Jeremias 21:14 - Biblia Mixe de Quetzaltepec

¹⁴ Ëjts miits ntëytyunantëp ijxtëm mpaatëtën mëët mëti'ipë të xytyuntën; nyajtooypyëkäämpyës yë yukjot ets jampaat yë jëën y'ëwtita'any ma pya'a nyuxën. Ëjts Wintsën, ëjts ënaanp.

Biblia Dc en Mixe de Quetzaltepec

¹⁴ Ëjts miits ntëytyunantëp ijxtëm mpaatëtën mëët mëti'ipë të xytyuntën; nyajtooypyëkäämpyës yë yukjot ets jampaat yë jëën y'ëwtita'any ma pya'a nyuxën. Ëjts Wintsën, ëjts ënaanp.

Jeremias 21:14 ပူးပေါင်းရင်းမြစ်များ

Jeremias 32:19

Mëj këjää winë xynyimay xynyitajë ets ko tii xytyuny mëët yë mëk'ajtën ets kutujkën. Mijts wa'ats xynyija'awëtyä'äy tiijaty yë ja'ay tyuuntëp ets jënu'un winë xymyo'oy xykyexyën.

Proverbios 1:31

Kë'ëm nëjkx jëna'a mnätyuktëytyunëtë ko winë ëxëëk xytyuntë xykyajpxtë. Nëjkxëp xyjyamëtsijpënëtë ja m'ëxëëkjot m'ëxëëk winma'any.

Jeremias 52:13

ets tno'ktëkooy ja tsajptëjk ets ja kutujkëntëjk ets ja jëën tëjk jampë kajpnjotm yajpaatyën, yë'ë ni'ik ja wintsëntëjkëty ja jyëën tyëjkëty mëti'ipë ënäty mëj'äämpy të y'itën;

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

2 Crónicas 36:19

Ojts tno'oktë ja tsajptëjk, nyajijtutaaytyë ja Jerusalén kajpn ets tjëën ixkä'tsëtyë ja akujktëjk.

Jeremias 9:25

Jëtu'un yë Wintsën y'ënä'äny: Pyätyp ja xëëw jëmëjt maas ja naax kajpn ntëytyuna'anyën mëti'ipë ja ye'etyëjkajtën të tnatsujk'ëwtitën ets ja nyi'ak të tyajjënaktë,

Zacarías 11:1

Yaj'ëwa'ats yë mtëjk'aaw mijts Líbano ets jëën tyajtooytya'ajëty yë m'ajë kepy.

Jeremias 22:7

Ntuknikäxäämpy yë ja'ay mëti'ipë mniminëtëpën mëët ja tyiypyujxn ets mëët ja kyu'umën ets myaj'atëkoyëtëty. Nëjkxëp tjijtë'kta'atë ja mtëjkxeny mëti'ipë ajë kepyën ets tnino'kta'aja'antë.

Jeremias 11:22

jëtu'un y'ënë'ëmxëtë ja Wintsën mëti'ipë maaytyääyëpën winë: Mëk'äämpyës ja nëë poky npaye'eyä'äny mëti'ipë miitsëty të xytyuuntëkoytyën: yë ëna'ktëjkëty mëti'ipë yajpatëpën ma miitsëtyën, tsipjotm y'o'kta'aja'antë, e yë y'u'unk y'ëna'këty ye'etyëjkpë to'oxytyëjkpë yuu xëëw nëjkx yaj'o'kta'ajëtë.

Jeremias 6:29

Ko yë jëënpixn tyajmëjë yë jëën, poj'am yaj'ixy yë yu'unk pujxn jyiiytyä'äky. Tääpë jëtu'unpë pujxn oy jënu'un nyajwin'ë'tsmëty, yë ëxëëkja'aytyëjk ka'ap kyutëkoytyë.

Isaías 37:24

Je'eyë mtuunpë të xytyuk'ëne'emy ets të tnëxi'ik të tukxi'iktë yë Wintsën. Jëtu'un ojts m'ëna'any: Ëjts may kepy wintëkäämpë nmëët'atyës, jampaat muum kopkëjxm nja'tyës, jampaatës të nja'ty ma Líbano kyopk kupi'tykyën. Etsës të npujxë'ktaayë ja y'ajë kepy mëjëtypë ets tsiin kepy oyëtypë. Tëës ntukjëtijtëtyääyë tyun kyopk mëjëtypë ets yukjot kepyjyot mëti'ipë jëtu'un këxë'kpën pëjykyamën.

Isaías 24:21

Jä'ä xëëw nëjkx ja Wintsën tëytyuny ja tsajpkëjxmëpë y'ënä'ämtën, ets ja naaxwiinypë yajkutuktën;

Isaías 10:12

Ko ënäty ja Wintsën të tyajnaxy ja tsyip y'äkë ma ja Jerusalén ja'ayëtyën, tääts tëytyu'una'any ja Asiria yajkutujkpë, mëët ko ënäty amëj akëjxm të jyuuky'äty.

Isaías 10:16

Paaty ja Wintsën mëti'ipë maaytyääyëpën winë, yajmëjaawkukëxëjäämpy ja ja'ay mëti'ipë mëk näjya'awëyëpën, yë'ë yajminäämpy mëk jëënpa'am ets toopyëm ja jyot nyini'kx tjawëtëty.

Jeremias 11:16

Yë Wintsën jä'ä ojts mjatijyë olivë kepy kuxe'entypë, mëti'ipë tëëmpäjtpën. E ko ojts ja y'ënääw tyaj'ëna'any tääts mtukëtakë ets mtooypyijky, tääts tyooytyääy ja m'aay mxe'enty.

Jeremias 17:27

E pën miitsëty ka'ap mja'akyukëtë ets ka'ap xypyatuntë ja n'ënä'ämënës ets po'kxënxëëw ka'ap xypyo'kxtë. Pën mënajxtëp ja tsëmy kë'ëy, ja juy tooky jam ma ja tëjkëtyaknën, ma ja naax kajpn yajnitëkën, ëjts njëënmo'ojäämpyës tääpë naax kajpn, nyajnitooyäämpyës yë Jerusalén yë tyëjk aaw ets ko ënäty jëtu'un ntunyës, ni pën nëjkx kyamayë tyajpi'itsëty ja jëën.

Jeremias 22:1

Jëtu'unës yë Wintsën të xy'ënëëmë: Nëjkx jam ma yajkutujktaknën ets xynyikajpxëty ya'atë aaw ayuk

Jeremias 46:23

Pyujxë'kta'ajantëp yë aay kepy yuukjotypë. Ëjts Wintsën, ëjts ënaanp. Ja mëtsip jëtu'un nyimay'ata'antë tä maymyu'ujën, ni pën nëjkx kyamayë tmëtsyowëty.

Jeremias 50:32

Naax kajpn mëti'ipë kujuunën, je'eyë mkunäpëja'any tääts mkëtawa'any, ni pën mkayajpëtë'ëka'anyë. No'kta'ajäämpyës yë mkajpn, tääpë jëën yë'ë yajkutëkooyäämpy tëkokyë mëti'ipë yajpatpën na'ëwtity ma mijtsën.

Lamentaciones 2:3

Tu'ktonyë të t'akojxtuky yë Israel yë kyutujkën. Tëë tjëpëjkta'ay yë myëk'ajtën ko të nwinkuwa'këmë yë nmëtsip'ajtëmë; tëë tnino'kta'ay winë mëti'ipëjaty të tpaatyën.

Proverbios 12:14

Tu'uktu'uk yë ja'ay jëtu'un tii tpaaty ijxtëm tii tnimëtyä'äkyën; ets jëtu'un yajmëjuy ijxtëm tii tunyën.

Jeremias 6:19

Mijts naaxwiinyëtë, mëtoow'it yajxon: Ëyo'on jotmay ya'atë naax kajpn ntuk'ixäämpyës mëët ko ka'ap ja n'aaw n'ayukës të tmëjpëjkta'aktë; ni'ikyë të t'ixtijtë ja n'ënä'ämën ntëyajtënës.

Ezequiel 21:3

jëtu'un xy'ënëëmëty: Jëtu'un yë Wintsën y'ënä'äny: Ëjts mëtsipës yam n'awinpity ma mijtsën ets nkupujxta'aja'anyës yë ja'ay, yë'ëpaat mëti'ipë ka'ap pyokymyëëtëtyën ets mëti'ipë pokymyëëtën.

Miqueas 7:13

Yë naaxwiinyëtë, aanë'ëk tëëtsë'ëk y'awinpita'any mëët ko të tyëkoytyë yë naaxwiinyëtë ja'ay, jëtu'un wyinpëtsëma'any ja y'ëxëëktu'un y'ëxëëk kajpxënëty.