Jeremias 23:12 - Biblia Mixe de Quetzaltepec

¹² Paatykyëjxm yë nyë'ë tyu'ujëty ma ye'eytyën nyaxtën, jëtu'un y'ita'any tä jeexyë y'akootstuuyëtyën ets nyoktsëtyën. Ëjts nyajkutukäämpy ets yajnajtstijëtëty ets kyëtawtëty. Koos ënäty nyajtëwtë tii të tuntë, ëyo'on jotmayës nëjkx ntuk'ixtë. Ëjts Wintsën, ëjts ënaanp.

Biblia Dc en Mixe de Quetzaltepec

¹² Paatykyëjxm yë nyë'ë tyu'ujëty ma ye'eytyën nyaxtën, jëtu'un y'ita'any tä jeexyë y'akootstuuyëtyën ets nyoktsëtyën. Ëjts nyajkutukäämpy ets yajnajtstijëtëty ets kyëtawtëty. Koos ënety nyajtëwtë tii të tuntë, ëyo'on jotmayës nëjkx ntuk'ixtë. Ëjts Wintsën, ëjts ënaanp.

Jeremias 23:12 ပူးပေါင်းရင်းမြစ်များ

Jeremias 13:16

Yë'ë Wintsën mëjjaw kënu'kxyjyawë maanëm ka'ap tyajminyën ja kootsajtën ets ka'anëm mkunäpëtë akootstuuy jam kopkkëjxm; maanëm ka'ap kootspuknë tyaj'awinpityëm ets tu'ts kujenyën ja jajën të'kxën tyajjaty mëti'ipë miitsëty mjëjp'ijxtëpën.

Jeremias 11:23

Miitsëty Anatot ja'ayëty, nitu'uk nëjkx mkawë'ëmtë juuky, jä'ä ko pyätyp ja xëëw po'o maas npaye'eyä'änyën ja mtuuntëko'oy mkajpxtëko'oyënëty.

Proverbios 4:19

Yë ëxëëkja'aytyëjk yë nyë'ë tyu'ujëty api'its akoots yajpaaty. Ka'ap tnijawëtë maa të kyunäpëtë ko muum kyëtawtë.

Salmos 35:6

Wä'än yë nyë'ë tyu'u tkukootsë ets wä'än nokts twë'ëmy, yë Tios kyukäjpxy yë'ë ixjëtit pajëtitëtëp.

Juan 12:35

Ënät ja Jesús y'ënëmaayëtë: Jaakyajpaataanp jawäänë ja të'kxën jajën ma miitsëtyën. Naxtë tëkëtë jaaktäänëm ja të'kxën jajën xymyëët'atë ets këtiipë ajotkumonë mkukootsëtëty. Mëti'ipë tu'uye'epyën akootstum ka'ap nijawë maa nyijkx.

Isaías 8:22

Ko nëjkx jyanaxku'ixëtë, yi'iyë pyaatantëp ja monyëtukyë ets kupi'its kukoots wyë'ëma'antë.

Salmos 73:18

jam të xykyuwow të xykyuwitsë ma ëxëëk jyatëty kyëpätëtyën, ets jam ja ëyo'on tmënax tyajnaxtëty.

Éxodo 32:34

E paaty, nëjkx yë naax kajpn ënëëmë wä'än jam tnëjkxtë ma të ntuk'ëwaanën; yë nkutënääpyës yë'ë mijts mtu'uwinwowanëp. Ko ënäty të tpaaty ja xëëw jëmëjt jëna'a ntukumëtowa'antës ja pyokyëty, yë'ë kopkpëkyë ko nëjkx tjanty kyumëtowtë.

Judas 1:13

Jëtu'un ëxëëk y'ëtë'ëtstë y'ëna'antë ijxtëm yë mejyën, ijxtëm yë nëë o'pky pyëti'ikyën. Jëtu'un yë'ëjëty ijxtëm tu'uk yë matsa'a tsajpjotm tyu'utëkoyën, ets y'ita'any xëmëkyëjxm akootstuuy.

1 Juan 2:11

Pën ja myëku'uk y'ëxëëk'ijxyp, jam y'ity ets jyuuky'äty akootstum, ka'ap nijawë maa nyijkx, jä'ä ko ka'ap tii t'ixy akootstuuy.

Miqueas 7:4

Mëti'ipë oyjyä'äy yaj'ijxpën jëtu'un tä tu'uk yë äpnyën; mëti'ipë mëtëy tu'uye'epyën jëtu'un tä paxnteenyën. Je'eyëp ko miimp wiinkoonp ja xëëw po'o jëna'a ja nëë poky yajnipaye'eyëtyën, ja xëëw po'o mëti'ipë ojts tnikäjpxyën ja këwent'ajtpë.

Jeremias 50:27

Yaj'o'ktaayëtë yë tsyiptuunpëtëjkëty, jam käjxta'atë ma o'ktaknën. Janty mon janty tuk yë'ëjëty yajpaatë, tëë nyija'tëtë ja xëëw po'o ma yajtëytyuntëtyën.

Jeremias 48:44

Mëti'ipë ënäty kyukekpyën ja ja'aymyajtspë, jutjoty nëjkx kyuka'anaxy; e mëti'ipë ënäty jutjoty pëtsëëmpën, jam nëjkx nyaskääkë ma yajxokyën, jä'ä koos ënäty jëtu'un kë'ëm ntëytyuunpyës ja Moab. Ëjts Wintsën, ëjts ënaanp.

Job 18:18

Jam nëjkx yajjëpijpëtsëmy ma xyiiny'ätyën ets nëjkx yajkujëpipë akootstuuy; nëjkxëp yaj'ëxwojpnë naaxwiiny naaxkëjxy.

Deuteronomio 32:35

Jääjës yë ntuknipëjktaakë nyajpëtsëma'any, koos ënäty ntuunwinpity, mëët wi'ixës ja y'ëxëëkjot y'ëxëëk winma'any të xytyuk'ixtën, ets ko ënäty o'ktëy jyajnëtë kyëpäjnëtë. E timwinkoonp ma ënät kyutëkooytya'atëtyën, tyimpatyp ja xëëw po'o.

Salmos 82:5

E miitsëty ka'ap xynyijawëtë ets nän ka'ap mja'akyukëtë, akootstuuy mijts myajpaatë. Yu'kxtëp mëti'ipë pya'tënaaytyëpën ja naaxwiinyëtë.

Lamentaciones 2:20

Ëk'ix Wintsën, mëmay mëtaj ko mijts ka'ap ni pën jëtu'un xytyunyëm ëxëëk. ¿Mëpaat jëtäätën tu'uk u'unktaak tsu'utsëty yë kyë'ëm u'unkë? ¿Mëpaat jëtäätën y'ooktë tyëkoytyë yë teetytyëjkëty ets käjpxynyajxpëtëjkëty jap ma tsajptëjkënë?

Jeremias 8:12

Tsëtyuunëtëp jeexyë mëët ko je'eyë tuntë tkajpxtë ja mëti'ipës n'ëxëëk'ijxypyën. E ka'ap, ka'ap tsyëtyuntë, ka'ap t'ëknija'awënëtë tii ja'ay tyijp tsëtyu'un. Paatykyëjxm koos ënäty ntëytyuny nän jam nëjkx kya'atë ëxëëktum ma ja wiink ja'ayëtyën. Ëjts, Wintsën, ëjts ënaanp.