Jeremias 3:12 - Biblia Mixe de Quetzaltepec

¹² Nëjkx tukmëmëtya'ak ya'atë aaw ayuk. Ko xymyëmëtya'akëty, jamtsow mnajts'ixëty anëkëjxmtsow ets xy'ënëëmëty: Jëtu'un yë Wintsën të tniwinpity ja y'aaw y'ayuk: Wimpit mijts Israel mëti'ipë käjpxy kyumëtoownajxpën. Ka'ap ëxëëk ntuna'any ets ka'ap xëmë ntukjoot'anpëka'any, ëjts nmëët'ajtypyës oyjyot oywyinma'any. Ëjts Wintsën, ëjts ënaanp.

Biblia Dc en Mixe de Quetzaltepec

¹² Nëjkx tukmëmëtya'ak ya'atë aaw ayuk. Ko xymyëmëtya'akëty, jamtsow mnajts'ixëty anëkëjxmtsow ets xy'ënëëmëty: Jëtu'un yë Wintsën të tniwinpity ja y'aaw y'ayuk: Wimpit mijts Israel mëti'ipë käjpxy kyumëtoownajxpën. Ka'ap ëxëëk ntuna'any ets ka'ap xëmë ntukjoot'anpëka'any, ëjts nmëët'ajtypyës oyjyot oywyinma'any. Ëjts Wintsën, ëjts ënaanp.

Jeremias 3:12 ပူးပေါင်းရင်းမြစ်များ

Ezequiel 33:11

E ëjts Wintsën, njuukyajtënës yam ntukkajpxpejtyp ko ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets jyuukyajtën tyajtëkatstëty ets jyuuky'atëty. Miitsëty Israel ja'ayëty ëxmatstë tääpë ëxëëk juukyajtën. ¿Tii ko m'ooktëty?

Salmos 86:15

E mijts Wintsën, jä'ä mTios'aty yujy tëtä'äky, ets pa'ëyoop, mä'kxtujkp mëët yë tsojkën ja'awën ets tëyajtën.

Jeremias 33:26

nijëna'ajës nka'ixtija'any yë Jacob ets ntuunpës David yë y'u'unk y'ok, ka'apës nijëna'a ntu'u'ëtuka'any yë Abraham, Isaac ets Jacob y'u'unk y'ok ets yajkutuktëty. Jä'ä ko npa'ëyoowtëpës paaty jatëkok nyajjotkujkëja'antës.

Jeremias 31:20

Yë Efraín yë nyaax kyajpn u'unk maayënës ntsoky njawë; yë'ëjës tu'uk n'u'unk'ajtyp nmaay'ajtyp mëti'ipës mëk ntsojkpyën. Oyës muum ntuk'ojy yë tyëko'oyën, ëjts ka'apës nja'atyëkoy; jëëpy yaxpës njawë n'aaw njot ets npa'ëyoopyës jatëkok. Ëjts Wintsën, ëjts ënaanp.

Jeremias 3:22

Wimpitë ma ëjtsën, u'unk maayëty mëti'ipë käjpxy kyumëtoownajxtëpën, ëjts miits nyajtso'ok nyaj'akëta'aktëp këtiipë m'ëk käjpxy kyumëtoownajxnëtëty. Tyaa ëëts nmintë ma mijtsën, jä'ä ko mijts myajWintsën'ajtp, mëti'ipës nTios'ajtëpën.

Jeremias 3:18

Ko ënäty jëtu'unpë xëëw po'o tukja'ty, nëjkxëp yë Judá mëët yë Israel tyu'ukmuky ets nëjkx tu'ukyë tsyoontë jam ma naax kajpnën mëti'ipë anëkëjxmtsow yajpatpën ets wyimpitëty tu'knax ma it naaxwiinyëtën mëti'ipës ojts yë y'aptëjk nmo'otën.

Jeremias 30:11

Ëjts mëti'ipë Wintsën'ajtpën, tyamës nikäjpxy, ko yajpaataanpës xëmë mëët mijts ets nyajtso'okäämpy. Nyajkutëkooyäämpyës tëkokyëty yë naax kajpn mëti'ipë najtswop najtskäjë ijtëpën. E mijts ka'ap nyajkutëkoyä'äny, je'eyë ntëytyuna'any tä pyaat'atyën: ka'ap jëtu'unyë nyaj'ita'any, kwanë ko xykyumëtoy yë mpoky.

Jeremias 23:8

jä'ä nëjkx y'ëna'antë: Mëët yë'ë ko yë Wintsën jyuukyëty, mëti'ipë yajtso'onën ja Israel kajpn ma ënäty tsumy matsy yajpaatën wiink kë'ëy wiink kajpn jam anëkëjxmtsow. Ets kyë'ëm naaxjotm kyë'ëmkajpnjotm nëjkx yajpaatë.

Jeremias 4:1

Jëtu'un yë Wintsën y'ënä'äny: Mijts Israel, pën mjootwinpitaanp jatëkok, ëjts jëtu'un xynyiwinpitëp, ënät jëtu'un tyunëtëty jyatëtëty pën myajjëkämkekpy yë wiinkëtypë m'awinax mëti'ipë m'ëwtatypyen ets pën ka'ap xy'ëkpuwa'ktutnës,

Jeremias 3:5

¿tii xëmëtën m'äka'anyë, xëmë kyëjxmën yë mjoot'an xymyëët'ata'anyë? Ets nëkoopë jëtu'un m'ëna'any, mijts je'eyëm mpokytyuun'ëtë'ëtsy.

Salmos 145:8

Yë Wintsën janty'oy jot winma'any tmëëtëty, ets pa'ëyoop najts'ëyo'owëp, mä'kxtujkp ets tsojkp ja'ap.

Salmos 86:5

Jä'ä ko mijts Wintsën, oy mTios'aty ets mpokymyä'kxp; janty'oy ja mjot mwinma'any xyajnikëxë'ëky ma ja'ayëtyën mëti'ipë mëkajpxëpën.

2 Reyes 18:1

Ma ënäty mëtëkëëk jëmëjt yajkutukyën yë Oseas, yë myaank yë Elá, mëti'ipë jam ënä'ämpën Israel, jää ojts tyëkë yajkutujkpë yë Ezequías, yë myaank yë Acaz jam Judá.

2 Reyes 17:23

Tä ja Wintsën ojts tim'ëxmajtsnë ja Israel kajpn, jëtu'un tä ënäty të t'akäjpxyën mëët ja kyäjxynyajxpëtëjk, paaty ojts ja Israel ja'ayëty yajmënëjkxnëtë tsumy matsy jam Asiria, ma tyampaat yajpaatën.

Deuteronomio 30:2

Ets mjootwinpitëty, xyjyä'ämyätstëty jatëkok ja Wintsën mëët tu'kë'ëyë ja m'u'unk m'ëna'k ets xytyuntëty winë aaw winëjot tä yam të ntuk'ënä'ämtën.

Oseas 6:1

Mintë ni'ëmukë ets tsojk Wintsën niwinpijtëmë. Yë'ë atëj awäxë të xytyu'unëmë nän yë'ë mayanëp ets xyajtsokmëty; ojts xyajtsëtyujtëmë je'eyëp ko ojts näjyëtu'un xyajtsokëmë.

Ezequiel 39:25

Paaty ëjts maas nWintsën'atyën, jëtu'unës yam n'ëna'any: Tyam mpa'ëyowa'anyës nitu'kë'ëyë yë Israel kajpn, yë Jacob yë y'u'unk y'ok. Ëjts nyajkutukäämpy ets wyimpitëty oy ja jyuuky'ajtënëty, etsës nimëkta'aka'any twinkutsë'ëkëtëty wa'atspë nxëëwës.

Jeremias 31:8

Nyajwinpitäämpyës jatëkok, ma yajpaatën tsumy matsy jam kajpntum anëkëjxmtsow, nyajtu'ukmujkta'ajäämpyës oy ënäty jam muum jëkäm yajpaatë ma naaxwiinyëtë jyëjpkëxyën. Ko ënäty wyimpitë, nëjkxëp pyaminëtë ja'ay mëti'ipë wiintsën, tekymya'atën, näjyëtu'un to'oxytyëjkëty mëti'ipë ënäty u'unkpaataanpën, mëti'ipë tëë y'u'unkpaatën; yajxon yë ja'ay nëjkx nimay myintë.

Jeremias 3:14

Jëtu'un yë Wintsën y'ënä'äny: Wimpijta'atë miitsëty u'unk ëna'këty mëti'ipë käjpxy kyumëtoownajxtëpën, ëjts miitsëty xyWyintsën'ajtëp. Tu'ukës nwin'ixa'any ja'ay maajaty yë kajpnën ets nimäjtsk ma tu'uk tëjkën mëti'ipës nyajwinpitäämpyën jatëkok jam Sión.

Jeremias 3:7

Ëjts tyaajës ojts nmääpyë ntajpë ko ntijëtën yë Israel kajpn xynyiwinpita'anyës jatëkok oy wi'ix të y'ëk'ëtë'ëtsy të y'ëk'ëna'any; e yë'ë ka'ap të wyimpity. Yë Judá kajpn, mëti'ipë jëtu'un tä tsyë'ëjën tëë t'ixy;

Jeremias 3:1

Jëtu'un yë Wintsën y'ënä'äny: Ko tu'uk yë to'oxytyëjk nyäy'ëxmatsyë mëët yë nyiye'etyëjk, yë to'oxytyëjk ko pyëjktëkatsy, ka'ap t'ëkjëkyäjpnë nän yë'ë mëët jatëkok pyëkëty mëti'ipë ënäty mëët të nyäy'ëxmatsyën. Yë naax kajpn wiink nëjkx t'ixy. E mijts Israel, jëtu'un të m'ëtë'ëtsy tä tu'uk to'oxytyëjk kanaak yë ye'etyëjk mëët y'ityën ets ënät m'ëna'any ko ëjts xynyiwinpita'any. Ëjts Wintsën, ëjts ënaanp.

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.

Salmos 103:17

Yë Wintsën yë tsyojkën jya'awën xëmë y'ity ma ja'ayën mëti'ipë mëmëtoowëpën ets wiinkutsë'këyëpën; yë tyiyajtën ka'ap nijëna'a kyixy ma ja'ayëtyën jënu'un nyajtsmin nyaskä'äxëtën.

Salmos 103:8

Yë Wintsën oy tsuj yë jot winma'any tmëëtëty, ets pa'ëyoop najts'ëyo'owëp, ëwxijtp mä'kxtujkp yë'ë ets tsojkp ja'ap.

Salmos 79:5

Mijts Wintsën, ¿Jëna'apaat mijts mjoot'anpëka'any? ¿Xëmë yë mjoot'an tyoyä'äny tä jëënënë?

2 Crónicas 30:9

Pën miitsëty mja'amyäjtstëp ja mWintsën Tios, mpa'ëyowanëtëp yë'ë ets tyuktëkëjäämpy ja yajkutujkpëtëjk mëti'ipë të tmatstën ja mjëëky mmëku'uk ets tnajtsmatsëtëty ets tpaatëty jatëkok ja nyaax kyajpnëty, jä'ä ko yë Wintsën pa'ëyoop najts'ëyo'owëp yë'ë, ka'ap jëtu'unyë mnajts'ixëja'anëtë pën myajwinpijtëp ja mjot mwinma'anyëty.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

2 Reyes 15:29

Ma ënäty ja Peka yajkutukyën jam Israel, ënäty jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënäty jam tsënaaytyëpën aakjam ojts tsumy matsy nyëjkxta'atë Asiria.

Génesis 4:7

Kooxyëp jeexyë xy'ëktuny mëti'ipë oyën, jotkujk jeexyë m'ijxë'ëky mkoowë'ëky. E ka'ap jëtu'un xytyuny, paaty yë nëë poky ëwxijtp tyim'ity ets mmëmëta'aka'anyë. E ko mijts xytyuk'a'ixëty, mijts yë nëë poky m'ëk mëmëtaknëp.

Levitico 26:40

E jä'ä nëjkx xyjyajawëtë ja mpokyëty ets ja pyokyëty ja mteety mtaakëty, mëët ko ënäty ka'ap oy të xymyëtuntës ets ko ënäty ka'ap të tuntë këwentë ja n'aaw n'ayukës.

Salmos 103:9

Yë'ë ka'ap xëmë xy'ojmëty, ets y'ëwa'an'ajtën ka'ap jeky y'ity;

Jeremias 11:6

Ënät ja Wintsën xy'ënëmaayës: Nikajpx nimëtya'ak ya'atë aaw ayuk në'ë'aay tu'u'aay ma Judá kajpnën ets ma Jerusalén kajpnën. Jëtu'un xy'ënëëmëty yë ja'ayëty: Mëtoow'itë yajxon wi'ix y'ënä'änyën ya'atë käjpxytyu'unën ets patuntë.

Jeremias 12:15

E ko ënäty të nyajpëtsëmyës ma nyaax kyajpnëtyën tä ja'ay ujts tnujkë'ëkyën naaxkëjxy, ënätës jatëkok mpa'ëyowa'antë etsës nyajwinpita'antë ma nyaax kyajpnëtyën.

Lamentaciones 3:22

E yë Wintsën, ijxtëm yajnijawën ka'ap yë tsyojkën jya'awën kyixy nyäxy ets y'oy jot y'oywyinma'any ka'ap kyukëxë.

Ezequiel 11:17

Näyjyëtu'un ënëëmë: Jëtu'un yë Wintsën y'ënä'äny: Ëjts jatëkok nyajtsoonäämpy ma tääpë naax kajpnëtyën ma yajpaatën tsumy matsy, nyajtu'ukmukäämpyës jatëkok etsës nmo'oja'antë ja Israel naaxwiinyëtë.

2 Crónicas 29:10

Paatyës të ntuknipëjktaakë koos ja käjpxytyu'unën oypyë ntuna'any mëët yë Wintsën, mëti'ipë Israel ja'ayëty y'ëwtajtëpën ets Wintsën tyajjëwa'akëty ja tsyip y'äkë ma ëëtsajtëmën.

Isaías 31:6

U'unk maayëty, miitsëty Israel ja'ayëty, jootwinpitë jatëkok ma Tiosën mëti'ipë të xyajjoot'anpëktën.

Jeremias 31:21

Mijts Israel, akääts yë në'ë tu'u mëët yë jaam mëti'ipë yajtuk'ixëpën, ënätyë xypyaatëty ko ënäty jää jatëkok mnaxa'any; m'ijxwë'ëmëp ma mnaxyën. Wimpit jatëkok mijts Israel kajpn, niwinpit yë mjëën mtëjk.

Zacarías 1:4

Këtii jëtu'un m'ëtë'ëtstë tä ja m'ap m'okëtyën, mëti'ipë ojts ja nkäjpxynyajxpës jya'ënë'ëmxëtën ets t'ëxmatstëty ja y'ëxëëktu'un y'ëxëëk kajpxënëty ets ja y'ëxëëk winma'anyëty, yë'ëjëty ka'ap kyäjpxymyëtoowtë ets ka'ap kyäjpxyjyä'äykyujkëtyë. Ëjts Wintsën, ëjts ënaanp.