Jeremias 30:24 - Biblia Mixe de Quetzaltepec

²⁴ Yë Wintsën yë tsyip y'äkë ka'ap jëtu'unyë xyeemy koonëm tukmay ja jyot wyinma'any täänëm ja ëyo'on tyajnaxy. Pyaatëp ja xëëw jëmëjt jëna'a jëtu'unpë xyjyä'äkyukëtëtyën.

Biblia Dc en Mixe de Quetzaltepec

²⁴ Yë Wintsën yë tsyip y'äkë ka'ap jëtu'unyë xyeemy koonëm tukmay ja jyot wyinma'any täänëm ja ëyo'on tyajnaxy. Pyaatëp ja xëëw jëmëjt jëna'a jëtu'unpë xyjyä'äkyukëtëtyën.

Jeremias 30:24 ပူးပေါင်းရင်းမြစ်များ

Jeremias 23:20

Jäänëm yë Wintsën yë tsyip y'äkë nyaxa'any ko ënäty tuny tkäjpxy mëti'ipë të tuknipëjktaakën. Yë'ënëm nëjkx tpaaty nyixëëw nyipo'o täänëm ya'atë xyjyä'äkyukëtëty.

Oseas 3:5

Ok jatëkok yë Israel ja'ayëty tniwinpita'antë yë Tios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënäty tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënäty jotkujk yajjuuky'atëtë.

Miqueas 4:1

Ko tpaatëty ja xëëw jëmëjt, jam nëjkx kopkkëjxm tu'ukyë yajpaaty ja Wintsën ja jyëën tyëjk. Ja kopk, mëti'ipë ni'ik këjxmën këtiinëm jyëtu'unëty ja wiinkëtypë kopk. Ets nëjkx jam myiinta'atë wiinkëtypë naax kajpn;

Ezequiel 38:16

Jëtu'un nëjkx xynyitëkë yë Israel kajpn, mëti'ipës nkajpn'ajtypyën. Mijts Gog, jëtu'un nëjkx xyajwintuky yë naax kajpn tä yë yëk yootsën. Nëjkxëp ntuknitëkë yë nnaax nkajpnës, jëtu'unts nëjkx mijts xymyëtunyës ets jëtu'un wiinkëtypë naax kajpn nëjkx tnijawëtë ko ëjts Wintsën, koos nyajnikëxë'ëky ko ëjts wa'atsës.

Jeremias 4:28

Mon tuk ja naaxwiinyëtë y'awinpita'any ets ja tsajp jëtu'un yaj'ixa'any tä jeexyë o'kën tëko'oyën të y'ityën. Ëjts tëëjës njanikäjpxy, ni pën të kyajootwinpity; tëëjës ntuknipëjktaakë tiijës ntunäämpyën ets ka'ap tjëkyepy n'ixtëkëwa'akëtyës.

Daniel 10:14

E paatyës të nminy ets ntukmëmëtya'aka'any tii tunan jatanëpën ma mnaax mkajpnën, yë kuma'ay mëti'ipë të xy'ixyën yë'ë nyikäjpxyp mëti'ipë tunan jatanëpën ma mnaax mkajpnën.

Daniel 2:28

Tu'uk jää je'eyë Tios mëti'ipë tsajpjotm yajpatpën mëti'ipë nyikajpxtääpyën tiijaty yu'utsy'ijtpën ets yë'ë të tuknijawë yë yajkutujkpë tii tunan jatanëpën. Tyamës yë yajkutujkpë ntukmëmëtya'akëty mëti'ipë të twinkuma'ayën ets mëti'ipë të twin'ixyën ko ënäty jam myä'äy.

Jeremias 48:47

Je'eyëp ko nëjkxëpës ok jatëkok nyaj'oyë yë mjuukyajtën, mijts Moab; ëjts Wintsën, ëjts ënaanp. Ya'atë ëyo'on jotmay, yë'ë ojts yajtuk'ëwaanëtë yë Moab ja'ayëty.

Jeremias 4:8

Paaty miitsëty, tuktëkëtë ja mwit mëti'ipë kuumpën u'kxpën ets jë'ëtë ya'axtë tä jeexyë mpëkëtën, jä'ä ko yë Wintsën yë y'äkë ka'ap tu'ukyë të xytyim'ëxmajtsëmë.

Isaías 46:11

Tëës tu'uk ja'ay nikäxë jamtsow ma xëëw pyëtsimyën, jëtu'un myina'any tä tu'uk joonën mëti'ipë jëtu'un winë tyunäämpyën tääjës nmay ntajyën. Ijxtëmës të nikäjpxyën jëtu'unës ntuna'any, tëëjës yajxon nwinmay nwintajy mëti'ipës ntunäämpyën ets ntuunta'ajäämpyës mëti'ipëjaty nwinma'any'äjtypyënës.

Isaías 14:24

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un ijxtëmës të ntuknipëjktaakën, jëtu'un tyuna'any jyata'anyë; jëtu'un tääjës të nyaj'oyën, jëtu'un y'atëwa'any.

1 Samuel 3:12

Ko ënäty jëtu'un ja xëëw jëmëjt jyä'ty, jëtu'unës nëjkx winë ntuny tääjës të nikäjpxyën mëëtpë yë Eli y'u'unk tyo'oxytyëjk.

Deuteronomio 31:29

Jä'ä ko wa'atsës nijawë, koos ënät n'o'knëty yajtëkoytyëp ënät ja jyot wyinma'anyëty ets t'ëxmajtsnëtëty ja n'aaw n'ayukës, mëti'ipë të ntuk'ënä'ämtënës tpanëjkxtëty. Ets nän ntimnyija'apës wa'ats, ko ënät jëtu'unpë ja winma'any tpaatëty, ëxëëk nëjkx tmëjat tmëkëpätë, mëët ko ja Wintsën ënäty tkamëmëtowtë ets tkamëjpëjkta'aktë ets jëtu'un të tyajjoot'anpëktë.

Deuteronomio 4:30

Ma ënäty miits xymyënax xyajnaxtën ja ëyo'on jotmay ets ja monyëtukyë ets mjootwinpitëty jatëkok xymyëmëtowtëty ja mWintsën Tiosëty.

Números 24:14

E tyam, oyës nwinpitëty maajës yë nnaax nkajpnën. Jëyëjp yam aaw ayuk nyaka'anyës ma mijtsën ets xynyijawëty tii ya'atë naax kajpn tyunäämpyën.

Génesis 49:1

Ënät yë Jacob tmëkajpxtaay yë y'u'unk y'ëna'k ets t'ënëmaay: Winkuwa'këtëkës winkon, tyam ntukmëmëtya'aka'antë tii nëjkx tyunyë jyätyën ma tääpë xëëw jëmëjt myiny wyinkonyën.

Jeremias 49:39

Je'eyëp ko nëjkxëpës ok jatëkok nyaj'oyë yë Elám ja'ayëty yë jyuuky'ajtënëty. Ëjts Wintsën, ëjts ënaanp.

Jeremias 49:37

N'ëtsë'ëkëjäämpyës yë Elám ma myëtsiptëjkën kutsë'ëkëpë, ntuknikäxäämpyës yë ëyo'on jotmay, ntukjoot'anpëkäämpyës, ntukpaatäämpyës yë jëën tsip koonëm kyutëkoytyëty. Ëjts Wintsën, ëjts ënaanp.

Lamentaciones 1:12

Mëti'ipë në'ëye'ey tu'uye'eytyëpën ets mëmay mëtajtë pën mpëjkëtëp m'ijxëtëp tääjës ëjtsën ets jëtu'un m'ëyowtë. Yë Wintsënës xy'ëyo'onmo'oy koos të xytyukjoot'anpëky.

Jeremias 23:19

Jëtu'un yë Wintsën yë tsyip y'äkë tä mëk kom tuujën, tä yë mëktuupoj jam nyäxyën ma ëxëëkja'ayëtyën.