Jeremias 22:17 - Biblia Mixe de Quetzaltepec

¹⁷ Mijts yi'iyë mmëmääpy mmëtäjpy wi'ix ja wit meeny xypyaatëty mëët ja antakën; myaj'o'k ja ka'apë tii poky tunyën ets o'ktëy xytyuny xy'ënëëmë ja mnaax mkajpn.

Biblia Dc en Mixe de Quetzaltepec

¹⁷ Mijts yi'iyë mmëmääpy mmëtäjpy wi'ix ja wit meeny xypyaatëty mëët ja antakën; myaj'o'k ja ka'apë tii poky tunyën ets o'ktëy xytyuny xy'ënëëmë ja mnaax mkajpn.

Jeremias 22:17 ပူးပေါင်းရင်းမြစ်များ

2 Pedro 2:14

Yi'iyë y'ijxtëp tyuuntëp wi'ix ja to'oxytyëjk t'ëkmëpokytyuntën, ka'ap ja pokytyu'unën tsyipëtë. Jëtu'un twin'ëën twinxajtë mëti'ipë ka'anëm ja myëpëjkën oy tmëët'atynyëm; je'eyë tii tjanty atsoktë; ëxëëk ja'ay yë'ëjëty.

Ezequiel 19:6

Ko y'apejty, kaa itkujky ja nyäxy tyëkë. Ojts tjaty wi'ix jyëyujk matsëtyën ets yë'ëpaat tjajty wi'ix jyä'äy myatsëtyën ets jyä'äytsyu'utsëtyën.

Jeremias 22:3

Tuntë ja tëyajtën ets ja nipaye'eyën tëypyë jaantypë ma ya'atë it naaxwiinyëtën, yaj'ëwaatsëpëtsëmtë ja'ay ma wyintsënën mëti'ipë je'eyë mëk mëtuunpën ets ka'ap tsow yajmëjuy, këtii xytyiytyuntëty yë jaaypyaat jaaypyo'kxy ets ku'ooky u'unk, ku'ookytyo'oxy. Këtii xyaj'ooktëty ma ya'atë it naaxwiinyëtën yë ja'ay mëti'ipë ka'ap tii poky tmëëtëtyën.

2 Reyes 24:4

ets ko ja ne'pny ënäty nëkoo të tam të tjä'ätstë jam Jerusalén. Paatykyëjxm ja Wintsën ka'ap ojts y'ëkpokymyä'kxënëtë.

Ezequiel 33:31

Ets jëtu'un ja nnaax nkajpnës mniminyë ets nyaaxwäätstë mijts mwintuuy, jëtu'un tä xëmë tuunk'atën ets tmëtoow'ita'antë ja n'aaw n'ayukës. Je'eyëp ko ka'ap tpatuntë. Jëtu'un t'akajpxëtë janaam jatsojk tä ja'ay tkuuy'iyën yë nätsyok näjyawë, e ma jyot wyinma'anyëtyën, yi'iyë myëmaay myëtajtëp wi'ix wit meeny tpaatëty t'ixtëty.

Salmos 10:3

Yë ëxëëk ja'ay oy tnimëtyä'äky kë'ëm mëti'ipë tsyojkpyën; ja'ay mëti'ipë atsojkpën pyojkpy ets y'ixtijpy yë Tios.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënäty mtukmëmëtya'akëtë ja kyë'ëm ayuk kyë'ëm winma'any. E tëë ja Tios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Tios tyuknipëjktaakëtë ets ja mëj ëyo'on tpaatëty.

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

1 Corintios 6:10

Këtii myajwin'ëëntëty, jä'ä ko jam ma ja Tios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

Romanos 1:29

Ujts ja jyot wyinma'anyëty mëët ja ëxëëkpë, ijxtëm ja ëxëëk'ijxën, atsojkën, mëtsip'ajtën, tuku''oy'ijxën, yaja'ay'o'ktëp, tsiptuuntëp, win'ë'ëntëp, aak jëëmpit tii t'ixtë ets pi'tskajpxtëp.

Sofonías 3:3

Jëtu'un yë kopktëjkëty ya'axtë jyoktë kaajën ets nyipaye'epyëtëjkëty myu'utë nyiitstë waxën mëti'ipë të'ëts'itjotm yajpatpën, mëti'ipë ka'ap tyajwë'ëmyën yë waay pajk komjëpom.

Job 31:7

Pën tëëjës njëjpye'eytyu'uty ja tëytyu'u, pën tëëjës winë n'atsoky, pën tëë yajpaaty winë maas ntëjkën mëti'ipës ka'ap njä'äjëtyën,

2 Crónicas 36:8

Ja Joaquim ja nyimëtyä'äky ets mëti'ipëjaty winë ëxëëk tyuunën jap myiinta'ay kuja'ay ma nyokyëtyën ja yajkutujkpëtëjk mëti'ipë jam ënä'ämtën Jerusalén ets Judá. Tääts kyutëjkëyë yë myaank Joaquim ma ja kutujktaknën.

1 Reyes 21:19

Ets xy'ënëëmëty: Jëtu'un yë Wintsën y'ënä'äny: Mijts mëët ko ja Nabot të xyaj'ooky ets të xypyëjkë mëti'ipë jyä'ä'ajtypyën, jam ma yë'ë ja nye'pny të tyemy të jye'etsyën ets ja uk jam të jyë'kxmujkxëty, nän jam ja mjot mne'pny tyäma'any jyä'ätsa'any ets ja uk tjë'kxmukëty.

Josue 7:21

Mëti'ipë jam winë të yajpaatyën ma Jericó kajpnën, tu'ukës yë mëjwit të n'ixy janty'oy mëti'ipë kojpën Babilonyë, mäjtsk tsim naxy ja poop pujxn meeny, tu'kkäpy yë pu'ts pujxn, jä'ä jye'emtyëty naxy kujkmtsim. E ëjts janty këjääjës të n'ixy, paatyës të ntony, jamës të nmënëjkxy maas yë ntëjkën etsës të nitajy ntëjk'itkujkyës. Ja poop pujxn pa'tkë'pës të npëjktä'äky.

Éxodo 18:21

Mëti'ipë tëy mijts mtunëp, win'ix kanaak yë ja'ay mëti'ipë m'a'ijxëpën oy winë tuntë ets tsyë'këtyëp yë Tios ets mëtëy winë tkajpxtë tmëtya'aktë, ijxtëm yë ja'ayëtyën mëti'ipë ka'ap tii yë myëku'uk awin'ëënë tpëjkën ets jëtu'un xytyuknipëkëty ya'atë tuunk, mëti'ipë wyintänëtëpën ja ja'ayëty nitu'kmiljaty, nitu'kmëko'pxjaty, niwëxtyikxymyajkjaty ets nimajkjaty.

Proverbios 24:2

Jä'ä ko yë'ëjëty yi'iyë myëmaay myëtajtëp wi'ix ëxëëk y'ëtë'ëts y'ëna'antëtyën, ets yi'iyë xëmë kyajpxtëp myëtyaktëp wi'ix winë tëkatsy tuntëtyën.

Isaías 56:11

Jëtu'un y'ëtëtsnëtë ukën ka'apë kyu'uxyën, ja këwent'ajtëp ja'ijtyëty je'eyëp ko ka'ap nijënu'un jyä'äkyukëtë; këëk tu'u tjantyye'eytyë, aakyë'ë pyajëtijtëp wi'ix myeenypyaatëtyën,

Jeremias 6:6

Yë Wintsën mëti'ipë maaytyääyëpën winë, jëtu'un yë ënä'ämën të tyäky: Puxtë kepy ets xywyinwëëtëtëty tääpë mëjpotsy mëti'ipë Jerusalén kajpn nyapots'ajtypyën ets xynyitëkëtëty.

Jeremias 6:13

Wä'än tmëj tmutskëty yi'iyë myëmaay myëtajtëp wi'ix wit meeny tpaatëtyën mëët ja ëxëëkpë ja tu'unën kajpxën; yë käjpxynyajxpë ets teetytyëjkëty aakyë'ë yajtukwin'ë'ëntëp wit meeny.

Jeremias 8:10

Paatykyëjxm wiink ye'etyëjkës nmo'ojäämpy ja tyo'oxytyëjkëty ets nyaax kyamëty wiink ja'ayës ntukë'ëtëjkëjäämpy. Jä'ä ko wä'än tmëjëty tmutskëty, aak yi'iyë myëmaay myëtajtëp wi'ix wyitpaat myeenypyaatëty mëët ja ëxëëktu'un ëxëëk kajpxën; wä'än yë'ë'atë käjpxynyajxpëtëjkëty ets teetytyëjkëty, ka'ap tii oy tpaatë.

Jeremias 17:11

Mëti'ipë ja'ay nätyukyajkumeentyakëpën ja wit meeny ka'apë të tnituntën, jëtu'un yë nyäxy tä tu'uk yë pakëtseyën mëti'ipë wiink jëyujk yë tyaa nyimaajëpën. Ma ënäty yajxon të myëjaawtëkën, jää nëjkx tyëkooytyä'äy ja kyumeenyajtën, tääts nëjkx je'eyë jyaak jëtity ja'akyupojën.

Ezequiel 18:12

yaj'ëyoopy ja ëyoopëja'ay ets mëti'ipë yajmëyäjtypyën winë ni'ikyë tmeetsy, ka'ap tmooywinpity mëti'ipë të tpëjkën; tyuk'ijxpejtyp wiink tios ets yë'ë tyuunpy ëxëëkpës n'ixyën,

Miqueas 2:2

Y'atsojktëp yë naax kam ets jyä'äpëjktëp; y'atsojktëp ets mya'tstëp yë jëën tëjk. O'ktëy tuntë yë jyiiky myëku'uk mëët yë y'u'unk y'ëna'k, mëti'ipë ja naax kam jyä'ä'ajtypyën ets mëti'ipë të yajtukumayën.

Miqueas 3:10

mëti'ipë ja Israel kajpn kyojtëpën, mëti'ipë näjyëtu'un yajtijpën Sión kopk ma ja yajja'ay'o'kpë tsyëënëtën.

1 Samuel 8:3

E tääpë ëna'këty ka'ap ojts oy winë tuntë tä ja tyeetyën, je'eyë ijty tsoktë ja wit meeny, ko pën tii tuuntëkoy ja meeny y'ëxajëkyojtëp tääts ka'ap tii winë oy tnipaye'eytyë.

2 Reyes 23:37

Je'eyëp ko ja tyu'unën kyajpxën ka'ap ja Wintsën ojts oy t'ixy, nän timjëtu'un winë ëxëëkjaty tuuny tä ja y'aptëjkën.

Jeremias 7:6

ets ka'ap xyaj'ëyowtë mëët yë tuunk yë jëpyokxy jyä'äy, yë ku'ooky u'unk, ku'ookytyo'oxy ets ka'ap xyaj'ooktë ja'ay ka'apë tii poky tunyën ma ya'atë it naaxwiinyëtën ets ka'ap xy'ëwtatë wiink tios mëti'ipë nëjkx ok ëxëëk xykyujatëtën,

Jeremias 19:4

jä'ä ko yë Israel ja'ayëty ojts xy'ëxmatstës ets ojts ya'atë it naaxwiinyëtë tyaj'awinpitë wiink naax wiink kajpn, wiink tios ojts tukwintsë'ëkëtë ja poom jok, ja tios mëti'ipë ënäty ka'ap t'ixy'atën ets ja y'ap y'okëty ets Judá yajkutujkpë nän ka'ap ënäty të t'ixy'atë; ojts jam tämtë tjä'ätsë ja wa'ats ja'aytyëjk ja jyot nye'pnyëty.

Ezequiel 19:7

Yajxon ijty yaja'ay ooky ma këmoontëjkën ets may ja ja'ay tyaj'ooky naaxjoty kajpnjoty; ko nyiitsy aak tsë'këyëp ja ja'ay oymyaajëty.

Ezequiel 19:9

Pujxnjo'kn ojts mëët tmatstë ets tyajku'ëtujktë ma pujxntëjkën ets ojts tmënëjkxtë ma ja Babilonyë yajkutujkpën; jam tsuumtë, këtiipë pën t'ëk mëtoownëty ko nyiitsëty jam kopkjotm ma Israel ja'ay tnitänëtën.

Ezequiel 22:6

Yë'ëjës n'antijpy yë Israel yajkutujkpëtëjk, mëti'ipë juuky'ajtëpën ma mijtsën ets yaja'ay ooktë ijxtëm tyimjot tyimwinma'anyëtyën.