Jeremias 21:2 - Biblia Mixe de Quetzaltepec

² Tun yë mëyajtën, yajtëw wäänë yë Wintsën mëët ëëtsëty, yë Nabucodonosor mëti'ipë jam Babilonyë yajkutujkpën, yë'ëjës ëxëëk xytyuuntëp ets tëëjës yë nnaax nkajpn tyajnatuky. Wä'änxyëp yë Wintsën yë myëj'ajtën tyaj'ixëtëty ets jeexyë yë Nabucodonosor tyajwinpity ets jatëkok tnajtskäxëty ma nyaax kyajpnën. Ënät ja Wintsën ojts tmëkäjpxy yë Jeremías,

Biblia Dc en Mixe de Quetzaltepec

² Tun yë mëyajtën, yajtëw wäänë yë Wintsën mëët ëëtsëty, yë Nabucodonosor mëti'ipë jam Babilonyë yajkutujkpën, yë'ëjës ëxëëk xytyuuntëp ets tëëjës yë nnaax nkajpn tyajnatuky. Wä'änxyëp yë Wintsën yë myëj'ajtën tyaj'ixëtëty ets jeexyë yë Nabucodonosor tyajwinpity ets jatëkok tnajtskäxëty ma nyaax kyajpnën. Ënet ja Wintsën ojts tmëkäjpxy yë Jeremías,

Jeremias 21:2 ပူးပေါင်းရင်းမြစ်များ

Jeremias 37:3

Ojts yë Sedequías tkexy yë Jucal, yë Selemías yë myaank ets ja teety Sofonías, yë Maaseías yë myaank ets nëjkx t'ixtë ja Jeremías ets t'ënëëmëtëty: Kukajpxtaktëkës ma Wintsënën mëti'ipës nTios'ajtëpën.

Jeremias 37:7

ja ja'ayëty mëti'ipë të nyiminyëtën: Ënëëmëtë yë Judá yajkutujkpë mëti'ipë të mkäxëtën etsës winë xyajtëwtëty, ko ja yajkutujkpë mëti'ipë jap Egiptë ënä'ämpën tëë ja tsyiptuunpëtëjk wyimpijta'atë mëti'ipë të y'ëna'antën ko mputëkëja'anyë.

1 Samuel 28:15

Tä ja Saúl y'ënëmaayë: ¿Tiijës ko nëkoo xy'atsip etsës yaa xyajminy? Tä ja Saúl y'ëtsooy: Jä'ä ko janty moonp janty tujkpës ëjts nyajpaaty, yë filistejë ja'ayëty yë'ëjës nëkoo xymyëma'ayëtëp e yë Wintsën tëëjës xy'ëxmajtsnë. Koos njamëkäjpxy, ka'apës xy'ëk'ëtsoownë, ni kuma'ayjoty ets ni yë'ë mëët yë tyuunpëtëjk. Paatykyëjxm mijts të nyajmëkäjpxyë etsës xytyuk'ëwaanëty tiijës mëpaat ntuny.

1 Samuel 28:6

Paaty tyajtëëy ja Wintsën tii tyunëpën, e yë'ë ka'ap ja ojts y'ëtsoowinpityë. Ka'ap y'ëtsoowinpijtë kuma'ayjoty, ka'ap y'ëtsoowinpijtë mëët ja Urim ets nän ka'ap mëët ja Wintsën ja kyäjpxynyajxpë.

Jeremias 32:24

E yë Caldeo ja'ayëty tëë twinwë'tëtya'atë ja kajpnpa'a ets tnitëkëja'antë, yë tsip, yuu xëëw ets pa'am ëyo'on, yë'ë ënät mëk tëytyunëp ets mëtsip myëta'aktëty. Wintsën, tää xy'ixy ko jëtu'un tyunyë jyätyë tä të m'ënanyën.

Jeremias 32:17

Mijts Wintsën, mëët ja mëk'ajtën ets ja kutujkën të xyajkojy ja tsajp ets naaxwiinyëtë, ka'ap nitii tsip xyjyawë.

2 Crónicas 32:21

Ënät ja Wintsën tkexy ja kyukäjpxy ets tyaj'o'ktaay ja Asiria ja'ayëty ja wyintsëntëjkëty ets ja ja'ayëty mëti'ipë ënäty tsip'ixyëtyën ets ja kopktëjkëty mëti'ipë ja myëku'ukëty tyu'uwinye'eytyëpën. Tä ja Senaquerib ojts wyimpijnë wintsëtyu'un jëjptsëtyu'un ma kyajpnën, jam jyäjty ma ja tsajptëjkën ma jap tmëët'atyën ja tyios, ka'apë Tiosëtyën, e wäänë y'ijty tä jäpyë kyë'ëm u'unk yaj'o'kë.

2 Reyes 1:3

je'eyëp ko ja Wintsën ënätyë ojts tkexy ja kyukäjpxy jam ma ja Elías yajpaatyën, jampë kyukajpnëtyën Tisbé: Nëjkx paat yë yajkutujkpë tyuunpë mëti'ipë jam të tsyoontën Samaria ets xyajtëwëty, ¿tii ka'apëtën jam yë Wintsënë ma Israel kajpnënë, tii ko yë'ë xynyinëjkxtë yë Baal-zebu, jampë yajpaatyën Ecrón ets yë'ë winë xyajtëwa'antë?

1 Samuel 10:22

Tä ojts ja Wintsën tmëkajpxtë ets tnijawëja'antë pën ja Saúl jam yajpaaty. Ënät Ja Wintsën y'ëtsoowinpijty ko ja Saúl tam ja ënäty yajpaaty je'eyëp ko tëë ënäty nyäyu'utsyë ma ja xyuumy tyaj'itën ja mayjyä'äyëty.

Jueces 20:27

Jä'ä xëëw jä'ä jëmëjt ja Tios ja kyaaxë, mëti'ipë yë käjpxytyu'unën myëët'ajtypyën jam ënäty yajpaaty Betel, ets Finees yë'ë ënäty teety'ajtp, yë'ë myaank yë Eleazar, y'ok'u'unk yë Aarón ets ja Israel ja'ayëty tyajtëëwtë ja Wintsën: ¿M'ëwatsyp jatëkok etsës ntsiptuntëty mëët nmëku'ukëtyës, yë Benjamín ja'ayëty, ëkë yë'ë oy koos ntimy'ëxmatstëtyë? Tä ja Wintsën y'ëtsoowëtë: Nëjkx mëët mtsiptuntë, jä'ä ko jëpom miits nyajmëta'akantëp.

Génesis 10:10

Ya'atë kyajpn'ajt yë Nimrod ma ojts y'ëne'emyën: Babel, Erec, Acad ets Calné, mëti'ipë jam yajpatpën Sinar nyaaxjoty.

Éxodo 9:28

Mëk ëëts yë ënääw wëtsuk ets tëtsn tuu të nyajnaxtë, paaty tyam ka'ap yam miits n'ëk'ëtukanëtë. Mëpëjktsowtë yë Tios mëët ëëtsëty ets jëtu'un yam n'ëxmatstëty.

2 Reyes 17:24

Ja yajkutujkpë jampë y'ëne'emyën Asiria, ojts tyajnëjkxy yë ja'ay mëti'ipë kukajpnajtëpën Babilonyë, Cuta, Avá, Hamat ets Sefarvaim, yë'ë jam kyukäjxëy ma ja Samaria kajpnën, ijxtëm jeexyë jam yë Israel ja'ayëty y'itën ets jam tsyënaaytyaknpëjktë.

Isaías 48:2

Mëti'ipë nätyijëtëpën kënu'kxykyajpn, ets jam nyäkyuwanëtë ma Tiosën, mëti'ipë Israel ja'ay Tyios'ajtëpën, ja Wintsën mëti'ipë maaytyääyëpën winë.

Jeremias 15:11

Atëwaanp maas të xypyoktën, pën ka'ap oy të nmëtuny ets pën ka'apës të nijëëytyä'äky të ninu'kxtä'äky yë nmëtsipës ma ënäty ëxëëk jyatën kyëpätën.

Jeremias 21:3

ets Jeremías t'ëtsooy ja Sedequías ja jyä'äy mëti'ipë ënäty të tkexyën: Ënëëmëtë yë Sedequías

Jeremias 37:17

Yë Sedequías yajkutujkpë ojts tni'ënä'ämë ets Jeremías yajmënëjkxëty jam ma kutujkëntëjkën. Ko jam jyä'äjty ma ja yajkutujkpën, ënät ame'tsyë yajtëëwë: ¿Jam tii ayuk xymyëëtëtyë mëti'ipë Wintsën të mmo'oyënë? Ets ja Jeremías y'ëtsooy: Tyapës ayuk nmëëtëty ets jëtu'unës yë Wintsën të xy'ënëëmë: Mijts jam myajkë'ëyaka'any ma Babilonyë yajkutujkpën.

Ezequiel 7:26

Kanaakjëjp yë ëyo'on myina'any; aak oyo'on aak jotmay yajnikajpxaanp oymyaajëty. Nëkoopë nëjkx t'ixta'atë yë käjpxynyajxpë mëti'ipë nyimëtya'akëpën ja Tios ja y'aaw y'ayuk; ka'ap jyää'ata'any yë teety ets mëjja'aytyëjk mëti'ipë kajpx wijëpën.

Jeremias 34:1

Ko ojts yë Jerusalén kajpn ets kajpn mëti'ipë mëët nyätyu'kmëtsëpa'an'atyën nyitëkëty yë Nabucodonosor jampë Babilonyë yajkutukyën, mëët tu'kë'ëyë yë tsyiptuunpëtëjk mëti'ipë wiink naax wiink kajpn tso'ontëpën mëti'ipë yë Nabucodonosor nyitënääpyën, jää ojts yë Wintsën tmëkäjpxy yë Jeremías ets t'ënëmaay: