Jeremias 32:2 - Biblia Mixe de Quetzaltepec

² Jä'ä xëëw jä'ä jëmëjt tëë ënäty yë Nabucodonosor yë tsyiptuunpëtëjk tyajnatuktë yë Jerusalén kajpn, yë Jeremías käjpxynyajxpë tsumy ënäty y'ity jam ma këmoontëjk ja nyitëja'awën.

Biblia Dc en Mixe de Quetzaltepec

² Jä'ä xëëw jä'ä jëmëjt tëë ënety yë Nabucodonosor yë tsyiptuunpëtëjk tyajnatuktë yë Jerusalén kajpn, yë Jeremías käjpxynyajxpë tsumy ënety y'ity jam ma këmoontëjk ja nyitëja'awën.

Jeremias 32:2 ပူးပေါင်းရင်းမြစ်များ

2 Reyes 25:1

Ma ënäty myajk'anyën ja mëmajkpo'opë, ma tyaxtujk jëmëjtpetyën, ma yajkutukyën ja Sedequías; ënät ja yajkutujkpë Nabucodonosor, Babilonyë ja'ay ojts tsyoony mëët ja tsyiptuunpëtëjk ets nëjkx tsyiptuna'antë mëët ja Jerusalén ja'ayëty; tääts tyajnatujky ja Jerusalén kajpn. Wintuuytsyow ojts tniminy ets jam nyäpyëjktakëtë, ojts tyaj'oyëtë ja tyënaaypyäjnëty ets tnitëkëja'antë.

Nehemías 3:25

Ma jam yë Binuy jyä'ä tyajjajtyën jam tpatëjkëy yë Palal, myaank yë Uzai, wa'ats tkoj'o'oyëtyääy ja potsy mëti'ipë jampë jamën ma ja potsy tyäkën ets tpojts'o'oyëy ja mëjpotsy mëti'ipë nyinajxypyën ma ja yajkutujkpë ja kyutujktakn;, mëti'ipë kutujkëntëjk ëkë'ëy najxpën. Jam tpatso'ontäky yë Pedaías, yë myaank yë Faros,

Salmos 88:8

Mijts të xy'ëwa'atsy, etsës yë njëëkytyëjk nmëku'uktëjk xynyikäkta'ajëty, je'eyës mijts të xypyëjktä'äky ets xymyëtsipkä'äxtëtyës. Ëjts jëtu'unës nyajpaaty tä yë ja'ayën mëti'ipë tsumy matsy ijtpën ets ka'ap tjëkyepy wi'ix kyä'äkëtyën.

Jeremias 32:3

Yë Sedequías yajkutujkpë yë'ë ojts nyi'ënä'ämëty ets yajtsum yajmatsëty, jä'ä ko y'ënä'äny: Jëtu'un yë Wintsën tnikäjpxy: Ëjts nyajkutukäämpy ets ya'atë naax kajpn jam kya'ajëty ma Nabucodonosor kyë'ëjotmën mëti'ipë jam Babilonyë yajkutujkpën,

Jeremias 32:8

Jëtu'un tä ënäty yë Wintsën të xy'ënëëmënës, ojts ja n'utyës Hanamel jyänty myiny, jamës xynyimiiny maas ënäty jam tsumy n'ityën, jam tëjk'ëkë'ëm ma ja tsiptuunpë y'itën ets xy'ënëmaayës ko naax tu'uk tyookäämpy etsës ëjts njuyëty, ja naax jam Anatot yajpaaty ma ja itjot naaxjotmën mëti'ipë yë Benjamín ja'ayëty nyitënaaytyëpën, tääpë naax kam xypyatpës ëjts njuyëty jä'ä ko winkonës ntimmyëku'uk'aty. Koos nja'akyujkëy ko Wintsën jëtu'un të tyajnikutukë,

Jeremias 33:1

Tsumy matsy ënäty y'ity ja Jeremías jam ma ja kyëwent'ajtpëtëjk y'itën, jam ma ja kutujkëntëjkën, ko ojts ja Wintsën jatëkok myëkäjpxyë ets y'ënëmaayë:

Jeremias 34:1

Ko ojts yë Jerusalén kajpn ets kajpn mëti'ipë mëët nyätyu'kmëtsëpa'an'atyën nyitëkëty yë Nabucodonosor jampë Babilonyë yajkutukyën, mëët tu'kë'ëyë yë tsyiptuunpëtëjk mëti'ipë wiink naax wiink kajpn tso'ontëpën mëti'ipë yë Nabucodonosor nyitënääpyën, jää ojts yë Wintsën tmëkäjpxy yë Jeremías ets t'ënëmaay:

Jeremias 36:5

Ënät yë Jeremías tuknipëjky yë Baruc ets t'ënëmaay: Ëk'ix, ëjts ka'apës njëkyepy nnëjkxëty ma tsajptëjkën, jä'ä ko tsipjotyës nyajpaaty.

Jeremias 37:15

Tääts tnipëtë'ktë ja Jeremías, ojts twoptë ets tsuumtë jam ma Jonatán yë tyëjkën, mëti'ipë jääpyën, ja tyëjk pujxntëjk ijty wyä'äny.

Jeremias 37:21

Ënät ja Sedequías yajkutujkpë ojts tni'ënä'ämë ets ja Jeremías jam tsumy y'itëty ma ja këwent'ajtpë y'itën ets tmo'otëty ja kyääky winjëpom, mëti'ipë tso'onpën ma yajtijyën Tu'u Jot Ma Ja Tsajpkääky Kyojyën. Jäpaat jyëtu'un'ajty mapaat jyaak jam'ajtyën ja kääky uuky jam Jerusalén. Yë Jeremías jam ojts y'ity tsumy matsy ma ja këwent'ajtpë y'itën.

Jeremias 37:4

Ka'anëm ënäty yë Jeremías yajtsumnyëm, jaaknëjkxpnëm ënäty muum ma naax kajpnën.

Jeremias 38:13

Ënät ja Jeremías two'onpëtsëëmtë mëët ja tejpxy. Yë Jeremías jam ojts je'eyë këwent'aty jyaak ijty ma këwent'ajtpë y'itën.

Jeremias 38:6

Ënät tmajtstë ja Jeremías ets jap tkujëpijpëtyë nëëjutjoty mëti'ipë yë Malquías jyä'ä'ajtypyën, yë yajkutujkpë myaank. Mëët yë tejpxy tkutëëynyajxtë. Jap nëëjutjoty ka'ap ënäty jap tii nëë, yi'iyë nëë mo'onts, paaty yë Jeremías myo'onts jë'ënë.

Mateo 5:12

Xi'iktë xontë ets jotkujk yajpaatë, jä'ä ko mëj ja Tios mkumaya'anëtë; jä'ä ko näjyëtu'un ojts t'ixjëtit tpajëtitë ja Tios kyäjpxynyajxpëtëjk mëti'ipë tëëyëp juuky'ajtëpën ma ënäty miitsëty ka'ap mjuuky'atënëm.