Jeremias 27:19 - Biblia Mixe de Quetzaltepec

^19-21 Ko yë Nabucodonosor yajkutujkpë tmëtso'ony yë Jeconías jam Jerusalén, yë Joaquim yë myaank, mëti'ipë jam ënä'ämpën Judá ets ojts tsumy matsy tyajnëjkxy jam Babilonyë mëët ja kyopktëjkëty mëti'ipë ënäty jam Judá yajpatëpën ets Jerusalén, ka'ap ojts tyajnëjkxy ja mäjtskpë ja tsajptëjk xeny ets ja nëë apëjkën mëjpë mëti'ipë mëët yë tsuxkpujxn y'oytyunyëtyën ets ja nyipujxnwintëkäämpë ma ja nëë apëjkën tyajye'eytyën ets ja apëjk atu'unën mëti'ipë jap jaak'ijtpën tsajptëkoty. Yë Wintsën mëti'ipë maaytyääyëpën winë jëtu'un y'ënä'äny, yë'ë nyikäjpxyp tääpë apëjk atu'unën mëti'ipë të wyi'imyën jap tsajptëkoty ets ma Judá yajkutujkpë kyutujktaknën ets jampë Jerusalén.

Biblia Dc en Mixe de Quetzaltepec

^19-21 Ko yë Nabucodonosor yajkutujkpë tmëtso'ony yë Jeconías jam Jerusalén, yë Joaquim yë myaank, mëti'ipë jam ënä'ämpën Judá ets ojts tsumy matsy tyajnëjkxy jam Babilonyë mëët ja kyopktëjkëty mëti'ipë ënety jam Judá yajpatëpën ets Jerusalén, ka'ap ojts tyajnëjkxy ja mäjtskpë ja tsajptëjk xeny ets ja nëë apëjkën mëjpë mëti'ipë mëët yë tsuxkpujxn y'oytyunyëtyën ets ja nyipujxnwintëkäämpë ma ja nëë apëjkën tyajye'eytyën ets ja apëjk atu'unën mëti'ipë jap jaak'ijtpën tsajptëkoty. Yë Wintsën mëti'ipë maaytyääyëpën winë jëtu'un y'ënä'äny, yë'ë nyikäjpxyp tääpë apëjk atu'unën mëti'ipë të wyi'imyën jap tsajptëkoty ets ma Judá yajkutujkpë kyutujktaknën ets jampë Jerusalén.

Jeremias 27:19 ပူးပေါင်းရင်းမြစ်များ

2 Reyes 25:13

Ja caldeo ja'ayëty piw nuuk tuuntaaytyë winëjaty mëti'ipë ënäty aak pujxnën, japë y'ityën tsajptëkoty: Tä ja xenyën, potsy'ëjxën ets ma ja nëë y'ityën, wa'ats tyajnëjkxtaaytyë jam Babilonyë.

2 Reyes 25:17

Tu'ukjaty ja xeny jä'ä kyëjxmëty taxk xajpk ja kujkm e ma ja jyëjpën ëpa'tkë'ëytsyowpë tëkëëk kë'ënux ets nyikoyëty mëët yë pujxn, e na'ëwtityëty nän mëët ja pujxn nyikoyëty ets tam yaj'ixy nitëy'äty yë pujxn. Mäjtskëty ja xeny aak tu'knax myëjatyëty ets aakjëtu'un y'ixëty.

Daniel 1:2

Wintsën ojts kë'ëm tyajkutuky ets Nabucodonosor tmatsëty yë Joaquim ets yë'ë ojts näjyëtu'un tyajkutuky ets Nabucodonosor tyajpëtsëëmta'ajëty jap tsajptëkoty ja apëjk atu'unën mëti'ipë ja Tios jyä'ä'ajtypyën ets jap tpëjktaktaay ja Tios ja y'apëjk y'atu'unën ma ja kyë'ëm tsajptëjkën ma jap y'ityën kanaak ja tios mëti'ipë y'ëwtajtypyën;

1 Reyes 7:23

Hiram ojts t'oytyuny tu'uk yë nëë apëjkën mëjpë, aak tsuxkpujxn yajtuun. Pik y'ixëty, tu'kxajpk ja tu'kkë'ënux y'ayenyëty; wëxtujk xajpk ja kujkm kyëjxmëty ets ja jyot jä'ä myëjwiinëty majktëkëëk xajpk ja kujkm.

1 Reyes 7:27

Ojts näjyëtu'un t'oytyuny majk ja nyipujxnwintëkäämpë ma ja nëë apëjkën tyajye'eytyëtyën, aakyë'ë tsuxkpujxn; tu'kxajpkjaty y'ayenyëty, tu'kxajpkjaty myëjwiinëty ets tëkëëk kë'ënux kyëjxmëty.

2 Crónicas 36:18

Tëkokyë ja apëjk atu'unën mëjpë mutskpë mëti'ipë jap tsajptëkotyën, ma ja Wintsën tyëjkën, mëti'ipë jamën ma ja yajkutujkpë tyëjkën ets ma ja wintsëntëjk ja tyëjkëtyën, wa'ats tyajnëjkxtaay winë jam Babilonyë.

Lamentaciones 1:10

Tëë yë mëtsip tjä'äpëjkta'ay mëti'ipë Jerusalén jyä'ä'ajtypyën. Ojts yë naax kajpn t'ixy wi'ix kyajpntëjkëtyë yë ja'ayëty mëti'ipë wiink tios y'ëwtajtëpën, ja ja'ay mëti'ipë mnikajpxën ets ka'ap nijëna'a jap tyëkëtëty ma mjëën mtëjkën ma nätyu'ukmukë y'ityën.