Jeremias 30:10 - Biblia Mixe de Quetzaltepec

¹⁰ Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Biblia Dc en Mixe de Quetzaltepec

¹⁰ Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Jeremias 30:10 ပူးပေါင်းရင်းမြစ်များ

Oseas 2:18

Jä'ä xëëw nëjkx tu'uk yë käjpxytyu'unën ntunyës mëët yë aayjëyujk ujts jëyujkëty mëët ko yë Israel ntsoky njawës ets nëjkxëp mëët ntunyës käjpxytyu'unën yë joonëty ets tsa'anyëty; ntuktëjëtya'ajäämpyës yë ti'pxn, yë tëypyujxn ets ka'apës yë tsip n'ëkupëkanë, jëtu'unës yë nnaax nkajpn jotkujk yajpaatëty.

Jeremias 29:14

N'a'ixëjäämpyës ets miits xypyaatëtyës ets nyajkutukäämpyës ets y'oyëtëty ja mjuukyajtënëty: nëjkxëp nyajtsoontë muum wiink kë'ëy wiink kajpn ets oymyaajëty ma ojts nnajtswopëtën ets jatëkok nyajwinpita'antë ma ya'atë naax kajpnën ma mtso'ontën. Ëjts Wintsën, ëjts ënaanp.

Isaías 43:5

Këtii mtsë'ëkëty, ëjts mijts nkuwa'anäämpy. Wä'än tjamëty ma xëëw pyëtsimyën ets ma xëëw kyëtä'äkyën; nyajwinpitäämpyës jatëkok yë mja'ay ets jatëkok tyu'ukyëtëty.

Isaías 44:2

Ëjts jëtu'un Wintsënajtp, mëti'ipë ojts myajkojyën, mëti'ipë ojts m'oytyunyën ka'anëm ënäty mëxu'unk'atynyëm ets mëti'ipë mputëjkëyëpën. Këtii mtsë'ëkëty mijts Jesurún, mëti'ipës të nwin'ixyën.

Isaías 35:9

Ka'ap jyam'ata'any yë kaa, nitii jëyujk jam kyayajpaata'any mëti'ipë kutsë'ëkën. Jam nyaxa'antë mëti'ipë ënäty ja ëwaatsë'ajtën të tpaatën.

Juan 12:15

Këtii mtsë'ëkëtë, Sión ja'ayëty; ix yë myajkutujkpë myiny yë'ë tyuk'u'unyääpy ëna'k krukts.

Jeremias 33:16

Jä'ä xëëw ëwaatsëtuuy nëjkx Judá yajpaaty ets Jerusalén jotkujk nëjkx y'ity. Jëtu'un nëjkx tijtë: Yë Wintsën yë'ë xyajmëtakëm.

Jeremias 23:8

jä'ä nëjkx y'ëna'antë: Mëët yë'ë ko yë Wintsën jyuukyëty, mëti'ipë yajtso'onën ja Israel kajpn ma ënäty tsumy matsy yajpaatën wiink kë'ëy wiink kajpn jam anëkëjxmtsow. Ets kyë'ëm naaxjotm kyë'ëmkajpnjotm nëjkx yajpaatë.

Jeremias 23:3

Ëjts kë'ëm jatëkok nyajminäämpy yë n'u'unk n'ëna'kës mëti'ipës jëtu'un nmëët'ajtypyën tä kupixynyën ets jatëkok nyajmujkta'aja'anyës ma ja naax kajpnën ma ojts tsyoontën, jam nëjkx kyäytyë y'uuktë akujk jotkujk ets ja y'u'unk y'ëna'k tyajyääk tyajpatëty.

Jeremias 3:18

Ko ënäty jëtu'unpë xëëw po'o tukja'ty, nëjkxëp yë Judá mëët yë Israel tyu'ukmuky ets nëjkx tu'ukyë tsyoontë jam ma naax kajpnën mëti'ipë anëkëjxmtsow yajpatpën ets wyimpitëty tu'knax ma it naaxwiinyëtën mëti'ipës ojts yë y'aptëjk nmo'otën.

Zacarías 3:10

Ko ënäty jëtu'un ja xëëw po'o tukja'ty, jotkujk nëjkx mjuuky'atë nixim niyam, ka'ap tiitsip y'ita'any ets nëjkx xytyukxoonta'aktë ja mtsatymkyamëty ets m'higuerë kamëty. Ëjts Wintsën, mëti'ipë maaytyääyëpën winë, ëjts ënaanp.

Ezequiel 38:11

Nëjkxëp m'ëna'any: Yë'ëjës yam nitëkëjäämpy yë kajpn ka'apë myäyën nyäkyuwa'anëtëty, ma tsyëënëtën yë ja'ay akujk jotkujk ets ka'apë tii tmaytyë tajtën, tu'kë'ëyë ja naax kajpn mëti'ipë ka'ap nyapotsyëtyën, ka'apë nyi'akajën ets ka'apë tmëëtëtyën mëti'ipë yajtukjëkojtë'kpën.

Ezequiel 16:52

Mijts kopkpëky ko xytyëëmnaxëty ja ëyo'on jotmay, ko mijts ja mpoky mëjwiin këjää ets ëxëëkjaty ni'ik, jëtu'un yaj'ixy ka'ap yowë nëkoo të pyokytyuntë ja mmëkä'äxtëjkëty. Mijts kopkpëky ko xymyënaxy xyajnaxy yë tsëtyu'un ets xymyënax xyajnaxëty ma o'ktëy mjatëty mkëpätëtyën, jä'ä ko nikë jëtu'un yaj'ixy yë mmëkä'äxtëjk ka'ap yowë tii poky tmëët'atë.

Jeremias 30:3

jä'ä ko miimp ja xëëw po'o maas ja nnaax nkajpn jatëkok tpaata'anyën yë oyajtën, yë'ë n'antijpyës yë Israel ja'ayëty ets Judá ja'ayëty. Ëjts Wintsën, ëjts ënaanp. Nyajwinpitantëpës jatëkok jam ma ja naaxwiinyëtën mëti'ipës nmooytyën yë y'ap y'okëty.

Jeremias 23:6

Ko ënäty yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Isaías 54:4

Këtii mtsë'ëkëty, ni pën mkatukxi'ikëtëty; ka'ap pën m'ojëtëty ets ka'ap pën myajtsëtyunëtëty. Nëjkxëp xyjyä'äytyëkooytyä'äy mëti'ipë ënäty të xytyuktsëtyunyën ko m'ëna'k'ajty, ets ka'ap nëjkx xy'ëkja'amyäjtsnë ko ënäty ëxëëk të mjaty të mkëpety ko mku'o'kë,

Isaías 46:13

Ëjts tëëjës ntuknipëjktaakë ets jyää'atëty ja ëwaatsëtuuy'ajtën; yë nnitsokënës ka'ap mëpaat pyo'oxy ets ka'ap mëpaat jëkäm yajpaaty. Ëjts yë ëwaatsëtuuy'ajtën ntukpaatäämpy yë Sión kajpn, ëjts nmo'ojäämpy yë Israel ja'ayëty ja mëj'ajtën oyajtën.

Isaías 46:11

Tëës tu'uk ja'ay nikäxë jamtsow ma xëëw pyëtsimyën, jëtu'un myina'any tä tu'uk joonën mëti'ipë jëtu'un winë tyunäämpyën tääjës nmay ntajyën. Ijxtëmës të nikäjpxyën jëtu'unës ntuna'any, tëëjës yajxon nwinmay nwintajy mëti'ipës ntunäämpyën ets ntuunta'ajäämpyës mëti'ipëjaty nwinma'any'äjtypyënës.

Génesis 15:1

Ënät yë Tios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Isaías 49:25

Yë Wintsën jëtu'un y'ënä'äny ko jyëkyejpy yë'ë: Ja ja'ay mëti'ipë jotmëk näjya'awëyëpën, yajpëjkëjaanp mëti'ipë ënäty të tjapaatyën jam tsipjotm, ja tsiptuunpë ja'ay mëti'ipë ënä'ämpën yajpëjkëjaanp mëti'ipë ënäty të tjanitsiptunyën. Ëjts nëjkx nwinkuwa'akë ja'ay mëti'ipë myajjotkëjxëpën ets je'eyë mtsip ixta'ayën; ja m'u'unk m'ëna'k ëjts nyajtso'okäämpy ko ënäty muum wi'ix jyata'antë.

Isaías 14:3

Mijts Israel kajpn, ko ënäty ja m'ëyo'on mjotmay të kyixy të nyäxy, ko ënäty ka'ap o'ktëy m'ëk yajpatnë ets ko ënäty ka'ap m'ëk mëtuun m'ëk kupëjknë,

Isaías 44:1

Mëtoow'ijtkës miitsëty Israel ja'ayëty, Jacob yë kyajpn, mëti'ipës ntuunpë'ajtypyën, mëti'ipës të nwin'ixyën.

Jeremias 23:4

Ets kupixyny këwent'ajtpë jam npëjkta'aka'anyës ets yë'ë kyëwent'atëtëty, këtiipë tsyë'ëkëtëty ets këtiipë tii tyëkoy'ajtxëtëty. Ëjts Wintsën, ëjts ënaanp.

Jeremias 29:11

Ëjts nija'ap wi'ixës nimay nitajën winë mëët miitsëty ets oy mjuuky'atëty ka'ap y'ëxëëkëty, jotkujk myajpaatëty. Ëjts Wintsën, ëjts ënaanp.

Jeremias 30:7

Miimp wiinkoonp ja xëëw ma ja ëyo'on jotmay y'ita'anyën, tääpë xëëw myinyën nijëna'a jëtu'un kya'itynyëm. Ja Jacob ja nyaax kyajpn mon tuk jää yajpaata'antë, je'eyëp koos nyajtso'okäämpy.

Joel 2:21

Mëj këjää mxoonta'akëty mijts it naaxwiinyëtë, këtii mtsë'ëkëty, jä'ä ko yë Wintsën mëj këjää winë tuna'any.

Isaías 49:12

Ëk'ixtë. Tää ja'ay myiintë mëti'ipë jëkäm tso'ontëpën: tam mëti'ipë tso'ontëpën anajnytsyow, a'oytsyow, xëëwpëtsëmy ets xëëwkëtä'äkytsyow.

Daniel 12:1

Ënät jam nyänyikëxë'ëkyë yë Miguel, tsajpjotmëtë kukäjpxy, mëti'ipë kyuwäänpyën yë mkajpn. Ëyo'on jotmay tunanëp, jëtu'un tyuna'anyë ëyo'on jotmay tä nikajëna'a jëtu'un yaj'ixynyëmën maju'unëm nyaaxkëtä'äkyën yë naax kajpn. Ko ënäty jëtu'unpë ja xëëw jëmëjt tukja'ty jäänëm nëjkx y'ëwaatsëpëtsëmtë tëkokyë ja ja'ayëty mëti'ipë mijts mkajpn'ajtypyën mëti'ipë miintëpën ja xyëëwëty kuja'ay jap nokyjoty.

Oseas 2:20

Mijts mpëkäämpy ets nwinkutsë'ëkëjäämpy, etsës näjyëtu'un xy'ixkäpëty ko ëjts Wintsën.

Oseas 6:11

Mijts Judá, tëë yam ntuk'ëwaanë ja xëëw jëmëjt jëna'a ntëytyuna'anyën. Koos ënäty ntsojkën'aty, nyajwinpita'anyës ja nnaax nkajpnës Israel, ma kyë'ëm naax kyë'ëmkajpnën,

Miqueas 4:9

E tyam, ¿tii ko myä'äxy mjoky, tä tu'uk yë to'oxytyëjkën mëti'ipë u'unk maay pyaatäämpy y'ixäämpyën? ¿Jä'ä ko ka'ap pën ja'ay mëti'ipë yajkutukëpënë? ¿ëkë jä'ä ko të y'o'kta'atë mëti'ipë ijty mwinma'anymyooyëpënë?