Jeremias 31:9 - Biblia Mixe de Quetzaltepec

⁹ Tam mëti'ipë minaanpën kajpxtakp, tam mëti'ipë minaanpën jëëpy yaxp. Jamës nyajnëjkxa'antë ma nëë ka'ap y'ëmaayëtyën ets Joytyuuyës nyajye'eya'antë këtiipë y'anäp y'atä'pxëtëty, jä'ä ko ëjts yë Israel kajpn xytyeety'ajtp ets Efraín yë'ëjës nkä'äxkopk'ajtyp.

Biblia Dc en Mixe de Quetzaltepec

⁹ Tam mëti'ipë minaanpën kajpxtakp, tam mëti'ipë minaanpën jëëpy yaxp. Jamës nyajnëjkxa'antë ma nëë ka'ap y'ëmaayëtyën ets Joytyuuyës nyajye'eya'antë këtiipë y'anäp y'atä'pxëtëty, jä'ä ko ëjts yë Israel kajpn xytyeety'ajtp ets Efraín yë'ëjës nkä'äxkopk'ajtyp.

Jeremias 31:9 ပူးပေါင်းရင်းမြစ်များ

Mateo 5:4

Jotkujk yë ja'ay yajpaatë mëti'ipë jëëytyëp yaxtëpën, jä'ä ko yë'ë Tios yajjotkujk'atanëtëp.

Jeremias 3:4

Naamnëm xyjyaak'ënëëmës: Tatë, mëti'ipës mëët tu'knax të n'ëna'k'atyën,

Éxodo 4:22

Ënät xy'ënëëmëty yë yajkutujkpë: Jëtu'un yë Wintsën y'ënä'äny: Yë Israel yë'ëjës jëtu'un nja'ap tääjës jeexyë nkä'äxkopkëtyën.

Jeremias 50:4

Jëtu'un yë Wintsën y'ënä'äny: Ko yë xëëw jëmëjt tpaatëty, nëjkxëp yë Israel ja'ayëty ets Judá ja'ayëty xynyimintës jëëpy yaxp, yë Tios mëti'ipë Wyintsën'ajtëpën.

Jeremias 31:20

Yë Efraín yë nyaax kyajpn u'unk maayënës ntsoky njawë; yë'ëjës tu'uk n'u'unk'ajtyp nmaay'ajtyp mëti'ipës mëk ntsojkpyën. Oyës muum ntuk'ojy yë tyëko'oyën, ëjts ka'apës nja'atyëkoy; jëëpy yaxpës njawë n'aaw njot ets npa'ëyoopyës jatëkok. Ëjts Wintsën, ëjts ënaanp.

Isaías 63:13

Mëti'ipë nëë'itkujky yajnajxën ja nyaax kyajpn ets ka'ap nimaa tyä'äntsi'të, ijxtëm kwaay nyäxyën jam të'ëts'itjotm

Salmos 23:2

Akujk jotkujkës xyajpo'kxy ma jë'kxy pëky ka'ap y'ëmaaytyä'äkyën, yë'ëjës xytyu'uwinwoop xytyu'uwinwijtsp maas yë wa'ats nëë npaatëtyën.

Apocalipsis 7:17

jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Tios tu'kë'ëyë ja wyiin nëë pyo'ta'aja'anëtë.

Lucas 6:21

Akujk jotkujk miitsëty myajpaatë mëti'ipë tyam yuu'o'këtëpën, jä'ä ko m'itantëp ku'uxyë jotkëtä'äky. Akujk jotkujk miitsëty myajpaatë mëti'ipë tyam jëëytyëp yaxtëpën, jä'ä ko m'itantëp xi'iky xony.

Mateo 6:9

Jëtu'un ja Tios xymyëkajpxtëty: Tatë Tios tsajpjotmëpë m'ityën, wintsë'ëkë ja mxëëw y'itëty.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënät nëjkx t'ijxpaatë ja mëti'ipë ënäty të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Jeremias 3:19

Israel, ojts mijts nkupëky ets n'u'unk'ata'any nmaank'ata'any, ko nmo'oja'any tu'uk ja naax kajpn mëti'ipë ja'ay wyiink'ixëpën ko y'oyëty tsyujëty këtiinëm jëtu'un wiinkëtypë naax kajpn. Etsës të nmay të ntajy ko teetyën xyjyawëja'anyës ets ko ka'ap nijëna'a xy'ëxmatsa'anyës.

Isaías 64:8

E mijts Wintsën, je'eyëm nteety'atë e ëëtsëty jëtu'un tä mo'ontsën ets mijts mnajxp tä tu'ts pojtspën; aakmijts ëëts të xyajkojtë.

Isaías 57:14

Ets nëjkx yajmëtoy'äty ja aaw ayuk y'ënä'äny: Yaj'oyëtë në'ë aaw tu'u aaw, tajkijpxyëtya'atë yajxon, jëpëjkta'atë tsaa ets kepy mëti'ipë yaj'anäjp yaj'atä'pxëpën ma nnaax nkajpnës yë nyë'ë tyu'ujën.

Hebreos 12:23

Näy tëë xymyëwinkontë nimay ja Tios ja y'u'unk y'ëna'k mëti'ipë ja xyëëw jaaypyety tsajpjotm yajpatëpën. Miits të xymyëwinkontë ja Tios, mëti'ipë ni'ëmukë ja ja'ay pyaye'eytyëpën ets nän miits të xymyëwinkontë ja ja'ay jyot wyinma'anyëty mëti'ipë oyjyä'äy'ajtë ets ojts y'ooktë ets ja Tios ojts pyëjkta'akëtë oy wa'ats,

Hebreos 12:13

ixta'atë ja tëytyu'u ets tsyo'okëty ja teky mëti'ipë ma'atën ets ka'ap ni'ikyë nyäwëty.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Tios, pën mëpaat yaj'ëwaatspëtsëmyë ma ja o'kënën, e ja Tios wa'ats ojts myëtoyë jä'ä ko kyäjpxykyupëky.

2 Corintios 6:18

Ëjts miits xytyeety'atëp, etsës miits n'u'unk'atëty. Jëtu'un ja Wintsën Mëti'ipë maaytyääyëpën winë y'ënä'äny.

Romanos 8:26

Jëtu'un ja Kënu'kxymyëkajtën xypyutëjkëmë ma tii ntsipja'awëmën. Jä'äkyëjxm ko nkajajtëm wi'ix ja Tios nja'amyäjtsmëtyën ijxtëm pyaat'atyën, yë Kënu'kxymyëkajtën ëëts xykyunu'kxtakëm ma ja Tiosën, jä'ä ko ka'ap ja aaw ayuk yajpaaty wi'ix yajkajpxpëtsëmëtyën.

Mateo 3:3

Yë'ë Juan Yajnëëpäjtpë ojts yaj'antijy, mëti'ipë yë käjpxynyajxpë Jeséas ojts tnikäjpxyën ko y'ënäny: Tu'uk ja mëto'owën yä'äxy jyoky jam të'ëts'itjotm: Nipëjktaakëtë ja Wintsën ja nyë'ë tyu'u, yaj'ëwa'atstë tu'uk ja në'ë tu'u tëypyë.

Oseas 12:4

Tsiptuun mëët yë tsajpjotmëtë kukäjpxy ets myëmëtak; jëëpy yaxp t'amëtooy ets yajpa'ëyowëty. Jam Betel pyatë Tios ets mëët myëtyäky.

Isaías 63:16

Mijts ëëts nTeety'ajtëp. Oy yë Abraham xykya'ixkaptës, ets oy yë Israel ja'ay xykyaja'amyätstës, mijts Wintsën, mijts ëëts nTeety'ajtëp; mijts ëëts xëmë të xyaj'ëwaatsëpëtsëmtë.

Deuteronomio 32:6

¿E jëtu'un ja Wintsën ja y'oyjyot y'oywyinma'any xyajwinpijtëtë? Miitsëty naax kajpnëty, ma ka'ap yajxon mmaytyën mtajtën ets ka'ap tii xynyijawëtë, ¿këtii xytyimnija'awënëtë ko yë'ë xytyeety'atë ets yë'ë të myajkojëtë? Yë'ë të myajkojëtë ets yë'ë ja juukyajtën të mo'ojëtë.

1 Crónicas 29:10

Ënät ja David ojts tkënu'kxy ja Wintsën ja xyëëw, ma ënäty ja mayjyä'äy jam yajpaatën ni'amukë ets y'ënäny: Mëjwiin këjää xëmë nyaxëty ja Wintsën ja myëjxëëw, ja Tios mëti'ipë y'ëwtajtën ja n'ap'ajtëmë Israel.

Números 2:18

E matsow yë xëëw kyëtä'äkyën yë'ë jam tsënaaytyaknpëktëp yë tsiptuunpëtëjkëty, mëti'ipë pyaye'eyantëpën yë Efraín yë myëjwit wintëy. Yë tsiptuunpëtëjkëty mëti'ipë jyä'äy'äjtypyën yë Efraín, yë'ë jam tsiptuunpë wintsën'ajtp yë Elisamá yë myaank yë Amiud.

Salmos 89:27

Ets ëjts, nmo'ojäämpyës yë kutujkën ets nyaxëty tä yë ajtykyopkën, ets yë'ë nyitënaaytya'ajëp tëkokyë yë ënä'ämpëtëjk jënu'un yajpaatën ënä'ämpë naaxwiiny naaxkëjxy.

Salmos 107:7

ets ojts yajnëjkxëtë ma ja naax kajpnën ma jotkujk jyuuky'atëtyën.

Isaías 42:16

Yë wiintstëjk nyajnëjkxä'ämpyës ma tu'ujën ets ma patu'ujën mëti'ipë ka'ap të t'ixy'atën. Ja kootsajtën, të'kxën jajën nyaj'awinpita'anyës ma yë'ëjëtyën, ja'awjot käätsjot, nyaj'awinpita'anyës. Ya'atë jëtu'un kopkpëky ntunäämpyës.

Isaías 43:20

Nëjkxëpës xymyëjjaw xy'oyjyawëtë yë aayjëyujk ujts jëyujkëty, tä yë waxën ets patutkën, jä'ä ko ja nëë nyajpëtsëmyës të'ëts'itjotm, ets ma ka'ap tii y'ity wyintëyën, ets nyëë'uuk nyëëpëktëty yë nnaax nkajpnës mëti'ipës të nwin'ixyën,

Isaías 45:11

Yë Wintsën, Wa'atspë yajpaatyën ma Israel kajpnën, mëti'ipë Israel të yajkojyën, jëtu'un y'ënä'äny: ¿Miitsëty yë'ëjës xyajtëwantëp wi'ix ja n'u'unk n'ëna'kës nyajyeeky nyajpetyën, ëkë yë'ëjës xytyukni''ixëjantë wi'ixës winë ntunëtyë?

Oseas 3:5

Ok jatëkok yë Israel ja'ayëty tniwinpita'antë yë Tios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënäty tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënäty jotkujk yajjuuky'atëtë.

Malaquías 2:10

¿Këtii tyu'ukyëty yë Tios teetyë, mëti'ipë të xyajkojëmë? ¿Wi'ix ko näwyin'ë'ënëmëty nixim niyam ets nkäjpxykyumëto'ownajxmëty ja Wintsën ja kyäjpxytyu'unën mëti'ipë mëët tyuunën ja n'ap'ajtëm?

Deuteronomio 14:1

Tëë xynyijawëtë, ko miitsëty mWintsën m'u'unk'ajtëtëp. Paaty këtii nëkoo mjot mnini'kx oy wi'ix xytyuntëty, këtii nëkoo xyajtsëtyut xyajwintëkoytyëty. Ni yë'ë mwaay mkopk ëxaty xykyatuntëty ko pën y'ookëty tyëkoyëty.