Jeremias 31:3 - Biblia Mixe de Quetzaltepec

³ jam jëkäm ma Israel ja'ayëty yajpaatën, jamës ojts nnäynyikëxë'ëkyë. Jëtu'un xy'ënëmaayës: ëjts xëmës mijts ntsoky njawë; paatykyëjxm tyampaat jëtu'unpë jot winma'any nyajnikëxë'ëkyës.

Biblia Dc en Mixe de Quetzaltepec

³ jam jëkäm ma Israel ja'ayëty yajpaatën, jamës ojts nnäynyikëxë'ëkyë. Jëtu'un xy'ënëmaayës: ëjts xëmës mijts ntsoky njawë; paatykyëjxm tyampaat jëtu'unpë jot winma'any nyajnikëxë'ëkyës.

Jeremias 31:3 ပူးပေါင်းရင်းမြစ်များ

Salmos 103:17

Yë Wintsën yë tsyojkën jya'awën xëmë y'ity ma ja'ayën mëti'ipë mëmëtoowëpën ets wiinkutsë'këyëpën; yë tyiyajtën ka'ap nijëna'a kyixy ma ja'ayëtyën jënu'un nyajtsmin nyaskä'äxëtën.

Oseas 11:4

Mëët ja tsojkën ja'awën nyajmiintës maas ëjtsën; jëtu'unës ojts ntseeny nkony tä tu'uk mëxu'unkën mëti'ipë tsi'tspnëmën; ojtsës n'amëtunëtë ets nyajkay nyaj'uuktë,

Deuteronomio 33:3

Jä'ä ko Wintsën tsyojkpy jya'ap yë nyaax kyajpn, xëmë tkëwent'aty mëti'ipë nakyuwanëpën jam ma yë'ëjën tu'ukyë. Mëti'ipë jëjp'ijxp tim ijtëpën, oy tii yajtuk'ënä'ämtë.

1 Juan 4:19

Paaty ja Tios ntsojkëm, jä'äkyëjxm ko yë'ë jëwyiin të xytsyojkëm.

2 Timoteo 1:9

Tios të xyajtsokëm ets të xywoowtso'owëm tääts npatmëty ja juukyajtën wa'atspë, ka'ap yë'ëkyëjxmëty ko tii oy ntu'unëm, yë'ë ko jëtu'un tëëyëp tuknipëjktaakë mëët ja Kristë Jesús.

Romanos 8:30

Mëti'ipë ja Tios tëëyëp wyin'ijxën tëë ja tmëkäjpxy; mëti'ipë ojts tmëkäjpxyën ojts wa'ats tyajnaxy ets mëti'ipë wa'ats yajnajxën ojts mëj'äämpy tpëjktä'äky.

Isaías 45:17

E ja Israel ja'ay Wintsën ojts yajtso'okëtë, yatsokëtë winë xëëw winë jëmëjt, ets yë'ëjëty ka'ap ojts nijëna'a tsëtyu'unmëët wyë'ëmtë ets nijëna'a o'ktëy kyajata'antë.

Malaquías 1:2

Jëtu'un yë Wintsën y'ënä'äny: Ntsojktëp nja'awëtyëp miitsëty. E miitsëty tyaa m'ëtsowtë: ¿Wi'ix ëëts nijawëtëty ko xytsyoktës xyjyawëtës? Tääts ja Wintsën y'ëtsoy: Miitsëty jëtu'un ntsoktë njawëtë tääjës ntsojkyën yë Jacob, oy ënäty ja Esaú mëët jyatu'kä'äxëty

Deuteronomio 10:15

E wi'ix n'ëk'ëna'anmëty, yë Wintsën ojts tsojkën'aty ets twin'ijxy miits yë m'ap m'okëty ets oy tsojky tja'awëy, ok ojts näjyëtu'un twin'ixy yë y'u'unk y'okëty, miits myaj'antijtëp, ko yë Wintsën yë'ë mnaax'ata'an mkajpn'ata'anëtë ma wiinkëtypë ja naax kajpnën, jëtu'un tä tyam yaj'ixy yajtunyën.

1 Pedro 1:3

Tsojk nmëjja'aw njaantyjya'awëm ja Tios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.

Cantares 1:4

Yajjaamkojkës pojën. Japës yajnëjkxk mijts yajkutujkpë ma m'ityën mtsëënën. Mëët mijts jotkujkës nyajpaata'antë, yë'ëjës ni'ik n'oyjya'awëtyëp yë mwiin mjëjp këtiinëm yë tsatym nyëë. Paatyëmën to'oxytyëjk mtsokëtë.

Oseas 11:1

Ko yë Israel kajpn ënäty pyi'k'atynyëm, ntsojkpy nja'apës ijty; yë'ëkyëjxm ko ënäty n'u'unk'atyës, ojtsës nyaxtsoy ets tsyoonëty jap Egiptë.

Deuteronomio 33:26

Ni pën tkamëpaatëty yë Tios jampë yajpaatyën Jesurún, mëti'ipë jokjoty yootsjoty yajpatpën tsajpkëjxm, poj'am mnimina'anyë ets mputëkëtëty.

Deuteronomio 4:37

Ojts tsoky tjawë miits ja m'ap m'okëty ets yë'ë wyin'ijx ja m'ap m'ok ja y'u'unk y'okëty, paatykyëjxm ojts jap tjuuty Egiptë mëët ja mëk'ajtën.

Santiago 1:18

Jä'ä ko Tios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Tios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

Salmos 25:6

Wintsën, ja'amyäts ja mtsojkën mja'awën ets ja m'oyjot m'oywyinma'any mëti'ipës xëmë të xytyuk'ixtën,

1 Reyes 10:9

Kënu'kxy mëjjawë yë mWintsën y'ity, ko të mo'oyë ja oyajtën ets ja kutujktakn ma ja Israel ja'ayëtyën. Mëëtkyëjxm ko ja Wintsën oy tsoky tjawë yë nyaax kyajpn. Paaty mijts të mpëjktä'äkyë yajkutujkpë ets xytyu'uwinwowëty mëët ja tëyajtën jaanty'ajtën.

Isaías 43:4

Jä'ä ko ntsoky njawë, mëj këjää mijts mtsoowpaaty ets ntsojkpy nja'ap. Ko mijts njä'ä'ata'any ets nyajtso'oka'any, tëëjës mayjyä'äy ets naax kajpn nkë'ëyäky.

Isaías 49:14

Jëtu'un ënäty ja Sión y'ënä'äny: Tëës yë Wintsën xymyajtstutnë ets tëëjës xyjyä'äytyëkooynyë.