Jeremias 27:4 - Biblia Mixe de Quetzaltepec

⁴ Ets xytyuk'ënä'ämëty wä'än yë wyintsëntëjk t'ënëëmëtë, ko ëjts, mëti'ipë Wintsën'ajtpën, mëti'ipë maaytyääyëpën winë; mëti'ipë yë Israel ja'ay Tyios'ajtëpën, jëtu'unës n'ëna'any:

Biblia Dc en Mixe de Quetzaltepec

⁴ Ets xytyuk'ënä'ämëty wä'än yë wyintsëntëjk t'ënëëmëtë, ko ëjts, mëti'ipë Wintsën'ajtpën, mëti'ipë maaytyääyëpën winë; mëti'ipë yë Israel ja'ay Tyios'ajtëpën, jëtu'unës n'ëna'any:

Jeremias 27:4 ပူးပေါင်းရင်းမြစ်များ

Jeremias 51:19

Tëkatsy ni'ik yë Jacob yë Tyios, mëti'ipë yajkojtaayën tëkokyë winë. Yë'ë wyin'ijx yë Israel kajpn ets yë'ë tjä'äpëjky. Jä'ä txëëwaty Wintsën mëti'ipë maaytyääyëpën winë.

Jeremias 25:27

Ënät ojts yë Wintsën näjyëtu'un xy'ënëëmës: Ënëëmëtë ko ëjts Wintsën mëti'ipë maaytyääyëpën winë, mëti'ipë yë Israel ja'ay Tyios'ajtëpën, tyam ntuk'ënä'ämtë ets xy'ukta'atëty koonëm mukpëkëtëty ets mtëkëtëty ë'tspë, mkëtaw mkëpiptëty, ka'ap m'ëk maayënëtëty wi'ix mpëtë'ëktëty, mëët ko ënäty je'eyë ja tsip y'ijnë mëti'ipë ntuknikäxantëpën.

Jeremias 10:16

Yë Tios mëti'ipë Jacob Tyios'ajtypyën tëkatsy yë'ë, yë'ë yajkoj winë. Ojts twin'ixy yë Israel ko yë'ë tkajpn'ata'any. Jä'ä txëëwaty Wintsën mëti'ipë maaytyääyëpën winë.

Jeremias 10:10

Yë Wintsën yë'ë Tios'ajtp mëtëy, yë Tios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Éxodo 5:1

Ko jëtu'un y'ëknajxy yë xëëw po'o, ënät yë Moisés mëët yë Aarón ojts nyijkxy ma mëj'ënä'ämpë ets t'ënëmaaytyë: Jëtu'un yë Wintsën y'ënä'äny yë Tios mëti'ipë Tyios'ajtypyën yë Israel ja'ayëty: ëxmajtskës yë nkajpn wä'än jam tnëjkxtë ma ja naaxwiinyëtë aanë'ëk tëëtsë'ëkpën, etsës ja nxëëw xymyëjjawëtëty.

Jeremias 27:3

Ok xykyäjpxynyikäxëty yë yajkutujkpëtëjk mëti'ipë jam ënä'ämtëpën Edom, Moab, Amón, Tirë ets Sidón. Yë'ë ntukmëkäxëp ja käjpxy yë ja'ayëty mëti'ipë ja Sedequías yajkutujkpë nyimiintëpën.

Jeremias 27:5

Mëët yë mëj'ajtën kutujkën ojts nyajkojyës yë naaxwiinyëtë; yë ja'ayëty ets jëyujkëty mëti'ipë jam yajpatëpën, njëkyejpyës pën nmo'ojëty mëti'ipës ënäty nmo'ojäämpyën.

Jeremias 28:14

Jä'ä ko ëjts mëti'ipë Wintsën'ajtpën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'unës n'ënä'äny: Tëës yë naax kajpn ntukutsuumta'ay yë tsajpkaakukë'ë mëti'ipë aak juunpujxnën ets tmëtuntëty ja Nabucodonosor yajkutujkpë mëti'ipë jam Babilonyë ënä'ämpën. Yë'ëpaat yë jëyujk mëti'ipë ëwa'anëtyën tëëjës ntukë'ëtëjkëtyä'äyës.