Jeremias 32:20 - Biblia Mixe de Quetzaltepec

²⁰ Ojts jap Egiptë yë mmëjajtën mkutujkën xyaj'ixyë, tyampaat je'eyëm xyaj'ixyë ma Israel kajpnën ets ma nitëkokyë ja'ayëtyën, jëtu'un'äämpy yë mxëëw mëj yajëkyepy oymyaajëty.

Biblia Dc en Mixe de Quetzaltepec

²⁰ Ojts jap Egiptë yë mmëjajtën mkutujkën xyaj'ixyë, tyampaat je'eyëm xyaj'ixyë ma Israel kajpnën ets ma nitëkokyë ja'ayëtyën, jëtu'un'äämpy yë mxëëw mëj yajëkyepy oymyaajëty.

Jeremias 32:20 ပူးပေါင်းရင်းမြစ်များ

Nehemías 9:10

Mëjwiin këjää ojts ja mëj'ajtën xyaj'ixyë ets mëjwiin këjää winë xytyuuny ma ja yajkutujkpë ënäty yajkutukyën, wa'ats t'ijxtaay tnija'awëtyääytyë ja tyuunpëtëjkëty ets ja wyintsëntëjkëty mëët ko ënäty janty amëj akëjxm tyimnäyajnaxyë ets ko ënäty o'ktëy ja Israel ja'ay timtyuny timy'ënëëmë. Jëtu'un'äämpy ja'ay mpëjktakë ijtëpën oy tyimmaajëty.

Hechos 7:36

Moisés ojts tyajpëtsëmy ja nteety'ajt n'ap'ajtëm jam Egiptë; ojts tyaj'ixyë ja mëj'ajtën jap Egiptë, jam Mejyjyotm ets wëxtyikxy jëmëjt jam të'ëts'itjotm.

Daniel 9:15

Wintsën Tios, mijts ojts xyaj'ixyë mëj'ajtën ko ojts jap Egiptë xyajpëtsëmtës, ma ojts mëj'äämpy nyäxyën yë mxëëw ets tyampaat; e ëëtsëty je'eyës nëë poky të nmëmay të nmëtajtë ets ëxëëk winë të ntuntës.

Salmos 135:9

Jap Egiptë itkujky ojts jap mëj këjää yë ëyo'on tyajkëtä'äky ets tyajkëxë'ky ja myëj'ajtën ma ja Egiptë ja'ay kyutujkpën ets ma nitëkokyë ja tyuunpëtëjkën.

2 Samuel 7:23

E yë'ë ënät ja Israel kajpn, mëti'ipë mijts mkajpn'ajtypyën, ni pën kyamëpaatëtëty tä yë'ëjën. Tä yë'ëjën, tu'ukyë jëtu'unpë yajpaaty yaa naaxwiiny naaxkëjxy. Mijts Wintsën, mijts ojts xyaj'ëwaatsëpëtsëmy ets mijts xyjyä'ä'atëty; tëë mëj'äämpy xyajnaxy mëët ko winë të xytyuny ma yë'ëjën mëjwiin këjää, jä'ä ko mijts ojts xyajkutëkooytyä'äy ja naax kajpn mëti'ipë ënäty atsijpëpën ko tsyo'ony jap Egiptë mëët tukë'ëyë ja tiosëty mëti'ipë y'ëwtajtëpën,

Éxodo 10:2

Ets nëjkx jëna'a xytyukmëmëtyä'äky yë m'u'unk m'ok ets m'ok'u'unk m'ok'ëna'k, wi'ixës ënäty të ntukxi'iky të ntuk'ëwë'ëkyën yë Egiptë ja'ayëty ets näjyëtu'un wi'ixës mëj këjää të nyaj'ixyën ja nmëj'ajtënës ma yë'ëjëtyën, jëtu'un'äämpy xynyijawëtëty, ko ëjts Wintsën.

Éxodo 9:16

E ëjts tëëjës nyajkutuky ets mjuuky'atëty ets xy'ixëty wi'ix'äämpy ëjts yë mëk'ajtën nmëëtëtyën ets jëtu'un akäjpxy n'itëtyës oy tyimmaajëty.

Isaías 63:12

mëti'ipë ja Moisés tyukpanëjkxën oy tyimmaajëty ja kyënu'kxyajtën, mëti'ipë yajwa'kxën mäjtskpëky ja mëjnëë ets ja nyaax kyajpn të'ëts wa'ats tyajnajxy ets y'awinpijty mëj'äämpy oy tyimmaajëty,

1 Crónicas 17:21

E mëëtpë ënät ja mkajpn, ja Israel kajpn, ka'ap ma wiinkpë jëtu'unpë tä yë'ëjën, ka'ap ma wiinkpë kajpn jëtu'unpë tä yë'ë myëjkajpnëtyën, tu'ukyë je'eyë yajpaaty yaa naaxwiiny naaxkëjxy. Mijts, Tios, mijts të xyaj'ëwaatsëpëtsëmy ets yë'ë xykyajpn'atëty ets ojts mëj'äämpy mijts m'awinpity mëët ko winë xytyuuny xykyäjpxy mëjwiinpë këjääpë. Mijts wa'ats ja naax kajpn xyajkutëkooytyääy maajaty nyajxtën ets ja mnaax mkajpn yë'ë xyajmëtaky, mëti'ipë jap mju'tën Egiptë,

Deuteronomio 7:19

Yë ëkja'amyätstë wi'ix yë Tios yë mëj ëyo'on kanaakjëjp jap tyajkëtäkyën Egiptë ets miitsëty ojts kë'ëm xy'ixtë, wi'ix ojts yë myëj'ajtën tyaj'ixyë ets ja kyutujkën ets jëtu'un jap myajpëtsëëmëtë. Näyjyëtu'un ja Tios tuna'any ja naax kajpn mëti'ipë miitsëty mtsë'këtyëpën.

Deuteronomio 6:22

Ëëtsëty wa'atsës n'ijxtë wi'ix ojts yë Tios yë myëj'ajtën tyaj'ixyën jap Egiptë mëj këjää, ma yajkutujkpën ets ma jyëën tyëjkën.

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Tios jap Egiptë?

Éxodo 7:3

Ëjts kë'ëmës nëjkx n'ëwa'atsy ets mëj'ënä'ämpë ka'ap tsojk kyäjpxyjyä'äkyukëty, jëtu'un'äämpy tjëkyäpëty etsës ja nmëjajtën kanaakpëky nyaj'ixëtëty jap Egiptë ets ma tëkokyë yë it naaxwiinyëtë tnitänë.

Éxodo 3:20

E ëjts nyaj'ixanëpës yë nmëjajtën, nëjkxëpës mëj këjää ntëytyuntë yë Egiptë ja'ayëty mëët ja o'kën tëko'oyën ets ntuk'ixtëpës mëjëtypë këjääjëtypë mëj'ajtën ma nyaax kyajpnëtyën; e koonëm ënäty jëtu'un të tyuny të jyätyë, täänëm nëjkx m'ëxmatsëtë.

Isaías 63:14

ets tä yë tsajpkaa jyoykyëtä'äkyën. Ja Wintsën ja myëk'ajtën jä'ä ijty tu'uwinye'eyëtëp. Jëtu'un twinwooy ja nyaax kyajpn ets ojts mëj'äämpy nyäxy ets ja mëj'ajt oyajtën tukpaty.

Jeremias 13:11

Jëtu'un tä tu'uk ja'ay nyäwyë'ënta'atsyën, jëtu'unës yë Judá ja'ayëty ets Jerusalén ja'ayëty të nmëët'aty, wë'ënta'atsy tu'ukmukyë të yajpaatë mëët ëjts ets yë'ë nnaax'at nkajpn'atëtyës, jëtu'un yë nxëëwës tyajmëjnaxtëty, tääts yë nmëj'ajt n'oyajtënës jam nyikëxë'ëkëty ma yë'ëjëtyën. E yë'ëjëty ka'ap të xymyëmëtowtës. Ëjts Wintsën, ëjts ënaanp.

Deuteronomio 11:3

Wi'ix mëj këjää jap winë tuunyën Egiptë, ko ja ëyo'on tyajkëtäky ma yajkutujkpën ets ma tu'kë'ëyë ja nyaax kyajpnën.

Nehemías 9:11

Mäjtskpëky ojts xyajwa'kxtë ja mëjnëë ets nyajxtë wa'ats pëk; e ja myëtsiptëjkëty wa'ats xyajkiintaay jëtu'un tä mëjtsaa kyinyën këknëëjoty.

Daniel 6:28

Ets Daniel je'eyëm ojts y'ity wintsën ma ja Darío ja kyutujktaknën ets ma ja Ciro näjyëtu'un yajkutujkyën, mëti'ipë Persëja'ayën.