Jeremias 20:3 - Biblia Mixe de Quetzaltepec

³ Ënät jatëkok ni'ënä'ämëy ets ja Jeremías yaj'ëxmatsëty ets yajtukyo'käjtu'utëty ja kepy ma ënäty matsy të tyaj'itën. Ënät ja Jeremías y'ënëmaayë: Tëë yë Wintsën yë mxëëw myajtëkajtsxëty ma ijty mxëëwatyën Pashur, jä'ä myajtijanë Magor-misabib.

Biblia Dc en Mixe de Quetzaltepec

³ Ënet jatëkok ni'ënä'ämëy ets ja Jeremías yaj'ëxmatsëty ets yajtukyo'käjtu'utëty ja kepy ma ënety matsy të tyaj'itën. Ënet ja Jeremías y'ënëmaayë: Tëë yë Wintsën yë mxëëw myajtëkajtsxëty ma ijty mxëëwatyën Pashur, jä'ä myajtijanë Magor-misabib.

Jeremias 20:3 ပူးပေါင်းရင်းမြစ်များ

Génesis 17:15

Ënät ojts näjyëtu'un Tios t'ënëëmë yë Abraham: Yë mto'oxytyëjk ka'ap t'ëkxëëwatanë Sarai, tyam ets nyëjkxëty yë xëëw yë jëmëjt jä'ä txëëwajnëty Sara.

Génesis 17:5

Ets ka'ap xy'ëkxëëwajtnëty Abram, jä'ä tyam mxëëwajtnëty Abraham.

Génesis 32:28

Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Tios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

Salmos 31:13

Wa'atsës nmëtoy ko yë ja'ay ame'tsyë myëtya'aktë: kutsë'ëkë yajpaaty oymyaajëty. Tu'ukyë të nyäkyajpxëtë etsës xyaj'ooka'antë.

Isaías 8:3

Kom ok ojts ja nto'oxytyëjkës nmëët'atyës, mëti'ipë käjpxynyajxpë'ajtpën ets ojts u'unk mëët wyi'imy, jëtu'un tyajmëxu'unk'ajty tu'uk yë ye'etyëjk. Tääts ja Wintsën xy'ënëmaayës: Jä'ä xyajxëëwpätëty Maher-salal-hasbaz.

Jeremias 19:2

Tääts mnëjkxëty jam Ben-hinom joyjyotm, ma yajpaatyën tu'uk ja tëjkëtyakn ma t'ixko'owtën ja tu'ts apu'u yë tu'ts pojtspëty. Jamts xynyikajpxëty ja aaw ayuk mëti'ipë ntukmëtowäämpyën.

Jeremias 19:6

Pyätyp ja xëëw jëmëjt ma ya'atë it naaxwiinyëtë ka'ap t'ëkxëëwajnëty Tofet ets Ben-hinom Joyjyot, jä'ä nëjkx yajtijy O'kën Joyjyot. Ëjts Wintsën, ëjts ënaanp.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënät y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Jeremias 29:29

Yë teety Sofonías ojts ja noky tukwinkukajpxë ja Jeremías.

Jeremias 46:5

E ¿tiijës n'ijxyp? Tsë'ëkë tsë'ëkë jyaak winpitë. Jëtu'unyë kyääkwa'kxta'atë mëti'ipë tsip'ixyëtyën ko ka'ap y'ëkmëtaknëtë; pëyi'ikyë jyänty kyä'äktë, ni pën kyanäjyë'ixyë. Aak kutsë'ëkë oy myaa'ajnë. Ëjts Wintsën, ëjts ënaanp.

Jeremias 6:25

Këtii mnëjkxtëty kamjotm, këtii myajpaatëty tu'ujoty. Yë mëtsip jëjp'ijxp jam muum tyim'ity; kutsë'ëkë yajpaaty oymyaajëty.

Jeremias 7:32

Paaty ëjts maas nWintsën'atyën jëtu'unës n'ëna'any, ko minaanp ja xëëw po'o ma ya'atë itjot ka'ap y'ëk'yajtijnëty Tofet ets Ben-hinom joyjyot, jä'ä yajtijëty O'kën Joyjyot. Ets jam Tofet jam nëjkx nyaaxtëkëtë ja ja'ayëty ka'apë t'ëkjëkyäjpnën muum nyaaxtëkëtëty.

Lamentaciones 2:22

Xii yaa muum të xyajtsoony atsë'ëk ajawëpë, jëtu'un tä jeexyë myintën xëëw'ijxpë; Wintsën ko xyaj'ity yë ëyo'on ni pën të kyamayë kyä'äkëty. Mëti'ipës ojts nyaj'ijxpëkyën yë mëtsip të tyaj'o'kta'ay.

Ezequiel 13:9

Nkoxäämpyës yë käjpxynyajxpëtëjkëty mëti'ipë ka'ap tii mëtëy twinkëma'atën ets mëti'ipë win'ë'ëntëpën. Ka'ap tjëkyepy jam yajpaatëty ma tyu'ukmuktën yë Israel ja'ayëty; ka'ap nëjkx yë xyëëw yajkëxja'atë ma myintën këxja'ay yë Israel ja'ay yë xyëëwëty ets ka'ap nëjkx tyëkëtë ma Israel ja'ay nyaaxjotëtyën. Ënät nëjkx xy'ijxpaatës ko ëjts Wintsënajtp.

Hechos 16:30

Tääts ja pujxntëjk këwent'ajtpë tyajpëtseemy ja Pablo mëët ja Silas ets tyajtëëy: Mëku'ukëty, ¿tiis ntunëp etsës nnitso'okëty?