Jeremias 32:18 - Biblia Mixe de Quetzaltepec

¹⁸ Kanaak najtskä'äxë mijts ja mtsojkën mja'awën xyaj'ity, je'eyëp ko mtëytyuunpy ja ja'ay mëti'ipë tyeety tyaak pyojkpyën. Tios mëjpë ets mëti'ipë maaytyääyëpën winë, jä'ä mijts mxëëwajtyp Wintsën mëti'ipë maaytyääyëpën winë.

Biblia Dc en Mixe de Quetzaltepec

¹⁸ Kanaak najtskä'äxë mijts ja mtsojkën mja'awën xyaj'ity, je'eyëp ko mtëytyuunpy ja ja'ay mëti'ipë tyeety tyaak pyojkpyën. Dios mëjpë ets mëti'ipë maaytyääyëpën winë, jä'ä mijts mxëëwajtyp Wintsën mëti'ipë maaytyääyëpën winë.

Jeremias 32:18 ပူးပေါင်းရင်းမြစ်များ

Jeremias 10:16

Yë Tios mëti'ipë Jacob Tyios'ajtypyën tëkatsy yë'ë, yë'ë yajkoj winë. Ojts twin'ixy yë Israel ko yë'ë tkajpn'ata'any. Jä'ä txëëwaty Wintsën mëti'ipë maaytyääyëpën winë.

Éxodo 34:7

Oy kanaak xëëw kanaak jëmëjt nyaxëty, jyuuky'atëty yë ja'ayëty ets y'ooktëty, wiinkpë myintëty naaxwiiny, yë Tios xëmë tkuuytyuna'any yë y'aaw y'ayuk ets tsyojkën jya'awën xëmë y'ita'any. Näyjyëtu'un ja poky këtyey tnime'kxy e yë'ë ka'ap jëtu'unyë tyajninaxa'any ja mëti'ipë pokymyëëtën, jä'ä ko ja tëytyu'unën jam ja tyajnaxy ma ja u'unk ëna'kën, ok u'unk ok ëna'k ets ma ja y'u'unk y'ëna'këty ja ok u'unk ok ëna'k.

Mateo 27:25

Tääts ja ja'ay ni'ëmukë y'ëtsoowtë: Ëëëts yë xypyatëp mëëtës ja n'u'unk n'ëna'këty ko y'ookëty.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Isaías 10:21

Niwäänë nëjkx ja ja'ay jyaak winpitë ma Tiosën.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kutujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Tios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Deuteronomio 10:17

Jä'ä ko yë Wintsën mëti'ipë miits mTiosajtëpën, yë'ë Tios mëti'ipë ni'ik yë mëj'ajtën myëët'ajtypyën ma wiinkëtypë tiosën ets wiinkëtypë wintsënën. Yë'ë Tios mëjpë mëti'ipë maaytyääyëpën winë ets mëti'ipë kutsë'ëkën, mëti'ipë ka'ap win'ixy winkexy yë ja'ay tsoky tjawën ets mëti'ipë ka'ap yajuyën.

Números 14:18

ko ka'ap tsojkyë mjoot'anpëky, ko mëj këjää mtsoky mjawë ets mnime'kxyp ja nëë poky ets ja käjpxy kumëtoownajxën. Näyjyëtu'un të m'ëna'any, ko ja pokytyuunpë kë'ëm tkumëtoy ja y'ëxëëk'ajtën ma y'u'unk y'ëna'kën.

Habacuc 1:12

Mijts Wintsën, xëmëkyëjxm mjuuky'äty ets wa'ats mTios'aty ¿këtiijë? Wintsën, mëti'ipës xykyuwaanp xynyixajpën, mijts të xymyo'oy mëk'ajtën yë caldeo ja'ayëty ets yë'ë tuntëty ja paye'eyën.

Nehemías 1:5

Ënätës n'ënëmaay: Tios mëti'ipë ijtpën tsajpjotm, ja mëjpë jaantypë ets kutsë'ëkëpë, ko xypyatuny ja mkäjxytyu'unën ma ja ja'ayën mëti'ipë mtsojkëpën ets pyatuumpyën ja m'ënä'ämën mtëyajtën;

2 Reyes 9:26

Jëtu'un tääjës ëxë'ëy n'ijxyën ja jyot nye'pny ja Nabot ets ja y'u'unk y'ëna'k, jëtu'un mijts nmo'oja'any ja mjä'ä mëti'ipë mpatëpën ma ya'atë naax kamën. Paaty nëjkx jap jëpijppëtsëm ets jam xynyajtsjëpipëty ma Nabot nyaaxjotmën jëtu'un tä ja Wintsën ojts t'akäjpxyën.

Jeremias 31:35

Yë Wintsën mëti'ipë pyëjktakën yë xëëw ets xëëny kyutë'kxëty; yë po'o ets mëtsa'a ets koots kyutë'kxtëty; mëti'ipë yajyu'kxypyën yë mëjmejy, mëti'ipë yajmu'upy yajni'typyën yë nëë'o'pyky, mëti'ipë xyëëwajtypyën Wintsën mëti'ipë maaytyääyëpën winë, jëtu'un y'ënä'äny:

Salmos 50:1

Yë Wintsën mëti'ipë Tios'ajtpën ma wiinkëtypë tiosën, tëë kyäjpxy; tëë tmëkäjpxy tëkokyë ja'ayëty jënu'un tsyëënëtën naaxwiiny naaxkëjxy anajnytsyowpë, a'oytsyowpë.

Deuteronomio 7:21

Paaty yam n'ënëëmëtë ko këtii tääpë ja'ayëty xytsyë'ëkëtëty, jä'ä ko yë Wintsën mëti'ipë mëjën ets kutsë'ëkën yë'ë mputëkëjanëtëp.

Génesis 49:24

E yë José mëk yë kyë'ë y'aaw tyaj'ity ets ka'ap yë tyi'pxn t'ëxmatsy. Nkukajpxëpësë yë Tios mëti'ipë Jacob y'ëwtajtypyën. Nkukajpxëpësë yë xyëëw yë nkëwent'ajtpë'ajtëm, mëti'ipë Israel xëmë këwent'ajtëpën.

Lucas 6:38

Mo'otë ja ja'ay tii yajmëyäjtypyën, ets ja Tios näjyëtu'un mmo'ojëtëty mëj këjää winë, mëët ja oykyijpxn, kä'pxy ako'ow ajääpë. Näyjyëtu'un miits ja Tios winë mo'ojëtëty ijxtëm ënäty ja ja'ay winë xymyo'otën.

Éxodo 34:6

Jam ojts nyäxy winkon ma ja Moisés yajpaatyën ets mëk y'ënäny ja mëto'owën: Yë Wintsën, yë Wintsën. Yë Tios mëti'ipë oyjyot oywyinma'any myëët'ajtypyën, mëti'ipë pa'ëyoop najts'ëyo'owëpën, mëti'ipë mä'kxtujkpën ets mëj këjää tsyoky jyawë ets aak mëtëy winë tuny.

Jeremias 10:6

Wintsën, ni pën kyajëtu'unëty tä mijtsën: Mijts mmëët'ajtyp yë mëj'ajtën, yë mxëëw mëj këjää muum nyäxy ets mmaaytyääyëp winë.

Jeremias 20:11

E mijts Wintsën, mijts myajpatp mëët ëjts, mtsip'ixy mijts ets ni pën mkamayë; mëti'ipës xyjya'ixjëtijt xyjyapajëtijtpën ka'ap myëta'aka'any ets ka'apës xymyäyëty; ka'ap wyimpëtsëma'any oy mëti'ipë jyamaay jyatajtëpën, tsëtyu'unmëët wyë'ëma'antë, o'ktëy jyata'antë ets ka'ap nëjkx yajja'atyëkoy ko ënäty o'ktëy jyatë kyëpätë.

Jeremias 50:34

E mëti'ipë yaj'ëwaatsëpëtsëëmpën, mëk yë'ë, jä'ä xyëëwajtyp Wintsën mëti'ipë maaytyääyëpën winë. Yë'ë paye'eyën tyunäämpy; yajminäämpy ja jotkujk'ajtën ma naax kajpnën ets tëytyuna'any ja Babilonyë kajpn.

Daniel 2:45

Yë'ë yë yajkutujkpë të twin'ixy ko të t'ixy tu'uk ja mëjtsaa të kyutëkë ma ja kopkën ets ka'ap pën të kyutijnaxyë; ja tsaa mëti'ipë ojts tyaj'awinpijta'ayën naaxwayën ja poop pujxn, pu'ts pujxn, tsuxkpujxn, juunpujxn ets ja mo'onts. Yë mëjpë Tios tëë tuknijawë yë yajkutujkpë mëti'ipë tunan jatanëpën. Yë kuma'ay tëy yë'ë ets wi'ix nyiwijyën nän mëtëy yë'ë.

Salmos 89:9

Mijts pojën yë nëëmejy xyajyu'kxmony ko ëxëëk yë nëë'o'pyky y'ëti'itsy, jëtu'unyë xyajkëëy'awë oy jënu'un jyä'tsmin jyä'tsxëpëty,

Jeremias 33:2

Ëjts, mëti'ipë Wintsën'ajtpën, mëti'ipë yajkojën yë naaxwiinyëtë, mëti'ipë y'oytyuunën ets pyëjktakën ma tyam yajpaatyën, jëtu'un n'ënëëmë: