Jeremias 22:23 - Biblia Mixe de Quetzaltepec

²³ Jotkujk tyam myajpaaty, jëtu'un tä joon jëyujkën pyä'änjoty y'ityën, ajë kepy itkujky mtsëënë mëti'ipë ja'ay yajtso'ontëpën jam Líbano, je'eyëp ko pyätyp ja xëëw po'o jëna'a mijts ja pëjkën ijxën xyajnaxa'anyën mëti'ipë jëtu'un pëjkp atoonpën tä to'oxytyëjk u'unk maay tyajja'ta'anyën naaxwiiny.

Biblia Dc en Mixe de Quetzaltepec

²³ Jotkujk tyam myajpaaty, jëtu'un tä joon jëyujkën pyä'änjoty y'ityën, ajë kepy itkujky mtsëënë mëti'ipë ja'ay yajtso'ontëpën jam Líbano, je'eyëp ko pyätyp ja xëëw po'o jëna'a mijts ja pëjkën ijxën xyajnaxa'anyën mëti'ipë jëtu'un pëjkp atoonpën tä to'oxytyëjk u'unk maay tyajja'ta'anyën naaxwiiny.

Jeremias 22:23 ပူးပေါင်းရင်းမြစ်များ

Jeremias 6:24

Jam Jerusalén jëtu'un ja'ay y'ëna'antë: Tëës xypyaatë ja ayuk ets të ntsë'ëkëtëkëtës, tëëjës ntimjyawëtë nmëjaawkëxtë; je'eyë ëëts nmoonëtë ntujknëtë, jëtu'unës näjyawëtë mpëkëtë tä tu'uk to'oxytyëjkën mëti'ipë u'unk maay yajminäämpyën naaxwiinyëtë.

Jeremias 22:6

Jä'ä ko yë Wintsën tëë tnikäjpxy wi'ix jyata'anyën yë Judá kyutujktakn: Jëtu'un mijts njawë tä yë Galaad kopkën, tä yë Líbano kupi'tykyën, e ëjts yajxonës nikäjpxy ko të'ëts'itjot nyaj'awinpita'anyës ets ni pën jam nëjkx kyatsëënë.

Habacuc 2:9

Janty mon janty tuk mijts myajpaaty, ko ja mjëën mtëjk të xyaj'uty mëët yë mëti'ipë të xymyeetsyën ets mjanäyajtso'oka'anyë ma atsë'ëkëtuuy m'ityën.

Abdías 1:4

E oy jënu'un mjatsajpätëty tä witsnën ets oy jeexyë mpä'än xyjyapëjktakpë ma mëtsa'ajën, nëjkxëp jam nyajkënaxy.

Amós 9:2

oy jap muum naaxpa'tkë'p jyanäyu'utsëtëty, nëjkxëpës jap njuutë, oy pën jyatsajppätëty nëjkxëpës jam nyajjënäky.

Oseas 7:14

Oy janty mëk jyayajmëtoy xymyëkajpxtës ko jam yajpaatë wyiity myaapäjnkëjxm, yë'ëjëty ka'ap winë aaw winëjot xymyëkajpxtës. Ko t'amëtowa'antë yë tsajpmok ets tsatym nyëë tëëpë nyimaanaxyën, yajtsëtyujtëp yë nyini'kxëty ma wiink tiosën; tääts xykyäjpxy kumëtoownaxtës.

Oseas 5:15

Etsës jatëkok nwinpita'any maas n'ityën, koonëm yë pyoky kë'ëm tja'awëy'itëty ets xy'ixta'atëtyës. Jam ma ënäty jë'ë ya'ax yajpaatën, jamës nëjkx xy'ixta'atë.

Jeremias 49:16

Tëë mnätyukwin'ëënyë ko mnämyëjjaw të mnäjyääntyjyawëty, je'eyë ijty m'ëtsë'ëk m'ajawë. Tyam jam muum mtsëënë tsaa yuukjoty tsaakäätsjoty. Jam muum m'ity tunkëjxm kopkëjxm. Oy jënu'un m'ijtakn mtsënaaytyakn këjxm xynyipëjktaakëty jëtu'un tä witsn pyä'än muum t'oytyunyën këjxm ma ka'ap npatmëtyën, nëjkxëp jam nyajjënäky. Ëjts Wintsën, ëjts ënaanp.

Jeremias 48:28

Moab ja'ayëty tim pëtsëëmta'atë jap kajpnjoty; nëjkx jam mtsëënëtë tsaakopkëjxm ets jëtu'un jam muum mnäkyukonëtëty tä joon jëyujk pyä'än t'oytyunyën tsaakäätswiiny.

Jeremias 21:13

Mijts kajpn mëti'ipë yajpatpën joyjoty mëti'ipë jam ënä'ämp yajkutujkpën, mëti'ipë yajpatpën jëtu'un tä jeexyë tsaatunkëjxy y'ityën jam joyjyotm, ëjts mëti'ipë Wintsën'ajtpën, mëtsipës të nnänyikäjpxyë ma mijtsën. Miitsëty jä'ä m'ëna'antë: ¿Pën jëtää xy'ëkmä'ämyëp, pën jëtää xy'ëknipëtë'kmëp ets xy'ëknitëjkëmëty yaa ma yu'utsy kë'ëy ets këwent'aty nyajpatëmën?

Jeremias 3:21

Jam të'ëts'itjotm, jam tunkëjxm yajmëtoy ja aaw yo'kn: Israel ja'ay yë'ëjëty mëti'ipë jëëytyëp yaxtëpën, mëti'ipë y'amëtoowtëpën ets yajpa'ëyowtëty. Tëë tyu'utëkoytyë ma ja në'ë tu'ujën oypyë ets të xyjyä'äytyëkooynyëtës, ëjts Wintsën, mëti'ipë Tyios'ajtpën.

Números 24:21

Ënät näjyëtu'un tninajts'ijxëy yë quenitëja'ayëty ets tkajpxpëtsëmy ya'atë aaw ayuk: Miitsëty Caín yë y'u'unk y'ok. Oy yë mnaax mkajpnëty ta'tspëky xyjyayaj'itë ets jëtu'un jap mjayajpaatë tä yë joon yë pyä'än tpëjktä'äkyën tsaa'akujky. Tääpë mjëën mtëjkëty nëjkxëp yajnino'kta'ay ko ënäty yë Asiria ja'ay mtukja'tëtë ets tsumy xotsy mënëjkxëtëty.

Ezequiel 17:3

Jëtu'un xy'ënëëmëty: Jëtu'un yë Wintsën y'ënä'äny: Tëë tu'uk yë witsn jyä'ty jam Líbano; janty mëj kyäkn ets nëkooyë muum jya'ajnë, kanaak ujkën yë jyëmk. Jam të wya'ak'oyë ma tu'uk yë ajë kepykyopkën,