Jeremias 32:34 - Biblia Mixe de Quetzaltepec

³⁴ Ni'ikyë të tjaamtään të tnaaxtääntë yë ntsajptëjkës mëti'ipës ojts ëjts nyajtuknikojën, ko jap të tpëjktaknëtë ja awinax.

Biblia Dc en Mixe de Quetzaltepec

³⁴ Ni'ikyë të tjaamtään të tnaaxtääntë yë ntsajptëjkës mëti'ipës ojts ëjts nyajtuknikojën, ko jap të tpëjktaknëtë ja awinax.

Jeremias 32:34 ပူးပေါင်းရင်းမြစ်များ

Jeremias 7:30

Jëtu'un yë Wintsën y'ënä'äny: Yë Judá ja'ayëty yë'ë të tuntë mëti'ipës ka'ap n'oyjyawën: jap y'ëxëëk awinax të tpëjktaknëtë ma tsajptëjkën mëti'ipës ëjts të nyajtuknikojën ets të tukyaj'ëxëëkëtë.

Jeremias 23:11

Jëtu'un yë Wintsën y'ënä'äny: Yë'ëpaat yë käjpxynyajxpëtëjkëty ets teetytyëjkëty ka'ap të xywyintsë'ëkëtës; maas ntsajptëjkën të ntimkyupaatëtës y'ëtë'ëtstë y'ëna'antë ëxëëkjaty.

2 Crónicas 33:15

Jyëpëjk ja awinax mëti'ipë ënäty jap tsajptëkoty të tkojyën ets ja wintsë'këntyakn ets t'ixjëpijptaay jam kajpnpë'am.

2 Reyes 23:6

Ojts jam tyajpëtsëëmta'ay ma ja Jerusalén kajpnën ja Aserá y'awinax, mëti'ipë jap yajpatpën ma ja Wintsën ja tsyajptëjkën; jam tyajnitooy ma ja Cedrón wokën, kuyjaam tyaj'awinpijty ets ojts twëjwä'kxy ma ja o'kpë nyipätën.

2 Reyes 21:1

Yë Manasés ko tyëjkëy yajkutujkpë jä'ä ënäty yë jyëmëjt majkmäjtsk ets jä'ä ojts jam yajkutuky Jerusalén wëxtyikxy myajkmokx jëmëjt. Jä'ä ja tyaak ijty xyëëwajtyp Hepsiba.

Jeremias 7:10

ok mmintë ma ya'atë tsajptëjkën, mëti'ipë ëjts të nyajtuknikojën. Jëtu'un mmaytyë mtajtë ko ka'ap yaa tii mjatëtëty; m'ënantëp ko jyëkyejpy je'eyëm ëxëëk m'ëtë'ëtstëty m'ëna'antëty.

Jeremias 19:4

jä'ä ko yë Israel ja'ayëty ojts xy'ëxmatstës ets ojts ya'atë it naaxwiinyëtë tyaj'awinpitë wiink naax wiink kajpn, wiink tios ojts tukwintsë'ëkëtë ja poom jok, ja tios mëti'ipë ënäty ka'ap t'ixy'atën ets ja y'ap y'okëty ets Judá yajkutujkpë nän ka'ap ënäty të t'ixy'atë; ojts jam tämtë tjä'ätsë ja wa'ats ja'aytyëjk ja jyot nye'pnyëty.

Jeremias 34:15

E miitsëty ojts xyaj'oyëtë mjot mwinma'anyëty ets ojts xytyuntë mëti'ipës n'oyjya'apën ko xynyasmajtsëtyë ëwaatsëtum yë mjëëky mëku'ukëty ma ënäty myëtuntën. Ko miitsëty ojts xytyuntë tu'uk ja käjpxytyu'unën maas yë ntsajptëjkën mëti'ipës ojts nyajtuknikojën.

Jeremias 44:4

Kanaak ok njakejxyës yë nkäjpxynyajxpës ma miitsëtyën ets jeexyë m'ënë'ëmxëtë ko këtii xytyuntëty mëti'ipës n'ëxëëk'ijxypyën.

2 Crónicas 36:14

Näyjyëtu'un ja Judá ja'ayëty ets ja teetytyëjkëty, ojts ja jyot wyinma'any tyajtëkooynyëtë ets ka'ap ja Wintsën ojts t'ëkmëj'ijxnëtë; jëtu'un winë tuunëtë tä ja ja'ayëtyën mëti'ipë ka'ap ja Wintsën t'ixy'atën ets ka'ap t'ëkwitsë'kënëtë ja Wintsën ja jyëën tyëjk, mëti'ipë ënäty ja Wintsën të tnikäjpxyën ko yë'ë tëjk'ata'any mëti'ipë jam Jerusalén yajpatpën.

Jeremias 7:31

Ma ja Ben-hinom joyjotmën, jam të tkojtë yë Tofet wyintsë'këntyakn ets jam nino'oka'antë ja y'u'unk y'ëna'këty ye'etyëjkpë to'oxytyëjkpë, mëti'ipës ka'ap nijëna'a ojts ni'ënä'ämën ets ka'apës ojts nijënu'un ntimmyäy ntimtyäjy jëtu'un y'ëtë'ëtstëty.

Jeremias 30:14

Ja ye'etyëjktëjk mëti'ipë ënäty mëët mnäy'ixjëtity mnäpyajëtityën, tëë mja'atyëkooyënëtë; ka'ap m'ëk jot'ajtënëtë. Jä'ä ko jëtu'un mijts të nyajtsëtsyuty tä jeexyë nmëtsip'atyën, mëk të ntëytyuny jä'ä ko këjää ja mtëko'oyën ets mëj ja mpoky.