Jeremias 22:24 - Biblia Mixe de Quetzaltepec

²⁴ Jëtu'un ja Wintsën t'ënëmaay ja Jeconías, yë Joaquim yë myaank mëti'ipë jam Judá yajkutujkpën: Yë njuukyajtënës kë'ëm ntukajpxpejtyp etsës n'ëna'any: Oyxyëp jeexyë mijts jëtu'un mtimyajpatpë nkë'ëkëjxyës tä tu'uk kë'ëjiitsën mëti'ipë ja'ay tyuknokytsyääpyën, mijts je'eyëm njëpëka'any maajës yë nkë'ëjën

Biblia Dc en Mixe de Quetzaltepec

²⁴ Jëtu'un ja Wintsën t'ënëmaay ja Jeconías, yë Joaquim yë myaank mëti'ipë jam Judá yajkutujkpën: Yë njuukyajtënës kë'ëm ntukajpxpejtyp etsës n'ëna'any: Oyxyëp jeexyë mijts jëtu'un mtimyajpatpë nkë'ëkëjxyës tä tu'uk kë'ëjiitsën mëti'ipë ja'ay tyuknokytsyääpyën, mijts je'eyëm njëpëka'any maajës yë nkë'ëjën

Jeremias 22:24 ပူးပေါင်းရင်းမြစ်များ

Jeremias 37:1

Yë Nabucodonosor, mëti'ipë jam Babilonyë ënä'ämpën, yë'ë ojts jam Judá yë Sedequías tpëjktä'äky yajkutujkpë, yë Josías yë myaank, jëtu'un tä jeexyë yë'ë Jeconías yajkutukyën, yë Joaquim yë myaank.

Cantares 8:6

Xyaj'itëpës xëmë ma mjot mwinma'anyën, yaj'ijtkës xëmë ma mkë'ëpa'tkën. Jä'ä ko yë tsojkën ja'awën ka'ap jyëjpkëxy jyëjptuky; yë nätsyok näjyawë xëmë mëpaat juun nyäpyëjktä'äkyë. Yë tsojkën ja'awën Tios yë yäjkpy.

1 Crónicas 3:16

Joaquim, jä'ä y'u'unk y'ëna'k xyëëwajtë: Jeconías ets Sedequías.

Hageo 2:23

Jä'ä xëëw, mijts Zorobabel, mëti'ipës ntuunpë'ajtypyën nëjkx nkuwa'any ets jëtu'un nëjkx ntimy myëët'aty tääjës nmëët'atyën yë nkë'ëjiitsës mëti'ipës winë noky ntuktsääpyën, jä'ä koos mijts kë'ëm të nwin'ixy. Ëjts Wintsën, mëti'ipë maaytyääyëpën winë, ëjts ënaanp.

Jeremias 22:28

¿Wä'än yë Jeconías jyëtu'unëty tä tu'uk yë tu'tsën mëti'ipë pu'ujënë, ëkë tä tu'uk yë texyën ëkë a'ukën mëti'ipë ka'ap pën tsyokyënë? ¿Wi'ix jëtää ko jam të yajnajtswojpëtya'atë wiink naax wiink kajpn ma ka'ap pën t'ixy'ätyën?

Jeremias 22:6

Jä'ä ko yë Wintsën tëë tnikäjpxy wi'ix jyata'anyën yë Judá kyutujktakn: Jëtu'un mijts njawë tä yë Galaad kopkën, tä yë Líbano kupi'tykyën, e ëjts yajxonës nikäjpxy ko të'ëts'itjot nyaj'awinpita'anyës ets ni pën jam nëjkx kyatsëënë.

2 Reyes 24:12

Tä ja Joaquín, Judá yajkutujkpën mëët ja tyaak, ja tsyiptuunpëtëjk ets ja wyintsëntëjk y'ënantë ko ka'ap myëta'aka'antë; ojts yajtsuumnëtë ets ja yajkutujkpë Babilonyë yajkutujkpë myëtaknë. Ya'atë jëtu'unpë jää ojts tyunyë jyätyë ma ënäty tyuktujk jëmëjtpetyën ma ja Nabucodonosor yajkutukyën jam Babilonyë.

2 Reyes 24:15

Nabucodonosor ojts tsum tyajnëjkxy ja Joaquín, mëët ja y'u'unk y'ëna'k, y'u'unk tyo'oxytyëjk; ja tyaak ets ja tyuunpëtëjk mëët ja y'u'unk tyo'oxytyëjkëty, y'u'unk y'ëna'këty; wyintsëntëjkëty ets ja tsyiptuunpëtëjkëty ets ja ja'ayëty mëj'äämpyë jam të yajpaatën ma ja naax kajpnën. Tsumy nyëjkxtaaytyë jam Babilonyë, jam tsyo'ontë Jerusalén.

2 Crónicas 36:9

Tëkëëk ënäty yë jyëmëjt yë Joaquín ko tyëjkëy yajkutujkpë ets tëkëëk po'o ja majk xëëw ojts yajkutuky jam Jerusalén. Yë'ë ka'ap ojts oy winë tuny ma Wintsënën.

Isaías 49:16

Miitsëty, jëtu'un njawëtë tä jeexyë yap nkë'ë jootjotyës këxtsa'ay m'itën, ëjts njotjoty nwinma'anyjyotyës jëtu'un jap tyimtëëynyë yë mnaax mkajpnëty.

Jeremias 28:4

Näyjyëtu'un wyimpita'any jatëkok yë Jeconías, yë Joaquim yë myaank, mëti'ipë jam yajkutujkpën Judá ets nitëkokyë ja'ayëty mëti'ipë ojts jam Babilonyë yajmënëjkxtën tsumy matsy. Jëtu'un tääjës n'ëna'anyën, ëjts nyajmëpotëjäämpy yë Babilonyë yajkutujkpë. Ëjts Wintsën, ëjts ënaanp.

Jeremias 13:18

Jëtu'un xy'ënëëmëty yë yajkutujkpë ets yajkutujkpë taak: Jënaktë jam ma myajkutuktën, naaxkëjxy u'unyëtë, jä'ä ko tëë kyä'äy ja mkujän mëti'ipë myaj'oykyëxë'këtëpën.

Jeremias 24:1

Tëë ënäty yë Nabucodonosor yajkutujkpë jam Babilonyë tyajnëjkxy tsumy ja Jeconías, yë Joaquim yë myaank mëti'ipë jam Judá yajkutujkpën, mëët yë kopktëjkëty mëti'ipë jam Judá mëj'äämpy ijtëpën ets ja'ayëty mëti'ipë kojtëpën taktëpën ets mëti'ipë pujxn atsaaymyujktëpën, ko ojts yë Wintsën xytyuk'ixyës mäjtsk yë katsy ujtsëty mëët yë higo tëëm, jam kyiiynyë tsajptëjk'ëkë'ëm.