Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremias 31:12 - Biblia Mixe de Quetzaltepec

12 Minantëp yaa ma Sión kajpnën ets y'ëwa'antë akujk jotkujk, yë'ë tyukxoonta'akantëp ko ënäty ja Wintsën të myo'ojëtë ja tsajpmok, ja tsatym nyëë tëëpë nyimaanaxyën, ja olivë on, ja kupixyny ets tsajpkaa. Jëtu'un nyaxa'antë tä tu'uk kam tu'ujën mëti'ipë xëmë yajnëëkuwoopën, këtiipë myëjaawkëxtëty.

အခန်းကိုကြည့်ပါ။ ကော်ပီ

Biblia Dc en Mixe de Quetzaltepec

12 Minantëp yaa ma Sión kajpnën ets y'ëwa'antë akujk jotkujk, yë'ë tyukxoonta'akantëp ko ënety ja Wintsën të myo'ojëtë ja tsajpmok, ja tsatym nyëë tëëpë nyimaanaxyën, ja olivë on, ja kupixyny ets tsajpkaa. Jëtu'un nyaxa'antë tä tu'uk kam tu'ujën mëti'ipë xëmë yajnëëkuwoopën, këtiipë myëjaawkëxtëty.

အခန်းကိုကြည့်ပါ။ ကော်ပီ




Jeremias 31:12
35 ပူးပေါင်းရင်းမြစ်များ  

Ja ja'ayëty mëti'ipë ënäty ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.


Jä'ä xëëw yë tsatsymnyëë ets tsi'tsknëë pyëyë'ëka'antë tä mëjnëëjën jam tunkëjxm kopkëjxm ets ma Judá y'itjotmën; komnëë jam pëyë'ëkaanp wokjotm. Jam maas yë ntsajptëjkën jam yë nëë myuuta'any mëti'ipë Sitim itjot yajxookäämpyën.


Ëjts mijts xëmë ntu'uwinwowäämpy, je'eyëm nyajkayä'äny nyaj'uuka'any oy ënäty muum të'ëts'itum myajpaaty; ets ja mjot mnini'kx amëk jotmëk yajpaatëty, jëtu'un y'ita'any tä tu'uk pëjykyamën mëti'ipë xëmë xo'kpën, ëkë tä nëëkopkën ma nëë xëmë pyëtsëëmtëyën.


Näyjyëtu'un miits tyam mmontë mtuktë; je'eyëp koos winpitaanpës jatëkok ets min n'ixa'antë ets jotkujk mnäjyawëtëty ets ni pën mkapëjkëtëty ja mxoontakënëty.


jam ma ja kopkën ni'ik këjxmëpë mëti'ipë yajpatpën ma Israel y'itjotmën. Mëj yona'any, jam'ataanp yë xye'enty, tëëmpätaanp yajxon ets mëj kepy y'ita'any. Nëjkxëp jam kanaaknax yë jëyujk tpa'tma'ay ets kanaak yë joon jëyujk pyä'än jam tpëjkta'aka'any.


Ëjts jotkujkës nnäjyawëja'anyë mëët yë Jerusalén, ets xoonta'akaanpës mëëtës yë nnaax nkajpn, ka'ap nëjkx nijëna'a pën jyi'iy yä'äxy, ets ka'ap nëjkx nijëna'a pën myony tyuky.


Ka'ap yë xëëw kyëta'aka'any ets po'o ka'ap tyëkoy'ita'any, jä'ä ko, mëti'ipë mWintsën'ajtypyën xëmë nkutë'kxa'anyë; ja mmonyë mtukyë ko ënäty pën të y'ooky këxaanp naxaanp jä'ä.


Yajtëkooytya'ajäämpy ja Tios tu'kë'ëyë ja jë'ëyën yaxën ets ka'ap ma nyäky'ita'any ja o'kën tëko'oyën, ni ja amay jotmay ets ni ja pëjkën ato'onën, jä'ä ko mëti'ipë të y'ityën, tëë ja nyäxy.


jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Tios tu'kë'ëyë ja wyiin nëë pyo'ta'aja'anëtë.


Mijts m'ixtijpy ja Tios ja y'oyajtën, ja mä'kxtujkën ets ja y'oywyinma'any, ets ka'ap xyjyawë ko yë'ëkyëjxm jëtu'un m'awinpity tä yë'ëjën


Ok jatëkok yë Israel ja'ayëty tniwinpita'antë yë Tios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënäty tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënäty jotkujk yajjuuky'atëtë.


E mëët yë'ë ko jam ma mijtsën npaatës yë pokymyä'kxën ets myajmëjjawë.


Tëkokyë yë Israel ja'ayëty jam nëjkx xy'ëwtatës maas yë wa'atspë nkopkën, jampë yajpaatyën nkajpnjotmës. Ëjts Wintsën ëjts ënaanp. Jamts jotkujk n'ëxajëtëty; jam n'amëtowa'antë yë ayajk ako'onën ets tmëmintëty mëti'ipë më''ëka'any yajpëtë'ktëpën ma nyaax kyamëtyën ets oy tyimtiijëty tiijës xytyukmëyoxantëp.


Jëtu'un nëjkx wyimpitë mëti'ipë ënäty mijts të xyaj'ëwaatsëpëtsëmyën ets nëjkx kyajpntëkëtë xoontä'äky jam Sión, mëët ja ëy yä'äxy; jam nëjkx yaj'ixtë wyiinkëjxm jyëjpkëjxm ko ënäty jotkujk yajpaatë; akujk jotkujk nëjkx y'itë, ka'ap yuu pa'am tmëët'ata'antë, ets ja jë'ëyën yaxën jëtu'unyë nëjkx tyëkooytyä'äy.


Jëtu'un nëjkx mjatë mkëpätë tä xoj kepy wyinka'ayën, tä ujtskamën ka'apë y'ëkxo'knën.


Tëë jatëkok nyaj'oyës ja mnaax mkajpn. Ets mminëty jatëkok akujk jotkujk mëët ja xuxn, ak ets äjtspë pujtpë.


Jëtu'un yë Wintsën y'ënä'äny: Wimpijta'atë miitsëty u'unk ëna'këty mëti'ipë käjpxy kyumëtoownajxtëpën, ëjts miitsëty xyWyintsën'ajtëp. Tu'ukës nwin'ixa'any ja'ay maajaty yë kajpnën ets nimäjtsk ma tu'uk tëjkën mëti'ipës nyajwinpitäämpyën jatëkok jam Sión.


Jä'ä ko pyatäämpy ja xëëw jëmëjt jëna'a ja këwent'ajtpë y'ëna'ana'antën jam ma Efraín yë it naaxwiinyëtë tnitänën: Mintë ets jam nja'amëty Sión, ja'am n'ëwtajtëm ja Wintsën mëti'ipë Tios'ajtpën.


Jëtu'un yë Wintsën y'ënä'äny: Ëwtë akujk jotkujk, tukxoonta'aktë yë Jacob yë nyaax kyajpn mëti'ipë tu'uk je'eyë kajpn'ajtpën ets mëj'äämpyë y'ityën ma wiinkëtypë naax kajpnën. Mëk ëwtë ets mëjjaw kënu'kxyjyawëtë yë Wintsën, wä'än ja'ay tmëtowtë ets m'ëna'antëty: Tëë yë Wintsën tyajtso'oky yë nyaax kyajpn, niwäänëpë ënäty të jyaakwë'ëmtën ma Israel ja'ayëtyën.


Yë Judá ja'ayëty ets mëti'ipë ja kajpn jam yajpatëpën, yë naaxtuunpë ja'ayëty ets kupixyny këwent'ajtpëty, jam nëjkx tsyëënëtë ets jam nëjkx yë nyaax kyajpn tyajnaaxkëta'aktë.


Ku'uxyës nyajkaya'an nyaj'uuka'antë mëti'ipë ënäty të y'ënu'kxëtën ets të myëjaawkëxtën.


Jä'ä ko yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Ma ya'atë naax kamtëjkën nëjkxëp jatëkok yaa naax kam yajjuy yajkëpety ets nëjkx yë jëën tëjk yajkojy yajmä'kxy ets nëjkxëp yaa jatëkok ja tsatsymkyam yajpëjktä'äky.


Yë Wintsën mëti'ipë maaytyääyëpën winë jëtu'un y'ënä'äny: Ma ya'atë kajpnën, ma tyam aanë'ëk tëëtsë'ëk yajpaatyën, ma ka'ap yë ja'ayën ets ka'ap yë jëyujkën, yonaanp jiitsaanp jatëkok yë mëëy ets aay ujts, nëjkxëp yë ja'ayëty jatëkok tyaj'ok tyajwëtstë yë kyupixynyëty.


Ma ja kajpnëtyën mëti'ipë ets joyjyotm yajpatëpën, ma Négueb ets Benjamín y'itjotmën, jampaat ma Jerusalén ets Judá nyaaxjotmën, yonaanp jam jatëkok yë mëëy ets aay ujts mëti'ipë jyë'kxtëpën yë kupixyny, nëjkxëp jatëkok yë ja'ayëty jam tmëtyowtë yë kyupixynyëty mëti'ipë kyëwent'ajtëpën. Ëjts Wintsën, ëjts ënaanp.


Jamës nyajnëjkxa'antë ma oypyë jë'kxy pëky tjë'kxtëtyën, ma ja ujts jotmën mëti'ipë jamën ma Israel kopkën. Nëjkxëp jam pyo'kxtë ets aakyë'ë nëjkx oyëtypë aay ujts tjë'kxtë.


Ëk'ixtë, tyam ka'ap y'ëmaaytya'aka'any jë'kxy pëky ma mjëën mtëjkëtyën. Ka'anëm tpaaty ma tsatym pyëti'ikyën ets higos, granadas ets olivë yajtuunk'atyën, ëjts yam miitsëty nkënu'kxta'ajantëp.


Mëtow wi'ix ya'axtën jyoktën ja mkëwent'ajtpëtëjk ets akujk jotkujk ni'ëmukë tukyaax tukjokëtë ko tëë ja'ay myëta'aktë, jä'ä ko tëë kë'ëm timy'ixtë wi'ix ja Wintsën të wyimpityën jam Sión.


Nëjkxëpës näjyëtu'un aay kepy nyajtëëmpety ets nëjkxëpës nyajwintëy winë ma ja kam tu'ujën, këtiipë mtsëtyuntëty mjaaypyätëty nijëna'a mëët ja yuu xëëw ma wiinkëtypë naax kajpnën.


Jä'ä ko yajpaataanp ja jotkujk'ajtën ma yë'ëjëtyën. Nëjkxëp tyëëm'aty ja tsatym; nëjkxëp y'ity wyintëy winë kamwinm; ets nëjkxëp myaaniky. Ets nmooytya'aja'antës ya'atë naax kam ja ja'ayëty mëti'ipë ënäty të jyaakwë'ëmtën.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ