Jeremias 3:25 - Biblia Mixe de Quetzaltepec

²⁵ Tsojk naxym nnäpyëjktakëmë ets wintsëtyu'un jëjptsëtyu'un, oy ënät pën xykya'oyjya'awëmëty, jä'ä ko ëëtsajtëm mutsknëm jëtu'unpë të npatso'ontakëmë ets tyimpety tyimku'ty jëtu'un tyampaat, yi'iyë nëë poky të ntu'un të nkajpxëmë; nän timjëtu'un tä ja n'ap'ajt n'ok'ajtëmën ets ëëts'ajtëmë tëë ja Wintsën nmëtëko'oyëmë mëti'ipë nTios'ajtëmën ets ka'ap të nmëmëto'owëmë.

Biblia Dc en Mixe de Quetzaltepec

²⁵ Tsojk naxym nnäpyëjktakëmë ets wintsëtyu'un jëjptsëtyu'un, oy ënät pën xykya'oyjya'awëmëty, jä'ä ko ëëtsajtëm mutsknëm jëtu'unpë të npatso'ontakëmë ets tyimpety tyimku'ty jëtu'un tyampaat, yi'iyë nëë poky të ntu'un të nkajpxëmë; nän timjëtu'un tä ja n'ap'ajt n'ok'ajtëmën ets ëëts'ajtëmë tëë ja Wintsën nmëtëko'oyëmë mëti'ipë nTios'ajtëmën ets ka'ap të nmëmëto'owëmë.

Jeremias 3:25 ပူးပေါင်းရင်းမြစ်များ

Jeremias 22:21

Ojts mijts njamëkäjpxy ma ënäty akujk jotkujk myajpaatyën, ka'ap ojts xykyupëky ja n'aaw n'ayukës. Jëtu'unyëm mja'ay'äty ko m'ëna'k'aty: Ka'apës xykyäjpxymyëtoy.

Jeremias 2:26

Jëtu'un tä tu'uk mä'tspë tyëkoypyetyën ko yajkupaatë, jëtu'un yë Israel ja'ay jyata'any yë nyaax kyajpn, yë yajkutujkpëtëjk, kopktëjk, teetyëjk ets käjpxynyajxpëtëjkëty;

Romanos 6:21

¿E tii jap të xypyaatë? Tyam je'eyë mtsëtyuunëtë ko jëtu'un të mjuuky'atë, jä'ä ko je'eyë ja o'kën të mtukpaatëtë.

Daniel 12:2

May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Ezequiel 36:32

Ëjts Wintsën, ëjts ënaanp: Miitsëty Israel ja'ayëty nijawëtë yajxon ko ya'atë ntuna'anyënës ka'ap yë'ëkyëjxmëty ko miitsëty oy winë xytyuntë; miitsëty ni'ikyëmës tsëtyuntë jaaypyätë ets ni'ikyë mëmay mëtajtë ja tëkatsypë xytyuntën.

Ezequiel 7:18

Nëjkxëp tuktëkëtë ja wit mëti'ipë u'kxpën kuumpën ko ënäty pyëkëtë y'atonëtë; aak tsëtyuytyëp ja jyot nyini'kxëty; tsaptsëm ja wyiin jyëjp jyajta'aja'antë mëët ja tsëtyu'un ets aak kutë'kx nyätyuunta'aja'anëtë.

Lamentaciones 5:16

Jëtu'unës nyajajnëtë tëë yowë ja nkujanëtyës xykyuka'atutnëtë; janty mon janty tuk ëëts nyajpaatë koos të mpokytyuntë.

Lamentaciones 5:7

Nteety ntaakëtyës pokytyuuntë ets tëëyëp ja y'o'knëtë, ja nyëë pyokyëty ëëts ja nkëpäjtëp.

Jeremias 6:26

Yë nkajpnës yë nyëëx, pëjkta'ak ja mwit mëti'ipë kuump u'kxpën ets kyëxë'ëkëty ko jë'ë ya'ax myajpaaty; ja'amyäts naaxyäts, mon tuk yajpaat tä jeexyë pën të y'ookyën; jä'ä ko ja mëtsip mëti'ipë xynyimina'anëmën, tää ja tyimwinkony.

Jeremias 2:19

Mkë'ëm ëxëëk winma'any o'ktëy mnätyuktunanëp, mëët ko xykyamëj'ixy ja Wintsën. Mëmay mëtaj wi'ix xykyujatëja'anyën ets wi'ix ta'amëm xyajja'awëkyëta'aka'anyën mëët koos të xy'ëxmatsy ets koos të xykyamëjpëjktä'äky ëjts yë mWintsën Tios. Ëjts Wintsën mëti'ipë maaytyääyëpën winë, ëjts ënaanp.

Jeremias 2:17

Paaty jëtu'un të mjaty jä'äkyëjxm koos ëjts të xy'ëxmatsy, ëjts yë mWintsën Tios mëti'ipë ijty mtu'uwinwoowëpën.

Jeremias 2:2

Nëjkx mëmëtya'ak yë Jerusalén ja'ayëty; mëk mya'axëty mjokëty ets tja'akyukëtëty, jëtu'un xy'ënëëmëty: Jëtu'un yë Wintsën y'ënä'äny: Nja'amyetsypës ko mijts m'ëna'k'ajty, xywyinkutsë'këpës ijty koos npëjky n'uky, xytsyojkpës xyjya'apës ijty, ojtsës xypyanëjkx jam të'ëts'itum, ma ja it naaxwiinyëtën ma ka'ap tii y'ity wyintëyën.

Isaías 50:11

E tëkokyë ja ja'ayëty mëti'ipë je'eyë tsip y'ixkujkëtyëpën ets tnipëjktaakëtë wi'ix tii tuuntëkoytyëtyën, kë'ëm nëjkx ëxëëk jyatë tsipjoty, ma ja tsipën mëti'ipë ënäty kë'ëm të xy'ixkukëtën. Yë Wintsën kyäxäämpy ya'atë ëyo'on ets jam nëjkx m'ooktë.

Isaías 48:8

Mijts ka'ap ënäty ni ma jëtu'unpë xymyëtoynyëm ets ka'ap ënäty xynyijawë, jä'ä ko mijts nat xëmë të mnäypyëjktä'äkyë. Ëjts wa'atsës të nijawë ko mijts ka'ap oy të mjuuky'äty, Nija'apës ko je'eyë të mkäjpxykyumëtoownaxy, jä'ä xëmë të myajtijy ko ka'ap mja'akyukë.

Proverbios 5:13

Ka'apës ojts nmëtoowkukë mëti'ipë ja yaj'ixpëjkpëtëjk jyanikajpxtën, ets ka'apës nkäjpxymyëpëjky mëti'ipës ojts xyjya'ëëwij xyjyakajpxwijtën,

Salmos 109:29

Wä'än yë nmëtsiptëjkës tsëtyu'unpata'atë. Wä'än tsëtyu'unmëët twë'ëmta'atë jëtu'un tä jeexyë wit mëët wyë'ëmtën.

Salmos 106:7

Yë nteety n'apëtyës ka'ap ojts jap Egiptë tmëj'ix tmëjpëjkta'aktë ja mmëjajtën, ojts tja'atyëkooynyëtë ja mëjpë këjääpë ja mtsojkën mja'awën, ets ojts kyäjpxykyumëtoownaxtë winkon ma Tsaptsmejyën.

Jueces 2:2

këtiipë mëët oy tii aaw tii ayuk xymyëët'atëty yë ja'ayëty mëti'ipë jam tsënaaytyëpën, ni'ikyë xyajkutëkooytya'atëty yë wyintsë'këntyaknëty. E miitsëty ka'apës xymyëmëtoowtë, wiinkjaty m'ëtëtstë.

Salmos 106:6

Tëës näjyëtu'un npoky tyuntë tääjës ja nteety n'apëtyës; tëës ja njot nwinma'any kyëxtëkoytyë, ets ja ëxëëkpë të ntuntës.

Jeremias 3:13

Yi'iyë mkupëkëp ko tëë mpokytyuny, ko yë mWintsën Tios të xykyäjpxy kyumëtoownaxy, ko ja mjot mnini'kx të xymyo'oy wiink ye'etyëjk jam kepypya'tkë'ëm ets ka'ap të xypyatuny ja n'ënä'äm ntëyajtënës. Ëjts Wintsën, ëjts ënaanp.

Jeremias 8:14

Ets nëjkx ja naax kajpn y'ënä'äny: ¿Tii ko yaa nwë'ëmëty? Nikë tsojk nja'amëmë ma kajpnën këwent'atypë wä'än jam n'o'këmë. Yë nWintsën'ajtëm Tios je'eyëm xyaj'ooka'anëmë mëët yë nëë tsooymyëëtpë mëti'ipë yaj'o'kpën, jä'ä ko tëë nmëtëko'oyëmë.

Jeremias 14:7

Wintsën, yë nnëë npokyëtyës ka'apës xyajjotkujk'atë. Mijts ko mëtëy winë xytyuny paaty yë mxëëw myëjnaxy. Ëëtsëty kanu'umpë npokytyuunëtës ets ko ka'ap myajmëj'ixy ets ka'ap myajwinkutsë'ëkë.

Jeremias 14:20

Wintsën, nja'akyujkëtëp ëëtsëty ko tëë nmëtëkoytyë ets ko tëë pyokytyuntë ja n'ap n'okëtyës; tëëjës npoky tyuntë mijts mwintuuy.

Jeremias 20:18

¿Tiijës ko ojts n'ëkmëxu'unk'ajtpë ets n'ixëtyës je'eyë ja ëyo'on jotmay ets njuuky'atëtyës je'eyë tsëtyu'unmëët?

Jeremias 31:19

Ojts tëkok n'ëxmatsy nmajtstu'uty, mëkës jatëkok njawë; kë'ëmës të nmëmay të nmëtajy ko nmëët'ajtypyës ja poky, paaty mëk nnäkyätykyoxyës mëët ja tsëtyu'un, koos nja'amyetsy wi'ixës ojts ntuuntëkoyën koos n'ëna'k'ajty.

Ezequiel 2:3

jëtu'un y'ënaan'ëtë'ëtsy: Mijts ye'etyëjk, tyam yë Israel ja'ay ntuknikäxa'any, yë kajpn ka'apë jyä'äkyukën mëti'ipë käjpxy kyumëtoownajxpën, yë y'ap y'okëty ets yë'ëjëty tëëjës xynyipëtë'ëktë ets jëtu'un tyampaat.

Proverbios 13:18

Ja ja'ay mëti'ipë ka'ap tsojkën'atyën ja kajpxwijën nëjkxëp y'ëyoy ets ka'ap pën y'oyjyawëtëty; ja'ay mëti'ipë kyupëjkpyën ja kajpxwijën, ni'ikyë mëj'äämpy nyaxa'any.

Jeremias 7:19

E kajts y'ëjtsëty y'ëxëëktuntë, kë'ëm nyäy'ëxëëktunëtë ets kë'ëm tmëxuuk tmëjoktëty. Ëjts Wintsën, ëjts ënaanp.

Jeremias 9:18

Jëtu'un, wä'än tsojkyë tmintë ets wä'än xynyiyaxëmë; wä'än yë nwiinnëë'ajtëm tka'ay ets wä'än xyajnëëwin'oko'omëmë.

Jeremias 11:13

Yë Judá ja'ayëty may yë tios tmëët'atë, jëtu'un tä yë nyaax kyajpn myäy'atën; yë Jerusalén ja'ayëty may yë wyintsë'këntyakn tmëët'atë ma Baal tukwintoytyën yë poom, jëtu'un tä yë në'ë tu'u jam myäyëtyën.

Jeremias 12:13

Ojts tjani'iptë yë tsajpmok, äpny ojts tpëjkmuktë, nëkoopë ja tuunk nyatëkë'ajty. Ka'ap ojts ja pëjktä'äky wyintëy mëët koos ntukjoot'anpëjky.

Ezequiel 44:13

Yë'ëjëty ka'ap nëjkx tjëkyepy tii tuntë ijxtëm yë teetytyëjkëtyën ets ka'ap tjëkyepy tmëwinkontëty mëti'ipë wa'ats'ijtpën, ni'ik mëti'ipë kënu'kxyën ka'ap mëpaat tontë. Kopkpëky ko tsëëmnaxtëty ja mëti'ipë të tuuntëkoytyën ets ja ëxëëkpë të tuntën.

Oseas 9:10

Jëtu'un yë Wintsën y'ënä'äny: Koos mpaty yë Israel, jëtu'unës jotkujk näjya'awëy tä ja'ay tpaatyën yë tsatsym jam të'ëts'itjotm. Yë m'ap m'okëty jëtu'unës n'ijxy tä yë higos tsojk tsyaamë'ëkyën. E ko jam jyajtë Baal-peor wiink tios ojts nyätyukmëkënu'kxëtë ets ojts tuntë winë ëxëëk tä y'ëxëkëtyën yë y'awinaxëty mëti'ipë ënäty tsyojkën'ajtëpën.

Sofonías 1:17

Jëtu'un yë Wintsën y'ënä'äny: Jotmayjyotyës yë ja'ay nyaj'ita'any. Jëtu'un yaj'ixa'antë wiints yowëty, jä'ä ko tëëjës xymyëtëkoytyë. Tä naaxwayën yaj'ixa'any ja nye'pnyëty ets tä tsajpkaatë'ënyën yaj'ixa'any ja xyixyëty pyajkëty.