Jeremias 23:6 - Biblia Mixe de Quetzaltepec

⁶ Ko ënäty yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Biblia Dc en Mixe de Quetzaltepec

⁶ Ko ënety yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Jeremias 23:6 ပူးပေါင်းရင်းမြစ်များ

1 Reyes 4:25

Mapaat ja Salomón jyuuky'äjtyën, yë Israel ja'ayëty ets Judá ja'ayëty jampë Dan yajpaatën ets tyimja'ty jam Beerseba aak jotkujk y'ijtë; nitu'ukjaty aak kyë'ëmtuunk tyuunk'ajtëp; nyiyu'ujëtëp ja higo kepy ets ja parrë.

Salmos 45:5

Mijts yajkutujkpë, aak mwinkoxtënaayëp yë ja'ay wiink kajpnëpë tsyoontën, yajxon yë mti'pxn jyëjpme'eyëty, ets ko mmëtsip pyäätyë timtukjë'p najxëp yë jyot wyinma'any.

Éxodo 9:26

Jap Egiptë mëj këjää yë ëyo'on y'ijty, e jam Gosen nitii jam kyatuun kyajajtë, nitu'uk yë tëtsn ojts jam kyaka'ay ma ënäty tsyëënëtën yë Israel ja'ayëty.

Isaías 2:4

Yë'ë nëjkx ja nëë poky tnipaye'ey maajaty ja naax kajpn yajpaatyën, yë'ë nëjkx tyaj'oyë ja jëën tsip ma ja naax kajpn tsyiptuntën. Ja tëypyujxn mëti'ipë tyuktsiptuuntëpën je'eyë nëjkx yajtukyu'uy, ja kyu'umënëty ujts nëjkx yajtuktsujkmuky; nimëti'ipë kajpn nëjkx ja myëku'uk tka'ëknipëtë'knë ka'ap nëjkx y'ëkkopkpëky'ajnë ja'ay tjatëty wi'ix tsyiptunëtyën.

Isaías 32:1

Ma y'ita'anyën ja mëtëypyë ja nänyipaye'eyën, tu'uk ja yajkutujkpë jam yajpaata'any mëti'ipë oy nipaye'eyaanpën ets aakjëtu'un ja ënä'ämpëtëjk y'ita'antë mëti'ipë jam tunantëpën.

Isaías 32:18

Jam nëjkx ja nnaax nkajpnës jyuuky'äty ma ja naax kajpnën akujkpë jotkujkpë, jam nëjkx jyuuky'äty oy tsuj ets katii kyajjotmaytyunëtëty ma jyëën tyëjkën,

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Isaías 33:5

Yë Wintsën myëët'ajtyp ja mëj'ajtën jä'ä ko jam tsajpkëjxm jyuuky'äty; yë'ë Sión kajpn të tyaj'utsy mëët ja mëtëypyë nipaye'eyën ets ja tëyajtën.

Isaías 35:9

Ka'ap jyam'ata'any yë kaa, nitii jëyujk jam kyayajpaata'any mëti'ipë kutsë'ëkën. Jam nyaxa'antë mëti'ipë ënäty ja ëwaatsë'ajtën të tpaatën.

Isaías 42:6

Ëjts, mëti'ipës Wintsën'ajtpën, tëë nmëkäjpxy ets të nmatsy mkë'ëkëjxy, ets mijts mwa'anëty yaj'ëwaatsëpëtsëëmpë. Ëjts mijts të nyajkojy, yë'ë ntsojkpyës ets mijts m'ijxpäjtën'atëty maas mëët ja nnaax nkajpn ja käjpxytyu'unën të ntunyën ets mtë'kxëty mjajëty.

Isaías 45:17

E ja Israel ja'ay Wintsën ojts yajtso'okëtë, yatsokëtë winë xëëw winë jëmëjt, ets yë'ëjëty ka'ap ojts nijëna'a tsëtyu'unmëët wyë'ëmtë ets nijëna'a o'ktëy kyajata'antë.

Isaías 54:17

Je'eyëp ko ka'ap ni pën myäyë tyajkojëty ja tujn pujxn mëti'ipë jeexyë mijts myaj'atëkooyëpën. Aak amonyë nëjkx ja'ay xyajwë'ëmta'ay mëti'ipë ënäty mni'ë'ënëyëpën. Nyajmëtäkpyës ja ja'ay mëti'ipës oy xymyëtuunpën. Jëtu'un ja Wintsën y'ënä'äny.

Isaías 7:14

Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kutujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Tios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Jeremias 29:11

Ëjts nija'ap wi'ixës nimay nitajën winë mëët miitsëty ets oy mjuuky'atëty ka'ap y'ëxëëkëty, jotkujk myajpaatëty. Ëjts Wintsën, ëjts ënaanp.

Jeremias 30:10

Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Jeremias 31:23

Yë Wintsën mëti'ipë maaytyääyëpën winë, yë Israel ja'ay yë Tyiosëty, yë'ë ënaanp: Ko ënäty nyajtëkajtsës yë Judá ja'ay yë jyuuky'ajtënëty ets ko ënäty jam jatëkok yajpaatë ma nyaax kyajpnëtyën, jëtu'un nëjkx y'ëna'antë: Yë Wintsën kyënu'kxëp ya'atë tun kopk wa'atspë ma jyää'atyën mëtëypyë nipaye'eyën.

Jeremias 32:37

Nyajtu'ukmukäämpyës yë jyä'äy mëti'ipë xii yaa muum yajpatëpën wiink naax wiink kajpn, maas nnajtswojpëtyën koos ojts ntukjoot'anpëktë ets jatëkok nyajwinpita'antës ma nyaax kyajpnëtyën ets jam jotkujk jyuuky'atëty.

Jeremias 33:15

Ko ënäty tpaaty ja xëëw po'o, ëjts nyajkutukäämpyës ets jam tu'uk ja'ay pyëtsëmëty ma David y'u'unk y'okën mëti'ipë nëjkx mëtëy winë tnipaye'eyën ets nëjkx oy winë tuny ma naax kajpnën.

Jeremias 33:16

Jä'ä xëëw ëwaatsëtuuy nëjkx Judá yajpaaty ets Jerusalén jotkujk nëjkx y'ity. Jëtu'un nëjkx tijtë: Yë Wintsën yë'ë xyajmëtakëm.

Ezequiel 21:27

Aak potsykyutuk nëjkx nyajwë'ëmta'ayës xii yaa. Je'eyëp ko ya'atë ëyo'on yë'ë nëjkx tyaj'ity yë mëti'ipë patëpën ets mëti'ipës të xykyexyën, yë'ë nëjkx tpaye'eytyä'äy winë mëtëy.

Ezequiel 28:26

Jam nëjkx jotkujk y'itë tsyëënëtë ets nëjkx tkojtë jyëën tyëjkëty; nëjkxëp jam tpëjkta'aktë kyam tyu'ujëty. Ja naax kajpn mëti'ipë ënäty ëxëëk të tunyën yë Israel kajpn nëjkxëpës ntukumëtoy. Jëtu'un nijawëtëty ko ëjts wintsën, mëti'ipë jam Israel Tios'ajtpën.

Ezequiel 38:14

E oy, ka'ap wyi'ixëty, mëmëtya'ak yë Gog ëjts nxëëwkyëjxmës ets xy'ënëëmëty: Jëtu'un yë Wintsën y'ënä'äny: Ko yë Israel kajpn ënäty jotkujk yajpaaty, ënät xynyitsoonëty.

Ezequiel 48:35

Ja kajpn ja nyapots na'ëwtity jä'ä y'ayeny'atëty tëtujk mil xajpk ets ja naax kajpn jä'ä txëëwajnëty: Yaa yë Wintsën yajpaaty.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Daniel 9:7

Mijts Wintsën, mwa'atsmës, e ëëtsëty jutië ja'ayëty wintsëtyu'un jëjptsëtyu'un ëëts näjyawëtë; mëti'ipë juuky'ajtëpën jam Jerusalén ets wiinktsowpë yë Israel ja'ayëty, wiinkonëtypë ets jëkämëtypë, mëti'ipë yajpatëpën wiink naax wiink kajpn ma ojts mijts xynyajtswopën.

Oseas 1:11

Ënät nëjkx tyu'ukmuktë yë Judá ja'ayëty ets Israel ja'ayëty, tu'uk nëjkx tpëjkta'aktë mëti'ipë tu'uwinwotëpën ets jam Jerusalén nyëjkxta'aja'antë. Ja Jezreel mëj'äämpy nëjkx y'awinpity.

Oseas 1:7

Yë'ë tëy yë Judá mpa'ëyowäämpyës yë'ë, ëjts Wintsën mëti'ipë Tyios'ajtëpën ëjts kë'ëm nyaj'ëwaatsëpëtsëmäämpyës. Je'eyëp ëjts ka'apës tsipkëjxm nyajtso'oka'antë, ka'apës nyajtuna'any yë ti'pxn, tëypyujxn, kwaay ets pujxnwintëkäämpë.

Oseas 2:18

Jä'ä xëëw nëjkx tu'uk yë käjpxytyu'unën ntunyës mëët yë aayjëyujk ujts jëyujkëty mëët ko yë Israel ntsoky njawës ets nëjkxëp mëët ntunyës käjpxytyu'unën yë joonëty ets tsa'anyëty; ntuktëjëtya'ajäämpyës yë ti'pxn, yë tëypyujxn ets ka'apës yë tsip n'ëkupëkanë, jëtu'unës yë nnaax nkajpn jotkujk yajpaatëty.

Abdías 1:17

E yë Sión kopk kënu'kxy y'ita'any ma ja'ay kyäktso'oka'antën. Ja Jacob ja y'u'unk y'ok nëjkxëp ja nyaax kyajpn jatëkok tpaatë,

Abdías 1:21

Ko ënäty të myëta'aktë tääts nëjkx jam pyätë ma Sión kopkën ets jam tni'ënä'ämëtëty mëti'ipë tsënaaytyëpën ma Esaú y'itjotmën, kopkjotypë ets Wintsën yë'ë nëjkx yajkutuky.

Sofonías 3:13

Ja Israel ja'ayëty mëti'ipë ënäty juuky të wyë'ëmtën ka'ap nëjkx ja tëyajtën t'ëkninajxnëtë, ka'ap nëjkx y'ëkwin'ë'ënëtë ets ka'ap nëjkx y'ëk'ëxëëk kajpxnëtë. Jotkujk kyäya'an y'uuka'antë ets pyo'kxa'an pyëka'antë, ka'ap nitii tsë'ëkëja'antë.

Zacarías 10:6

Jëtu'un yë Wintsën y'ënä'äny: Ëjts nmëjaaw mo'ojäämpy yë Judá ja'ayëty ets nyajtso'oka'antës yë José y'u'unk y'okëty. Nwoownëjkxäämpyës jatëkok ma nyaax kyajpnëtyën, jä'ä ko npa'ëyoowtëpës yë'ëjëty. Jëtu'unës jatëkok nyaj'ita'antë tä jeexyë ka'ap nijëna'a të ntukjoot'anpëktënës, jä'ä ko ëjts Wintsën mëti'ipë Tios'ajtpën, nmëtoow'ijtypyës wi'ixës pën xymyëkäjpxyën.

Zacarías 3:10

Ko ënäty jëtu'un ja xëëw po'o tukja'ty, jotkujk nëjkx mjuuky'atë nixim niyam, ka'ap tiitsip y'ita'any ets nëjkx xytyukxoonta'aktë ja mtsatymkyamëty ets m'higuerë kamëty. Ëjts Wintsën, mëti'ipë maaytyääyëpën winë, ëjts ënaanp.

Romanos 3:22

mëët ja mëpëjkën jam ma ja Jesukristë, Tios wa'ats tyajnaxy ni'ëmukë ja ja'ay mëti'ipë të myëpëktën. Ka'ap wyin'ixy wyinkexyëty;

1 Corintios 1:30

Tios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Tios mëët oy nwë'ëmëm, jëtu'unts ja Tios xyjyä'äy'ajtmëty ets najtspëkë n'ijtmëty.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Tios pyëjktakë ijxtëm jeexyë ja poky tmëët'atyën, jëtu'unts ja Tios xyaj'ëwaatsëpëtsë'emëty mëët ja Kristë.

Filipenses 3:9

ets nyajpaata'anyës jam ma yë'ëjën; ka'ap yë'ëkyëjxmëty koos të nyajpaye'ey mëët ja ënä'ämën kutujkën; yë'ëkyëjxm ko yajmëët'aty ja mëpëjkën ma ja Kristën, mëti'ipë ja Tios nyipaye'eyën'ajtypyën ko të yajmëpëky.