Jeremias 2:9 - Biblia Mixe de Quetzaltepec

⁹ Paaty n'ëna'anyës, ëjts mëti'ipë Wintsën'ajtpën: Nyajpëtë'ëkäämpyës tu'uk ë'ënën ma miitsëtyën ets ma m'u'unk m'okëtyën.

Biblia Dc en Mixe de Quetzaltepec

⁹ Paaty n'ëna'anyës, ëjts mëti'ipë Wintsën'ajtpën: Nyajpëtë'ëkäämpyës tu'uk ë'ënën ma miitsëtyën ets ma m'u'unk m'okëtyën.

Jeremias 2:9 ပူးပေါင်းရင်းမြစ်များ

Jeremias 2:35

E mijts ni'ikyënëm m'ënaan'ëtë'ëtsy: Ëjts ka'apës tii poky nmëëtëty. Yë Tios ka'ap xy'ëkmëtsip'ajnës. E oy ko jëtu'un m'ëna'any, ko ënät myajnipaye'eyëty jää ënät yaj'ixëty pën ka'ap tii xytyuuntëkoy.

Miqueas 6:2

Mëtoow'itë miitsëty tun kopk, mëti'ipë ja naaxwiinyëtë tsyëëm'ijtëpën ta'tspëky; yë Wintsën yë'ë pyaye'eyäämpy ja tyuuntëko'oy kyajpxtëko'oyën ja nyaax kyajpn, näy'ojjanëtëp mëët ja Israel kajpn.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Tios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Oseas 2:2

Jëtu'un yë Wintsën y'ënä'äny: Ojtë ya'axtë yë mtaakëty, win'ojtë yajxon, jä'ä ko yë'ë ka'apës nëk to'oxytyëjk'ajnë ets yë'ë nän ka'apës ëjts xy'ëkniye'etyëjk'ajnë. Ka'apës yë'ëjëty t'ëkmëëtsënaaynyë, etsës nän ka'apës n'ëk'ënanë tmëëtsëënëty. Koonëm t'ëxmatsëty ma tookyën yë jyot nyini'kx. Ets këtii nëkoo tyi'tsk t'ëktuk'akëëynyëty wiink ja'ay.

Jeremias 2:29

¿Tii miitsëty mka'oyjya'awëtëp ma ëjtsën? miitsëty je'eyë të mkäjpxykyumëtoownaxtë. Ëjts Wintsën, ëjts ënaanp.

Isaías 43:26

Pën mijts jam tii xynyijawë, mëti'ipës ka'ap oy të ntunyën, wä'än tyajpaye'ey. Nikajpxta'a yajxon wi'ixjatyës muum ntëkoyën, ets yaj'ixëty pën mijts ka'ap tii muum xytyuuntëkoy.

Isaías 3:13

Ja Wintsën tëë tuknipëjktaakë ets tpaye'eyä'äny ja mtëko'oyën, ets mmo'oja'anyë ja tëytyu'unën ijxtëm mpaatyën.

Levitico 20:5

kwanë koos kë'ëm nëjkx ntëytyuny tääpë ja'ay mëët ja y'u'unk tyo'oxytyëjk. Nëjkxëpës nyaj'ooky kë'ëm, mëët tu'kë'ëyë jënu'un ënäty mëët të yajpaatyën ets të t'ëwtatën ja wiink tios mëti'ipë xyëëwajtypyën Moloc.

Salmos 50:4

Jam këjxm yë Tios tmëkäjpxy yë tsajp ets naaxwiinyëtë, ets tniminy yë nyaax kyajpn tääts tukwinmëtowa'any tëkokyë tiijaty të tuntën.

Oseas 4:1

Miitsëty Israel ja'ayëty mëtoow'itë wi'ix yë Wintsën y'ënä'änyën. Tëë tnikäjpxy ko tsyiptuna'any mëët ya'atë ja'ayëty mëti'ipë yaa tsënaaytyëpën ma ya'atë naax kajpnën, jä'ä ko yaa ni pën mëtëy kya'ëkajpxnë, ni pën në'ëwitsy tu'uwitsy kya'ëkjuuky'ajnë ets ni pën tka'ëknija'awënë pën Tios'ajtp.

Oseas 12:3

Ka'anëm ënäty myëxu'unk'atynyëm ko yë Jacob tkunajxy yë y'äjty ets ko ojts myëjnë'ajnë tsiptuun mëët yë Tios.