Jeremias 31:1 - Biblia Mixe de Quetzaltepec

¹ Jëtu'un yë Wintsën y'ënä'äny: Ya'atë jëmëjt ëjts Tios'ataanp ma tëkokyë yë Israel ja'ayëtyën ets yë'ëjëty jëtu'unës nyajnaxa'antë tääjës yë nnaax nkajpnën.

Biblia Dc en Mixe de Quetzaltepec

¹ Jëtu'un yë Wintsën y'ënä'äny: Ya'atë jëmëjt ëjts Tios'ataanp ma tëkokyë yë Israel ja'ayëtyën ets yë'ëjëty jëtu'unës nyajnaxa'antë tääjës yë nnaax nkajpnën.

Jeremias 31:1 ပူးပေါင်းရင်းမြစ်များ

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Jeremias 30:24

Yë Wintsën yë tsyip y'äkë ka'ap jëtu'unyë xyeemy koonëm tukmay ja jyot wyinma'any täänëm ja ëyo'on tyajnaxy. Pyaatëp ja xëëw jëmëjt jëna'a jëtu'unpë xyjyä'äkyukëtëtyën.

Jeremias 3:18

Ko ënäty jëtu'unpë xëëw po'o tukja'ty, nëjkxëp yë Judá mëët yë Israel tyu'ukmuky ets nëjkx tu'ukyë tsyoontë jam ma naax kajpnën mëti'ipë anëkëjxmtsow yajpatpën ets wyimpitëty tu'knax ma it naaxwiinyëtën mëti'ipës ojts yë y'aptëjk nmo'otën.

Hebreos 12:16

Exkëm miits nitu'uk mjot mnini'kx xytyo'knëtë, këtii xypyäxtëty ja Tios ja myëj'ajtën, ijxtëm ja Esaú y'ëtitsyën ko ja kyä'äxkopk'ajtën ojts tukwinkupëky ja tojkx mëti'ipë je'eyë tu'k'ok tyojkxën.

Juan 20:17

Tä ja Jesús y'ënëmaayë: Këtiis xymyätsy, jä'ä ko ka'anëmës nnëjkxy ma ja Tios Teetyën. Nëjkx ets xytyuk'ëwaanëty ja nmëku'uktëjkës: Ko jamës nnëjkxy maas yë nTeetyën ets ma miits yë mTeetyëtyën; maajës yë nTiosën ets ma miits yë mTiosëtyën.

Ezequiel 39:22

Jä'ä xëëw ets jëtu'un y'ita'any yë xëëw jëmëjt nëjkxëp yë Israel kajpn xy'ixkaptës ko ëjts Wintsën, mëti'ipë yë'ë Tyios'ajtëpën.

Ezequiel 36:28

jam nëjkx mjuuky'atë ma ja kajpnën mëti'ipë ja m'aptëjk nmooytyënës, miits nëjkx nkajpn'atë, etsës nëjkx nTios'aty ma miitsëtyën.

Ezequiel 34:31

Miits nkupixyny'ajtëp, mëti'ipë jam tënaaytyëpën maas yë nmëëykyamën. Ëjts xyTyios'ajtëp. Ëjts Wintsën, ëjts ënaanp.

Ezequiel 11:20

Ënät nëjkx jyuuky'atë jëtu'un tääjës ja n'ënä'ämën ntëyajtën myinyën ets nëjkx tpatuntë. Nëjkxëpës nkajpn niwa'antë etsës nëjkx xyTyios'atë.

Jeremias 50:4

Jëtu'un yë Wintsën y'ënä'äny: Ko yë xëëw jëmëjt tpaatëty, nëjkxëp yë Israel ja'ayëty ets Judá ja'ayëty xynyimintës jëëpy yaxp, yë Tios mëti'ipë Wyintsën'ajtëpën.

Jeremias 33:14

Jëtu'un yë Wintsën y'ënä'äny: Pyatäämpy yë xëëw po'o maas nyajkëta'aka'anyën ja kënu'kxën jëtu'un ijxtëmës ojts ntukwinwanëtën yë Israel ja'ayëty ets Judá ja'ayëty.

Jeremias 33:7

Nyajtëkatsäämpyës yë Judá ja'ayëty ets Israel ja'ayëty yë jyuuky'ajtënëty etsës jatëkok nyaj'oyëja'any tä ijty tëëyëpën.

Jeremias 32:38

Nëjkxëp yë'ë nkajpniwa'anyës etsës nëjkx xyTyios'atë.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Jeremias 30:10

Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Jeremias 30:3

jä'ä ko miimp ja xëëw po'o maas ja nnaax nkajpn jatëkok tpaata'anyën yë oyajtën, yë'ë n'antijpyës yë Israel ja'ayëty ets Judá ja'ayëty. Ëjts Wintsën, ëjts ënaanp. Nyajwinpitantëpës jatëkok jam ma ja naaxwiinyëtën mëti'ipës nmooytyën yë y'ap y'okëty.

Jeremias 23:6

Ko ënäty yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Salmos 144:15

Janty jotkujk yë naax kajpn yajpaaty mëti'ipë tu'kë'ëyë ya'atë myëët'ajtypyën. Janty jotkujk yë naax kajpn yajpaaty mëti'ipë Tyios'ajtypyën yë Wintsën.

Salmos 48:14

Jä'ä ko ya'atë Tios, yë'ë xëmë nTios'ata'anëm oy tyimjëna'ajëty. Yë'ë xytyu'uwinwowa'anëm winë xëëw winë jëmëjt.

Levitico 26:12

Naxaanp tëkëjaanpës xëmë ma miitsëtyën, etsës nëjkx mijts xyTios'atë ets miits nkajpn'atëp.

Oseas 1:11

Ënät nëjkx tyu'ukmuktë yë Judá ja'ayëty ets Israel ja'ayëty, tu'uk nëjkx tpëjkta'aktë mëti'ipë tu'uwinwotëpën ets jam Jerusalén nyëjkxta'aja'antë. Ja Jezreel mëj'äämpy nëjkx y'awinpity.

2 Corintios 6:16

Ka'ap tjëkyepy tu'ukyë yajpaatëty yë Tios yë jyëën tyëjk mëët yë awinax. Jä'ä ko jëtu'un ja Juukpyë Tios xyajwa'anëmë tsyënaaytyaknën. Jëtu'un ijxtëm ja Tios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

Isaías 20:6

Tääts nëjkx y'ëna'antë ja'ayëty mëti'ipë mejy winkon tsënaaytyëpën: Ix ja jyajnë ja kajpn mëti'ipës të ntuk'ijxpäjtëmën, mëti'ipë ënäty xëmë nmëye'eyëmën ets xynyiwaantutmëty ma ja Asiria ja'ayëtyën. ¿Tyam wi'ix ënät nnäkyuwa'anëmëty ets nnäyajtsokëmëty?

Ezequiel 39:25

Paaty ëjts maas nWintsën'atyën, jëtu'unës yam n'ëna'any: Tyam mpa'ëyowa'anyës nitu'kë'ëyë yë Israel kajpn, yë Jacob yë y'u'unk y'ok. Ëjts nyajkutukäämpy ets wyimpitëty oy ja jyuuky'ajtënëty, etsës nimëkta'aka'any twinkutsë'ëkëtëty wa'atspë nxëëwës.

2 Samuel 7:24

tëë mijts kë'ëm xytyimnikäjpxy ko yë Israel kajpn yë'ë xykyajpn'ata'any xëmëkyëjxm ets ko mijts Wintsën, m'ëwtata'anyë.

Ezequiel 34:24

Ëjts Wintsën, ëjts nëjkx xyTyios'atë ets ntuunpës David yë'ë nëjkx nyikopk'atëtë. Ëjts Wintsën, ëjts ënaanp.