Jeremias 28:14 - Biblia Mixe de Quetzaltepec

¹⁴ Jä'ä ko ëjts mëti'ipë Wintsën'ajtpën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'unës n'ënä'äny: Tëës yë naax kajpn ntukutsuumta'ay yë tsajpkaakukë'ë mëti'ipë aak juunpujxnën ets tmëtuntëty ja Nabucodonosor yajkutujkpë mëti'ipë jam Babilonyë ënä'ämpën. Yë'ëpaat yë jëyujk mëti'ipë ëwa'anëtyën tëëjës ntukë'ëtëjkëtyä'äyës.

Biblia Dc en Mixe de Quetzaltepec

¹⁴ Jä'ä ko ëjts mëti'ipë Wintsën'ajtpën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'unës n'ënä'äny: Tëës yë naax kajpn ntukutsuumta'ay yë tsajpkaakukë'ë mëti'ipë aak juunpujxnën ets tmëtuntëty ja Nabucodonosor yajkutujkpë mëti'ipë jam Babilonyë ënä'ämpën. Yë'ëpaat yë jëyujk mëti'ipë ëwa'anëtyën tëëjës ntukë'ëtëjkëtyä'äyës.

Jeremias 28:14 ပူးပေါင်းရင်းမြစ်များ

Deuteronomio 28:48

Yë mmëtsiptëjk yë'ë nëjkx xymyëtuny mëti'ipë ja Wintsën të mtuknikexyën ets ëxëëk mtunëtëty. Nëjkxëp m'ayuu'aty m'axëëw'aty, nëjkxëp ja nëëtëëtsë xymyënaxy xyajnaxy, ni mwit ni mtujkxy nëjkx kyaka'ty, o'ktëy mjat mkëpätëty. Yë Wintsën nëjkx jëtu'un myaj'ëyoyë, koonëm m'ookëty mtëkoyëty.

Daniel 2:38

ets mijts m'ënä'ämtääpy tëkokyë yë ja'ay, yë jëyujk yë joon ets wä'än timy tyiijëty, yë Tios yë'ë të mo'oyë mëk'ajtën ets mijts winë xy'ënä'ämta'ajëty, yë'ë jëtu'un të xywyin'ixy tä ja pu'ts pujxn tkëpajk'atyën.

Jeremias 40:4

Ëk'ix, tyam ntukë'ëkäjtu'utëty tääpë pujxntä'äky mëti'ipë mkë'ëtsum'ajtypyën. Pën m'ënaanp mmina'any mëët ëjts jam Babilonyë, ëjts mijts nkëwent'atëp; e pën kajts mmina'any jam Babilonyë, mëpaat mwë'ëmëty. Tam xymyëëtëty tääpë itjot naaxjot: mijts ix ma xy'oy'ixy.

Jeremias 27:4

Ets xytyuk'ënä'ämëty wä'än yë wyintsëntëjk t'ënëëmëtë, ko ëjts, mëti'ipë Wintsën'ajtpën, mëti'ipë maaytyääyëpën winë; mëti'ipë yë Israel ja'ay Tyios'ajtëpën, jëtu'unës n'ëna'any:

Deuteronomio 4:20

E miitsëty, Tios ojts kë'ëm mtimjyuutëtë jap Egiptë, ma ënäty myajpaatën mëj jëënjotypyën ets mkajpn niwanëtë.

Jeremias 15:12

¿Pën ëkmayëtëp tpojtukëty ja juunpujxn ets ja tsuxkpujxn mëti'ipë jam yajpatpën anëkëjxmtsow?

Jeremias 27:8

E pën jää yë naax kajpn mëti'ipë ka'ap nyätyuk'ëne'emyën yë Nabucodonosor, ëjts ntëytyunäämpyës tääpë naax kajpn mëët yë tsip, yuu xëëw ets pa'am ëyo'on, koonëm ja naax kajpn aakjam yajpata'atëty ma Nabucodonosor y'ëne'emyën. Ëjts Wintsën, ëjts ënaanp.

Lamentaciones 1:14

Tëës yë Wintsën yë nnëë mpoky xy'ijxë; yë'ëjës të xytyukjëëtsëmë'ëky, tä yë tsajpkaa yajtukutsumyën yë kyepy; ënu'kxëpës. Tëës Wintsën xykyë'ëyäky ma ja'ayën mëti'ipës ka'ap nmëmëta'aka'anyën.

Oseas 10:11

Yë Efraín jëtu'un ijty tä tu'uk yë tsajpkaajën yujypyë mëti'ipë wyinte'empyën yë tsajpmok. Tëës tu'uk yë kepy ntukyo'kapë ma ja yo'knën oypyë tsujpë, mëti'ipë tsajpkaa myëyuupyën ets tpajëtutëty yë kepy wintëkäämpë; e yë Judá yë'ë pyajëtutäämpy mëti'ipë naaxtajpën ets Jacob mëti'ipë naaxwo'kpën.