkpë t'ëkmëët'ajnëtë.

Jeremias 6:16

Jëtu'un ja Wintsën ja nyaax kyajpn t'ënëmaay: Nëjkxtë jam muum mtänëtë në'ëjoty tu'ujoty ets xy'ixtëty ma patu'ujën; xyajnitëwëtëty mëti'ipë oyën, yë'ëts panëjkxtë ets mpo'kxtëty. E yë'ëjëty tyaa ojts y'ëna'antë: Ka'ap, ka'apës mpanëjkxa'antë.

Isaías 52:8

Mëtow wi'ix ya'axtën jyoktën ja mkëwent'ajtpëtëjk ets akujk jotkujk ni'ëmukë tukyaax tukjokëtë ko tëë ja'ay myëta'aktë, jä'ä ko tëë kë'ëm timy'ixtë wi'ix ja Wintsën të wyimpityën jam Sión.

Salmos 128:6

Nëjkxëp xy'ixy ja m'ok u'unk m'ok ëna'k. Wä'än tjam'aty ja jotkujk'ajtën ma Israel ja'ayëtyën.

Salmos 112:1

Tukxoontä'äky mëjjawë yë Tios yë xyëëw nyaxëty. Jotkujk yë ja'ay yajpaaty mëti'ipë wyinkutsë'këpën yë Wintsën, ets jotkujk nyäjyawëty ko tpatuny ja y'ënä'ämën tyiyajtën.

Deuteronomio 5:29

Jëtu'un jeexyë xëmë myäytyë tyajtë etsës jeexyë xywyinkutsë'ëkëtë ets tpatuntëty yë n'ënä'ämënës ntëyajtënës winjëpom, ko jeexyë y'ëkjëtu'un'aty janty jotkujk jeexyë jyuuky'atë winë xëëw winë jëmëjt ets näjyëtu'un ja y'u'unk y'ëna'këty.

Génesis 22:12

Y'ënäny ja Tios kyukajpxpë: Këtii m'u'unk jëtu'un xytyuny, tëëjës nnijawë ko mijts mtsë'këpë Tios ets ka'apës mijts të xywyin'ëënyës, koos yë m'u'unk xymyo'oja'any xytyukwintsë'ëkëja'any.

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

Génesis 17:7

Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

Deuteronomio 6:24

Ok ja nWintsënëtyës Tios ojts xytyuk'ënä'ämtës ets npatuntëtyës ja y'ënä'ämën ets nwinkutsë'ëkëtëtyës tääts ja juukyajtën yajmëët'atëty tä tyam yaj'ixyën.

Salmos 86:11

Mijts Wintsën, tukni''ijxëkës yë mnë'ë mtu'u etsës yë'ë tu'ukyë npaye'eyëty. Mijts m'a'ixëp ets njot nwinma'anyës y'ëwa'atsëty, täätsës nmëjpëjkta'akëty yë mxëëw.

Isaías 65:23

Ka'ap ja tuunk nyatëkë'atëty, ko ënäty ja u'unk ëna'k myëxu'unk'atë, ka'ap nëjkx yajpoktë, kënu'kxy ja Wintsën yaj'ita'anëtë, kënu'kxy nëjkx y'itë y'u'unk y'ëna'këty.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Deuteronomio 6:2

Jëtu'un'äämpy nëjkx ja mWintsënëty mëj'äämpy xypyëjkta'aktë. Ets xypyatuntëty ya'atë ënä'ämën tëyajtën mapaat mjuuky'atën yaa naaxwiiny naaxkëjxy, näjyëtu'un ja m'u'unk m'ëna'këty, m'u'unk m'okëty ets ja mjuukyajtën yontëty jyäktëty.

Jeremias 24:7

Nëjkxëpës nmo'otë ijxkujk ja'aykyujkën etsës ëjts xy'ijxpaatëty ko ëjts Wintsënajtp, yë'ë nëjkx nkajpn niwa'antës etsës nëjkx ëjts xyTyios'atë, jä'ä ko ëmuumtu'ukjot nëjkx jatëkok xynyiwinpitës.

Ezequiel 37:24

Yë ntuunpës David, yë'ë nëjkx yajkutuky ma yë'ëjëtyën ets yë'ëjëty nëjkxëpës xymyëmëtowtë ets nëjkx tkuuytyuntë ja n'ënä'ämënës ntëyajtënës.