Jeremias 29:7 - Biblia Mixe de Quetzaltepec

⁷ Tuntë, wä'än yë naax kajpn t'oy'ity ma tsumy matsy myajpaatën wiink naax wiink kajpn ets niwaantsow nimëpëjktsowëtë ma ëjtsën, jä'ä ko pën tääpë naax kajpn yajpatp jotkujk, nän jotkujk miitsëty myajpaata'antë.

Biblia Dc en Mixe de Quetzaltepec

⁷ Tuntë, wä'än yë naax kajpn t'oy'ity ma tsumy matsy myajpaatën wiink naax wiink kajpn ets niwaantsow nimëpëjktsowëtë ma ëjtsën, jä'ä ko pën tääpë naax kajpn yajpatp jotkujk, nän jotkujk miitsëty myajpaata'antë.

Jeremias 29:7 ပူးပေါင်းရင်းမြစ်များ

Esdras 6:10

ets tmo'otëty ja Wintsën tsajpjotmëpë ja wyintsë'kën oypyë tsujpë ets t'amëtowtëty ja Wintsën oyajtën mëk'ajtën ma yajkutujkpën ets ma y'u'unk y'ëna'këtyën.

Daniel 4:27

Paaty n'ënëëmë mijts yajkutujkpë ets xypyatunëty tëkokyë mëti'ipë yam ntukwinjawëjäämpyën: mëtëy winë tun ets këtii m'ëk pokytyuunë; ëxmats yë ëxëëktu'un ëxëëk kajpxën ets putëkë yë ëyoopëja'aytyëjk. Jëtu'un jeky mjuuky'atëty ets akujk jotkujk myajpaatëty.

Esdras 7:23

Tëkokyë tii tyim amëtoowpyën yë Wintsën tsajpjotmëpë y'ityën, tyam yajyakëty ënätyë, këtiipë nëkoo tii ëyo'on xynyimi'inmëty ma ëëtsajtëmën ets ma ja u'unk ëna'kën mëti'ipë yajpatëpën maajaty ja naax yajnitänën.

Romanos 13:1

Ni'ëmukë mëpaat yajmëmëtoy ja ja'ay mëti'ipë myëët'ajtëpën ja kutujkën. Jä'ä ko ka'ap ma kutuunk mëti'ipë ka'ap jam kyutukyën ma Tiosën, mëti'ipë jääjëtyën Tios yë të pyëjkta'akëtë.

Daniel 4:19

Ënät ja Daniel, tmëmay tmëtajy jeky, natsë'k naja'awëp wäänjaty jä'ä ko kanaak ja wyinma'any jap nyäxy tyëkë kyëpajkjoty. E ëjts yajkutujkpë ënätës t'ënëmaay ja Daniel, këtii nëkooyë xymyëmay xymyëtajy yë nkuma'ayës ets këtii xymyëmay xymyëtajy wi'ix nyiwija'anyën. Ets ja Beltsasar y'ëtsooy: Mon tuk ja yajpaaty ja yajkutujkpë ja myëtsip ma kyëta'aka'anyën ya'atë ëyo'on mëti'ipë yë yajkutujkpë të twinkuma'ayën.

Romanos 13:5

Yë'ë oy ko kutuunktëjk nmëmëto'owmëty, ka'ap tyim yë'ëkyëjxmëty ets yajkumëtowëty ja ëxëëkpë, yë'ëkyëjxm ets ntu'unmëty mëti'ipë mëtëyën.

Salmos 122:6

Amuumtu'ukjot nikajpxtë: Wä'än tjam'aty ja jotkujk'ajtën Jerusalén; ets wä'än tjuuky'atë jotkujk mëti'ipë mtsojkëyëp mja'awëpën.

Jeremias 38:4

Ënät ja wintsëntëjkëty t'ënëmaaytyë ja yajkutujkpë: Tyaapë ja'ay wä'än timy'ooky, ni'ikyë tsë'ëkëwinkajpxë yë tsiptuunpëtëjk mëti'ipë yaa naaxjoty kajpnjoty niwäänë të jyaakwë'ëmtën ets ja'ayëty. Ya'atë ja'ay ka'ap oypyë tmëmay tmëtajy ma kajpnën, ni'ikyë tsoky ets ja'ay o'ktëy jyatëty.

Ezequiel 11:16

Paaty ënëëmëtë: Ko jëtu'un yë Tios y'ënä'äny: Ëjts ojts miitsëty nyajnëjkxtë wiink naax wiink kajpn tsumy matsy, ma ja kajpnën mëti'ipë ka'ap xy'ixy'atën, je'eyëp ko wäänë. E nän ëjts jatëkok jam xy'ëwtatëp ma të nyëjkxtën.