Jeremias 30:3 - Biblia Mixe de Quetzaltepec

³ jä'ä ko miimp ja xëëw po'o maas ja nnaax nkajpn jatëkok tpaata'anyën yë oyajtën, yë'ë n'antijpyës yë Israel ja'ayëty ets Judá ja'ayëty. Ëjts Wintsën, ëjts ënaanp. Nyajwinpitantëpës jatëkok jam ma ja naaxwiinyëtën mëti'ipës nmooytyën yë y'ap y'okëty.

Biblia Dc en Mixe de Quetzaltepec

³ jä'ä ko miimp ja xëëw po'o maas ja nnaax nkajpn jatëkok tpaata'anyën yë oyajtën, yë'ë n'antijpyës yë Israel ja'ayëty ets Judá ja'ayëty. Ëjts Wintsën, ëjts ënaanp. Nyajwinpitantëpës jatëkok jam ma ja naaxwiinyëtën mëti'ipës nmooytyën yë y'ap y'okëty.

Jeremias 30:3 ပူးပေါင်းရင်းမြစ်များ

Jeremias 29:14

N'a'ixëjäämpyës ets miits xypyaatëtyës ets nyajkutukäämpyës ets y'oyëtëty ja mjuukyajtënëty: nëjkxëp nyajtsoontë muum wiink kë'ëy wiink kajpn ets oymyaajëty ma ojts nnajtswopëtën ets jatëkok nyajwinpita'antë ma ya'atë naax kajpnën ma mtso'ontën. Ëjts Wintsën, ëjts ënaanp.

Jeremias 16:15

jä'ä nëjkx y'ëna'antë: Mëët ja Wintsën ja jyuukyajtën, mëti'ipë yajpëtsëëmën ja Israel kajpn ma ja myëtsipën anëkëjxmtsowpë yajpaatyën ets maajaty ja it naaxwiinyëtën ma të kyääkwa'kta'atën. Ëjts nëjkx ntuknipëjktaakë jëna'a mwinpitëty ma mnaax mkajpnëtyën, ma it naaxwiinyëtën mëti'ipës nmooytyën ja y'ap y'okëty.

Ezequiel 20:42

Ko ënäty jam nyajtëkë Israel kajpnjoty, ma ja naax kajpnën mëti'ipë ja mteety m'apëty ojts ntukwinwanëtës, ënät nëjkx xynyijawëtë ko ëjts Wintsën.

Jeremias 30:18

Jëtu'un yë Wintsën y'ënä'äny: Nyajtëkatsanëpës yë Jacob yë nyaax kyajpn, npa'ëyowäämpyës jatëkok tääpë naax kajpn; nëjkxëp yaj'akojëtyä'äy yë potsykyutuk ets kutujkëntëjk, jam nëjkx jatëkok nyaaxkëtä'äky ma ënäty të y'ityën.

Sofonías 3:20

Jä'ä xëëw miitsëty nyajmiina'antë ets nyajmuka'antë; ëjts nëjkx nyaj'oyës yë mjuukyajtënëty ets mëj'äämpy nyajnaxa'antë; nëjkxëp myaj'oyjyawëtë oymyaakajpnëty naaxwiinyëtë apëtsëmy.

Jeremias 33:26

nijëna'ajës nka'ixtija'any yë Jacob ets ntuunpës David yë y'u'unk y'ok, ka'apës nijëna'a ntu'u'ëtuka'any yë Abraham, Isaac ets Jacob y'u'unk y'ok ets yajkutuktëty. Jä'ä ko npa'ëyoowtëpës paaty jatëkok nyajjotkujkëja'antës.

Jeremias 32:44

Nëjkxëp yajjuy yajkëpety yë naax kam ets nëjkx yajxon yë nyinoky yaj'oytyuny tsa'ay pëky mëët ja mëti'ipë ijxp nija'apën. Ya'atë jam jëtu'un tyuna'any jyata'anyë ma Benjamín y'itjotmën, ma Jerusalén pya'a nyuxën ets Judá nyaax kyajpnën, jëtu'un mëti'ipë tunjoty kopkjotyën ets jëtu'un mëti'ipë joyjyotyën; näjyëtu'un mëti'ipë jam Négueb yajpatpën, jä'ä ko ëjts nyajkutukäämpyës ets nëjkx tëkatsy jyuuky'ajnëtë. Ëjts Wintsën, ëjts ënaanp.

Hebreos 8:8

E ja Tios ojts tpaaty ja poky ma tääpë ja'ayëtyën, ets y'ënäny: Jëtu'un y'ënä'äny ja Wintsën: Minaanp ja xëëw jëmëjt koos ja jempyë käjpxytyu'unën nyaj'apaatëja'any mëët ja Israel ja'ayëty ets ja Judá ja'ayëty.

Joel 3:1

Ko ënäty tpaaty tääpë xëëw jëmëjt, jëtu'un yë Wintsën y'ënä'äny: nyajtëkatsäämpyës yë Judá ja'ayëty ets Jerusalén ja'ay jyuuky'ajtënëty.

Ezequiel 36:24

Nyajtso'onta'ajantëp yam ma tääpë naax kajpnëtyën; nyajtu'uk mujkta'ajantëp ets jatëkok nyajwinpita'antë ma mkë'ëmnaax mkë'ëmkajpnëtyën.

Salmos 53:6

Jääpëk jeexyë myiny yë Israel kajpn nyitsokën ma Sión kopkën. Ko ënäty yë Wintsën tyaj'oyë yë nyaax kyajpn, wi'ixpëm nëjkx xyoonta'aktë Jacob yë y'u'unk y'ok, ets tu'kë'ëyë Israel kajpn.

Lucas 21:6

Mëti'ipë yaa m'ijxtëpën, pyatäämpy ja xëëw jëmëjt ko nitu'uk ja tsaa kyawë'ëma'any, tu'kë'ëyë jyijta'aja'any.

Lucas 19:43

Pyaatäämpy ja xëëw ko ja mmëtsip myajnatukëtëty na'ëwtity,

Lucas 17:22

Ets t'ënëmaay ja y'ijxpëjkpëtëjk: Pyaatëp ja xëëw jëmëjt ets xyjya'ixa'antëty ja naaxwiinyëtë ja'ay ja y'U'unk, ets ka'ap nëjkx xy'ixtë.

Ezequiel 47:14

Ëjts ojtsës n'ënëëmë yë m'aptëjkëty ets nxëëwës ojts ntukajpxpety. Ko wä'än tyajwa'kxtë yë naax tu'knax. Ya'atë naax kajpn yë'ë nëjkx tkuma'ayën'atë.

Jeremias 32:37

Nyajtu'ukmukäämpyës yë jyä'äy mëti'ipë xii yaa muum yajpatëpën wiink naax wiink kajpn, maas nnajtswojpëtyën koos ojts ntukjoot'anpëktë ets jatëkok nyajwinpita'antës ma nyaax kyajpnëtyën ets jam jotkujk jyuuky'atëty.

Jeremias 31:38

Jëtu'un yë Wintsën y'ënä'äny: Pyatäämpy ja xëëw maas ja nkajpn nëjkx yajkoj'oyën jatëkok, nëjkxëp yajkoj'oyë ja Hananel ja kyëjxmpotsy ets tyimja'tëty jampaat ma ja Tëjkëtyaknën ets jampaat ma y'ëwtijtë'ëkyën.

Jeremias 31:31

Jëtu'un yë Wintsën y'ënä'äny: Pyätyp ja xëëw maas ntuna'anyën jempyë käjpxytyu'unën mëët yë Israel ja'ayëty ets Judá ja'ayëty.

Jeremias 31:27

Jëtu'un yë Wintsën y'ënä'äny: Pyatäämpy ja xëëw jëmëjt ma myäyëja'antë yë ja'ay ets aayjëyujk ujtsjëyujk ma Israel kajpnën ets ma Judá kajpnën.

Jeremias 30:10

Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Jeremias 27:22

Yajmënëjkxta'ajantëp jam Babilonyë ets jeky jam y'ita'any, koonëmës ëjts ntuknipëjktaakëty jëna'a jatëkok wyimpitëty ma të yajmutsoonyën. Ëjts Wintsën, ëjts ënaanp.

Jeremias 27:11

E ja naax kajpn mëti'ipë nnäkyë'ëyajkëpën ma ja Babilonyë yajkutujkpën, jamës nëjkx nyajwë'ëmy ma nyaax kyajpnën ets ja nyaax kyam tajtëty tjääptëty. Ëjts Wintsën, ëjts ënaanp.

Jeremias 23:5

Jëtu'un yë Wintsën y'ënä'äny: Ëjts nyajkutukäämpyës ets tu'uk ja'ay jyää'atëty mëti'ipë yë David y'u'unk'ajtyp y'ok'ajtypyën, mëti'ipë ënä'ämëpën yajkutukëpën mëët ja wijyajtën, mëti'ipë mëtëy winë nyipaye'eyëpyën ets tëy tyu'uye'eyëty ma naax kajpnën.

Esdras 3:12

Ja teetytyëjkëty, Leví ja'ayëty ets ja mëjja'aytyëjkëty mëti'ipë ënäty të t'ixtën wi'ix ja mëwyiimpë ja tsajptëjk të y'ixë'atyën, ojts tyëkëtë yaxpë, jä'ä yajjoot'amutskëtëp ko ënäty jatëkok ja tsajptëjk kyoj'oyëjä'äny. Ëpëky ja wiinkpë jam jyänty xyoonta'aktë.

Esdras 3:8

Yë Zorobabel, Salatiel yë myaank ets Josué, Josadac yë myaank, mëët ja myëku'uktëjk, teetytyëjkëty ets Leví ja'ayëty ets nitëkokyë ja ja'ayëty mëti'ipë ojts yajmënëjkxtën jam Babilonyë, mëti'ipë ënäty jatëkok jam Jerusalén të wyimpitën, jä'ä ojts tkojjë'ëktë ja tsajptëjk, ma mëmäjtsk po'o y'änyën, ma tyu'uye'eyën ja mëmäjtskjëmëjtpë maju'unëm ënäty të wyimpitën jatëkok jam Jerusalén, ja tuunk jä'ä tyuknipëjktë ja Leví ja'ayëty, mëti'ipë ja jyëmëjt të t'apätën i'px tu'uk.

Esdras 3:1

Ko wëxtujk po'o y'apejty ma ja Israel ja'ayëty ënäty jatëkok të tpaatën ja nyaax kyajpnëty, ënät tyu'ukmujktaaytyë jam Jerusalén.

Deuteronomio 30:3

Ja Wintsën nëjkxëp mpa'ëyowëtë ets myajjotkujkta'akëtë, nëjkxëp jatëkok myajtu'ukmukëtë oy ënäty muum mtimyajpaatë,

Jeremias 31:23

Yë Wintsën mëti'ipë maaytyääyëpën winë, yë Israel ja'ay yë Tyiosëty, yë'ë ënaanp: Ko ënäty nyajtëkajtsës yë Judá ja'ay yë jyuuky'ajtënëty ets ko ënäty jam jatëkok yajpaatë ma nyaax kyajpnëtyën, jëtu'un nëjkx y'ëna'antë: Yë Wintsën kyënu'kxëp ya'atë tun kopk wa'atspë ma jyää'atyën mëtëypyë nipaye'eyën.

Deuteronomio 30:5

Ënät ja Wintsën nëjkx jatëkok tyajye'eymyujkta'ay ja ja'ay ma ja mnaax mkajpnëtyën, mëti'ipë ja m'ap m'ok tyukwinwa'anëyën ets ja kajpn xyajwintuktëty. Nëjkxëp jatëkok xypyaatë xy'ixtë ja wit meeny, ja jë'kxy pëky ets ja u'unk ëna'k mëjwiin këjää.

Jeremias 3:18

Ko ënäty jëtu'unpë xëëw po'o tukja'ty, nëjkxëp yë Judá mëët yë Israel tyu'ukmuky ets nëjkx tu'ukyë tsyoontë jam ma naax kajpnën mëti'ipë anëkëjxmtsow yajpatpën ets wyimpitëty tu'knax ma it naaxwiinyëtën mëti'ipës ojts yë y'aptëjk nmo'otën.

Jeremias 29:10

Jëtu'un yë Wintsën y'ënä'äny: Ko ënäty yë Babilonyë kajpn t'apety yë jyëmëjt tëkë'px majk, tääts miitsëty nputëkëja'antë ets ntuna'anyës ja mëti'ipës të ntukwinwanëtën ko nyajwinpita'antë ma ja mnaax mkajpnëtyën.

Jeremias 30:4

Ya'atë aaw'ajtp ayuk'ajtp ma ojts yë Wintsën tnikäjpxyën wi'ix jyata'antën yë Israel ja'ayëty ets Judá ja'ayëty.

Jeremias 31:16

E ja Wintsën jëtu'un y'ënë'ëmxëty: Raquel, këtii nëkoo mjë'ëy myä'äxy; këtii nëkoo mwiinnëë xytyemy xyjye'etsy, mijts tëë m'ëyo'onpaaty, mpatäämpy jatëkok ja jotkujk'ajtën: yë m'u'unk m'ëna'k tsoonantëp jam ma ja mëtsip ja nyaax kyajpnën. Ëjts Wintsën, ëjts ënaanp.

Jeremias 51:60

Yë Jeremías tëë ënäty tjaaypyäjta'ay nokykyijxy ja ëyo'on jotmay mëti'ipëjaty ja Babilonyë kajpn tukja'tanëpën,

Salmos 126:4

Wintsën, yajtëkats ëëts ja nmonyë ntukyë mëët ja jotkujk'ajtën, jëtu'un tä yë të'ëts'itjot tyëkatsyën mëët ja nëë tuu.

Ezequiel 34:13

Nëjkxëpës jam nyajtsoontë wiink naax wiink kajpn, nyajtu'ukmukantëpës etsës nyajnëjkxa'antë ma kyë'ëm naax kyë'ëmkajpnëtyën. Jamës nyajnëjkxa'antë jë'kxpë pëjkpë jë'kxyotm ma Israel kopkën, ma wokjotmën ets maajaty yë Israel tnitänën yë naaxwiinyëtë.

Sofonías 2:7

Yë Judá ja'ayëty mëti'ipë ënäty të jyaak tso'oktën, yë'ë nëjkx tääpë naax kajpn tjä'ä'atë ko ënäty ja Wintsën nyiminëtë ets pyutëkëja'anëtë ets jotkujk jyuuky'atëty. Jam nëjkx ja kyupixyny tkëwent'atë ets koots nëjkx pyo'kxtë pyëktë ma ja jyëën tyëjkëtyën jam Ascalón.