Jeremias 26:6 - Biblia Mixe de Quetzaltepec

⁶ ënätës ya'atë tsajptëjk jëtu'un ntuna'any tä jam Siló jyäjty kyëpejtyën ets nëjkx ijxpäjtën wyi'imy ko të yajpoky ma wiinkëtypë naax kajpnën mëti'ipë naaxwiinyëtë yajpatëpën.

Biblia Dc en Mixe de Quetzaltepec

⁶ ënätës ya'atë tsajptëjk jëtu'un ntuna'any tä jam Siló jyäjty kyëpejtyën ets nëjkx ijxpäjtën wyi'imy ko të yajpoky ma wiinkëtypë naax kajpnën mëti'ipë naaxwiinyëtë yajpatëpën.

Jeremias 26:6 ပူးပေါင်းရင်းမြစ်များ

Jeremias 24:9

Ëjts nyajkutukäämpy ets wiinkëtypë naax kajpn y'ëxëëk'ixëtëty mëti'ipë wiink naaxwiinyëtë yajpatëpën ets ijxpät wya'anëty ko ënäty ëxëëk të jyatë, ko ënäty ni pën kyatsokëtë, ko ënäty ja'ay y'ëxëëk'ixëtë ets ko ënäty të yajpoktë ma tu'kë'ëyë ja naax kajpnën ma awojpwä'kxy y'itën.

2 Reyes 22:19

ets mëët ko të xyjyä'äkyukë wi'ixës ëjts n'ëna'anyën, ja naax kajpn ets ja ja'ayëty mëti'ipë jam tsënaaytyëpën, ko o'ktëy jyata'antë ets poky y'ita'antë ets ko tëë ja mwit mtujkxy xykyë'tsta'ay mëët ja jotmay ets të mjë'ëy të myä'äxy ëjts nwintuuyës; tëëjës n'amëtoow'ity ets tëëjës nja'akyukë. Ëjts, mëti'ipë Wintsën'ajtpën, jëtu'un yam n'ënëëmë:

Jeremias 25:18

Ojtsës ntuk'uuky yë Jerusalén kajpn ets Judá kajpn mëët yë yajkutujkpëtëjk, y'ënä'ämpëtëjkëty ets tyimkutëkooytya'atëty, xit ko'ow jyajta'atëty, mëti'ipë je'eyë nëjkx yajtsë'ëkëtën ko ënäty yaj'ixy, yë'ë ijxpäjtën'atëp ko ënäty të yajpoky xëmëkyëjxm.

Isaías 65:15

Ja nja'ayës nëjkxëp tkajpxpaatë ja mxëëw ko ënäty pën tpoktë ëkë ko ënäty tsoktë pën y'ookëty. Ja ntuunpëtëjkës nyajtëkatsanëpës ja xyëëw.

Malaquías 4:6

Yë'ë tyuktëkëjäämpy ets wä'än ja teety taak mëët ja y'u'unk y'ëna'k tkajpx'oyëtë ja tsip käjpxy. Jä'ä ko pën ka'ap nyäyaj'oyëtë minaanpës etsës ntëytyuna'anyës yë naax kajpn ets nyajkutëkoyä'änyës.

Daniel 9:11

Tëkokyë yë Israel ja'ayëty tëë tkäjpxykyumëtoownajxta'atë ja mtëyajtën; paaty ëëtsëty o'ktëy të njat të nkëpätë jëtu'un tä jap myinyën këxja'ay ma ja ënä'ämën tëyajtënën mëti'ipë Moisés jyääyën, mëti'ipë mtuunpëajtën, jä'ä ëëtsëty tëëjës ntëkoytyë.

Jeremias 44:22

E yë Wintsën ka'ap t'ëkmëmëtaknë miitsëty ja m'ëxëëktu'un m'ëxëëk kajpxënëty mëti'ipë yë'ë wyiink'ijxypyën. Paatykyëjxm yë mnaax mkajpnëty tyam yajpaaty xit ko'ow ets ni pën jam kya'ëktsënaaynyë; tääts ijxpät të y'awinpity ko tëë yajpoky ets ko yë'ë je'eyë yajtsë'k yajja'awënë.

Jeremias 42:18

Ja Wintsën mëti'ipë maaytyääyëpën winë, mëti'ipë Israel ja'ay Tyios'ajtëpën, yë'ë ënaanp: Timjëtu'un ijxtëm ojts yë Jerusalén ja'ayëty xyajjoot'anpëktënës, timjëtu'un miitsëty xyajjoot'anpëka'antës ko mnëjkxtëty jap Egiptë. Ijxpäjtën nëjkx mwë'ëmtë ko ënäty të myajpoktë; atsë'ëk ajawë mjata'antë ets nijëna'a nëjkx mka'ëkwinpijnëtë ma ya'atë it naaxwiinyëtën.

Jeremias 29:22

E ko ënäty yë Judá ja'ayëty pën tpoktë mëti'ipë jam Babilonyë yajpatëpën tsumy matsy, jëtu'un nëjkx y'ëna'antë: Yë Wintsën mtëytyunëtëp ijxtëm tëytyuunyën yë Sedequías ets Ahab, mëti'ipë yë Babilonyë yajkutujkpë yajjëëntëtsën.

Isaías 43:28

ja mwintsëntëjk ëxëëk ojts jap y'ëtë'ëtstë maas yë ntsajptëjkën; paatyës ojts ntimmyajtstu'uty yë Israel kajpn, mëti'ipë yë Jacob kyajpn'ajtypyën ets myëtsip yajkutëkoyëtëty.

Josue 18:1

Ja Israel ja'ayëty jam ojts jya'ajtmujkta'atë Siló ets jam tkoja'antë ja Wintsën ja wyittëjk ma mëët ja näpyaatë y'ityën. Ja naaxwiinyëtë jampë yajpaatyën oy ënäty të tjajä'äpëjkta'atë,

Zacarías 5:3

Ënät xy'ënëmaayës: Yë'ë mäjtsk it miimp kuja'ay yë pojkën. Tu'kpa'a tnikäjpxy ko ka'ap jëtu'unyë nyinaxa'any nyëë pyoky mëti'ipë nëkoo je'eyë Tios tyukajpxpejtypyën ets tu'kpa'a tnikäjpxy ko yajtëytyuna'any mëti'ipë toonp mä'tspën.

Jeremias 29:18

Yë'ë mëët npajëtita'antës tsip, yuu xëëw ets pa'am ëyo'on. Ëjts nyajkutukäämpyës ets naax kajpn wiinkëtypë tsyë'ëkëtëty jyawëtëty ko ënäty t'ixtë ets ijxpät wyë'ëmtëty ma ja naax kajpnëtyën ko tëë yajpoktë ets wintsëtyu'un jëjptsëtyu'un të wyë'ëmtë, mëti'ipë nëjkx yë naax kajpn tsë'ëkëtën ets tmëkjawëtën ko ënäty tëë n'ëxwoptës ets të nwojpwa'kxtës.

Lamentaciones 2:15

Ko m'ixyë mëti'ipë jam najxtëpën tu'u'am je'eyë kyë'ë t'apo'kxmuktë ets mtukxi'ikyë; je'eyë kyëpajk tjëpiptë ets wyiin y'aaw tuntë ets y'ëna'antë, tää ënät, ixtë wi'ix yë Jerusalén kajpn jyätyën mëti'ipë ijty janty'oy näyajnajxëpën, mëti'ipë ijty ja'ay tyijtëpën y'oyëty tyujëty.

Lamentaciones 2:16

Aak mwiinktijënëp yë mëtsiptëjkëty. Je'eyë xyu'uxtë ets wyiin jyëjp tuntë ko m'ëtsu'uxyä'äxyë ets y'ëna'antë: Xit ko'ow të ntu'unëmë. Tyam jëtu'un të tpaaty ja xëëw po'o mëti'ipë ënäty yajjëjp'ijxpën; tyam ënät njanty y'ijxëmë.