Jeremias 3:19 - Biblia Mixe de Quetzaltepec

¹⁹ Israel, ojts mijts nkupëky ets n'u'unk'ata'any nmaank'ata'any, ko nmo'oja'any tu'uk ja naax kajpn mëti'ipë ja'ay wyiink'ixëpën ko y'oyëty tsyujëty këtiinëm jëtu'un wiinkëtypë naax kajpn. Etsës të nmay të ntajy ko teetyën xyjyawëja'anyës ets ko ka'ap nijëna'a xy'ëxmatsa'anyës.

Biblia Dc en Mixe de Quetzaltepec

¹⁹ Israel, ojts mijts nkupëky ets n'u'unk'ata'any nmaank'ata'any, ko nmo'oja'any tu'uk ja naax kajpn mëti'ipë ja'ay wyiink'ixëpën ko y'oyëty tsyujëty këtiinëm jëtu'un wiinkëtypë naax kajpn. Etsës të nmay të ntajy ko teetyën xyjyawëja'anyës ets ko ka'ap nijëna'a xy'ëxmatsa'anyës.

Jeremias 3:19 ပူးပေါင်းရင်းမြစ်များ

Salmos 106:24

Wäänë y'ijty, tääts tu'uk yë naax kajpn janty'oy janty tsujpë ojts t'ixtijtë, ka'ap tmëpëjktë mëti'ipë ënäty ja Tios të tyukwinwanëtën,

Salmos 16:6

Janty oy ja ijtakn të xytyukka'ayës maas oy njuuky'atëtyën, ets janty'oy janty tsuj ja kuma'ayën mëti'ipës të xynyikääkën.

Salmos 89:26

Täätsës xy'ënëëmëja'any: Mijts nTeety'äjtyp ets mijts nTios'ajtyp, mëti'ipës xyajnitsokpën ets xy'ijx'ijtp xykyëwent'ajtpën.

Proverbios 3:35

Ja näykyumayë ets ja nämyëjpëjkta'akë, yë'ë kyuma'ayën'ajtyp yë wijyjyä'äy, e ja tsuuja'ay yë'ë tyukmëjpëtsëëmpy ko ka'ap pën y'oyjyawëty.

Isaías 63:16

Mijts ëëts nTeety'ajtëp. Oy yë Abraham xykya'ixkaptës, ets oy yë Israel ja'ay xykyaja'amyätstës, mijts Wintsën, mijts ëëts nTeety'ajtëp; mijts ëëts xëmë të xyaj'ëwaatsëpëtsëmtë.

Isaías 64:8

E mijts Wintsën, je'eyëm nteety'atë e ëëtsëty jëtu'un tä mo'ontsën ets mijts mnajxp tä tu'ts pojtspën; aakmijts ëëts të xyajkojtë.

Jeremias 12:10

Yë may wintsëntëjk mëti'ipë mëtsip'ajtëpën tëë tyajkutëkoytyë yë ntsatymkyamës, tëë tä'änjëtijta'atë ja nkamës. Aanë'ëk tëëtsë'ëk të tyaj'awinpitë ja naaxwiinyëtë mëti'ipës ijty mëk ntsojkpyën.

Jeremias 3:17

Ënät nëjkx yë Jerusalén kajpn yajtijy yë Wintsën yë kyutujktakn, jam nëjkx nitëkokyë yë naax kajpn tyu'ukmujkta'atë ets nëjkx xynyixëëwtuntës ets ka'ap nëjkx nëkoo y'ëknätyukwin'ë'ënënëtë ja jyot wyinma'anyëty.

Jeremias 3:4

Naamnëm xyjyaak'ënëëmës: Tatë, mëti'ipës mëët tu'knax të n'ëna'k'atyën,

Jeremias 31:20

Yë Efraín yë nyaax kyajpn u'unk maayënës ntsoky njawë; yë'ëjës tu'uk n'u'unk'ajtyp nmaay'ajtyp mëti'ipës mëk ntsojkpyën. Oyës muum ntuk'ojy yë tyëko'oyën, ëjts ka'apës nja'atyëkoy; jëëpy yaxpës njawë n'aaw njot ets npa'ëyoopyës jatëkok. Ëjts Wintsën, ëjts ënaanp.

Jeremias 31:9

Tam mëti'ipë minaanpën kajpxtakp, tam mëti'ipë minaanpën jëëpy yaxp. Jamës nyajnëjkxa'antë ma nëë ka'ap y'ëmaayëtyën ets Joytyuuyës nyajye'eya'antë këtiipë y'anäp y'atä'pxëtëty, jä'ä ko ëjts yë Israel kajpn xytyeety'ajtp ets Efraín yë'ëjës nkä'äxkopk'ajtyp.

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënäty tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Jeremias 5:7

Jëtu'un yë Wintsën y'ënä'äny: ¿Wi'ix n'ëknimä'kxëty mëët ijxtëm të mtimy'ëti'ityën? Yë m'u'unk m'ëna'k tëëjës xy'ëxmajtstaaynyëtë ets ko tii nikajpxtë yë'ë tyukajpxpäjnëtëp yë xyëëw ka'apë tiosëtyën. Ojtsës nyajkaytyë mëjwiin këjää, e yë'ëjëty ka'apës të xy'ëkwinkutsë'kënëtë, wiinktsow të nyëjkxnëtë, jëtu'un tä tu'uk yë to'oxytyëjkën mëti'ipë wiink ye'etyëjk pyanëjkxypyën.

Ezequiel 20:6

Jä'ä xëëw ojts n'ënëëmëtës ko nyajpëtsëma'antës jap Egiptë ets nyanëjkxa'antës ma ja naax kajpnën mëti'ipës të ntuknipëjktaakëtën, tu'uk ja kajpn ma ja tsi'tsknëë ets ja uuxpa'ak jëtu'un pyëyi'ikyën tä nëëjën, ma tu'uk ja naax kajpnën mëti'ipë ni'ik oyën këtiinëm jyëtu'unëty wiinkëtypë kajpn.

Daniel 11:16

Ja mëtsip nëjkxëp winë tuntë ijxtëm ja tyimjot tyimwinma'anyëtyën, ni pën nëjkx kyamayë wyinkuwa'akëtëty, yë'ë nëjkx jam wyi'im ma ja naax kajpnën oypyë tsujpë ets wa'ats tyajkutëkooytya'aja'any winë ma ënäty nyäxyën.

Daniel 11:41

Nyitëkëjäämpy näjyëtu'un ja naax kajpn oypyë tsujpë ets may ja ja'ay jam tyaj'ooka'any; yë Edom ja'ayëty, yë Moab ja'ayëty ets Amón ja'ayëty nëjkxëp may tsyo'oktë.

Daniel 11:45

Jam nëjkx nyäpyëjktä'äkyë itkujky ma ja mejyën mëët nyäpyäätyë ja kopk wa'atspë ets oypyë tsujpë. Je'eyëp ko tëë ënäty tyukja'tyë ja xëëw jëmëjt ma y'ookanën ets jämyë nëjkx y'ooky ets ka'ap ni pën maa y'ëknimëtyakënë.

Daniel 8:9

Ma tu'ukën tëë wiinkpë jam pyëtsimy mutskpë, ojts yeeky ets jamtsow të nyasyääkë ëpa'tkë'ëmtsow, maatsow xëëw pyëtsimyën ets maatsow ja it naaxwiinyëtë wyi'imyën ja oypyë tsujpë.

Oseas 11:8

¿Wi'ix n'ëk'ëxmatsëty mijts Efraín? ¿Wi'ix n'ëkmajtstu'utëty mijts Israel? ¿Jyëkyäpëp jëtää nyajkutëkoyëty tääjës ojts nyajkutëkoyën yë Admá kajpnën, ëkë tääjës nyajkutëkooyën yë Seboím kajpnë? Je'eyës nmëkxejy n'o'kxejy, ko njapa'ëyoy.

Gálatas 3:26

Tios miits tyam ni'ëmukë m'u'unk'ajtënëtëp ko të xymyëpëktë ja Jesukristë,

Efesios 1:5

Tëë ënäty tuknipëjktaakë ko ja Jesukristë mëët xy'u'unkniwa'ana'anëmë, jëtu'un ijxtëm ënäty të tmëmay të tmëtajyën ko ja oyjyot oywyinma'any jëtu'un tmëëtëty.

Deuteronomio 14:1

Tëë xynyijawëtë, ko miitsëty mWintsën m'u'unk'ajtëtëp. Paaty këtii nëkoo mjot mnini'kx oy wi'ix xytyuntëty, këtii nëkoo xyajtsëtyut xyajwintëkoytyëty. Ni yë'ë mwaay mkopk ëxaty xykyatuntëty ko pën y'ookëty tyëkoyëty.

Hebreos 10:39

Ka'apës njëtu'un'atë ijxtëm y'ëtë'ëtstën mëti'ipë tu'utëkajtstëpën ets tyu'utëkoytyë, yë'ëjës nmëjwa'kpäjtëp mëti'ipë mëpëjktëpën ets ja nitsokën tpaatë.

1 Pedro 1:17

Pën miitsëty Tatë, xynyëëmëtë ja Tios, mëti'ipë paye'epyën mëtëy ets ka'ap wyin'ixy wyinkexyëty, kopkpëky ko xywinkutsë'ëkëtëty xëmë mapaat yaa naaxwiiny mjuuky'atën.