Jeremias 20:18 - Biblia Mixe de Quetzaltepec

¹⁸ ¿Tiijës ko ojts n'ëkmëxu'unk'ajtpë ets n'ixëtyës je'eyë ja ëyo'on jotmay ets njuuky'atëtyës je'eyë tsëtyu'unmëët?

Biblia Dc en Mixe de Quetzaltepec

¹⁸ ¿Tiijës ko ojts n'ëkmëxu'unk'ajtpë ets n'ixëtyës je'eyë ja ëyo'on jotmay ets njuuky'atëtyës je'eyë tsëtyu'unmëët?

Jeremias 20:18 ပူးပေါင်းရင်းမြစ်များ

Job 3:20

¿Wi'ix ko Tios t'a'ixë ets ja'ay jyuuky'atëty mëët yë ëyo'on jotmay? ¿Wi'ix ko ni'ikyë tyajjuuky'ajt'ëtë'ëtsy mëti'ipë pëjkëpën ijxëpën,

Lamentaciones 3:1

Ëjts tëëjës njawë yë ëyo'on jotmay, ko Wintsën të jyoot'anpëky.

Job 14:1

Yë naaxwiinyëtë ja'ay mëti'ipë to'oxytyëjk të yajminy të yajke'exyën, wäänë jyuuky'äty ets ko jyuuky'äty, je'eyë amay jotmay tmëët'aty.

Salmos 69:19

Mijts Wintsën wa'ats xynyijawë wi'ixës ëxëëk nyajtuny nyaj'ënëëmën, wi'ixës ja tsëtyu'un nmënaxy nyajnaxyën ets wi'ixës ka'ap pën xymyëj'ixyën; mnija'ap pënjatyës xymyëtsip'ajtëpën.

Hebreos 13:13

Tsojk mpanëjkxëm ja Jesús kajpnpë'am, tsojk n'ëyo'owëm ijxtëm ja Jesús y'ëyooyën.

Hebreos 12:2

Mpëjktakëm ja njoot'ajt nwinma'any'ajtëmë ma Jesusën, jä'ä ko yë'ë yäjkpy ets yajkä'pxyp ja nmëpëjkën'ajtëm. Ëyoow ja Jesús kruutskëjxm, ka'ap tmëjpëjktäky ja tsëtyu'un ko y'o'ky, jä'ä ko nyija'ap ënäty ko ok y'ita'any ja xoontakën; tëë nyaaxweetsy aka'any'äämpy ma ja Tios ja kyutujktaknën.

Hebreos 11:36

Ojts wiinkpë yajnëxi'ik yajtukxi'iktë ets yajwojp yajka'tstë, wiinkëtypë pujxntejpxy yajtuktsuumtë ets pujxn tëkoty yajpëjktaktë.

Hebreos 10:36

Mëët'atë ja mä'kxtujkën. Ko xytyuntëty ijxtëm ja Tios tsokyën, ënät nëjkx xyjyä'ä'atë mëti'ipës ja Tios të twaantä'äkyën.

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.

Hechos 5:41

Ënät ja ijxpëjkpëtëjk pyëtsëëmtë juntëjoty, akujk jotkujk tsyo'onëtë, jä'äkyëjxm ko ja Tios ënäty të tyajkutuky ets y'ëyo'onpaatëty ko ja Jesús tnikäjpxy tnimëtya'aktë.

Juan 16:20

Tëy nëëmëtë, ko nëjkxëp mjë'ëtë mya'axtë ets mmontë mtuktë ma ënäty ja ja'ay xyoonta'aktën mëti'ipë yajtuuntëpën ja naaxwiinyëtë winma'any; e oy ënäty y'ëkjëtu'unëty ma miits jam mmontë mtuktën ets mjë'ëtë mya'axtën, ja mjë'ëyënëty myaxënëty ets ja mmo'onënëty mtukënëty jä'ä nëjkx y'awinpity xoontakën.

Lamentaciones 1:12

Mëti'ipë në'ëye'ey tu'uye'eytyëpën ets mëmay mëtajtë pën mpëjkëtëp m'ijxëtëp tääjës ëjtsën ets jëtu'un m'ëyowtë. Yë Wintsënës xy'ëyo'onmo'oy koos të xytyukjoot'anpëky.

Jeremias 8:18

Ka'ap ma nyitsooy yë npëjkën n'ijxënës, jëtu'unyës njawë n'aaw njot myëkë.

Isaías 51:7

Mëtoow'itë ya'atë aaw ayuk, miitsëty ninu'un xynyijawëtën mëti'ipë mëtëyën, miitsëty naax kajpnëty mëti'ipë kyupëjktëpën ja n'ijxpëjkënës. Këtii xymyëjpëjkta'aktëty oy pën wi'ix m'ënë'ëmxëtëty, këtii xymyëmon xymyëtukëty ko m'ojëtëty,

Isaías 1:6

Ma mtekyjyëjpën ets jampaat ma mkëpajkën aak pëjkp atoonëp, aak tsëtyut, aak tuk'ookë, aak putsp yaj'ijxnë; ni pën tkayajtsooypyetsy, ni pën tkakupä'änë ets ni pën tkapujy.

Job 14:13

Ja'ënaanpës jeexyë jap näyu'utyës ma o'kpë y'itën etsës jeexyë jap n'ëwxity, koonëm yë mtsip m'äkë nyaxëty ets kë'ëm xynyikajpxëty jëna'a jatëkok xyjyä'ämyätsa'any.

Job 5:7

yë naaxwiinyëtë ja'ay kë'ëm ëyo'on jotmay nyätyukpaatyë, jëtu'un tä yë jëënpixk pyëtsimyën jëënjoty.

Salmos 102:3

Yë njuukyajtënës jëtu'unës njawë pyojtëkoy tä jëënjokën, ets nwaay npajkës jëtu'unës njawë tyoy jyemy tä jëënpajkën;

Jeremias 3:25

Tsojk naxym nnäpyëjktakëmë ets wintsëtyu'un jëjptsëtyu'un, oy ënät pën xykya'oyjya'awëmëty, jä'ä ko ëëtsajtëm mutsknëm jëtu'unpë të npatso'ontakëmë ets tyimpety tyimku'ty jëtu'un tyampaat, yi'iyë nëë poky të ntu'un të nkajpxëmë; nän timjëtu'un tä ja n'ap'ajt n'ok'ajtëmën ets ëëts'ajtëmë tëë ja Wintsën nmëtëko'oyëmë mëti'ipë nTios'ajtëmën ets ka'ap të nmëmëto'owëmë.

Jeremias 15:10

Nanë, je'eyës nnimony nnituky koos mijts xyajmiiny naaxwiiny naaxkëjxy, jä'ä ko jëtu'unës nnäjyawëty je'eyës yowë të nmëxu'unk'aty etsës mëët nnäy'oj nnäya'axëtëty ja mayjyä'äy. Ni pënës yë meeny të nkatuk'ënu'kxy ets ti pënës të xykyatuk'ënu'kxy, e ëjts xy'aakmëtsip'ajtpës yë ja'ay.

Habacuc 1:3

¿Tii ko xytyuk'ixyës yë monyëtukyë ets ëxëëkpë tu'unën kajpxën? Tsip käjpxy ets o'kën tëko'oyën je'eyë ijtp nwintuuy npë'aayës; xiitsow yaatsow aak tsiptuump ets näyajjoot'anpëjkëp yë ja'ay.

1 Reyes 19:4

E yë'ë ojts tsyo'onë, jamtsow ojts nyijkxy të'ëts'itjotm, tu'kxëëw ojts yajxon ye'ey, tä jam nyaaxwe'tsy kepypya'tkë'ëm. Nëkooyë y'ënu'kxënyë, mëpaatëp y'o'knë, paaty y'ënäny: Wintsën wä'än jääpaat, pëjkëkës yë njuukyajtën, jä'ä ko ka'apës jëtu'un ntsoowpaaty tääjës yë n'ap n'okën.

Jeremias 15:18

¿Wi'ix ko ja npëjkënës n'ijxënës ka'ap myony, wi'ix ko yë ntsëtyutës ka'ap tsyooymyäy ets oy jyatsooypyety, nijënu'un kyatso'oky? Jëtu'un të m'awinpijnë tä nëëjën mëti'ipë täämjëtijtpën, ka'ap oy ntukjotkujk'ajtmëty.