Jeremias 2:25 - Biblia Mixe de Quetzaltepec

²⁵ Israel, këtii nëkoo tekywya'ats mjëtity, ijxkëm yë mteky xyajtsëtyuty, këtii nëkoo myo'ktsum mnätyukyo'ktsukyë. Mijts je'eyë m'ëtsooy: Ka'ap, ka'apës tii xyjäty; ëjts jaaypyaat jaaypyo'kxy n'oyjya'apës ets yë'ëjës ninëjkxäämpy.

Biblia Dc en Mixe de Quetzaltepec

²⁵ Israel, këtii nëkoo tekywya'ats mjëtity, ijxkëm yë mteky xyajtsëtyuty, këtii nëkoo myo'ktsum mnätyukyo'ktsukyë. Mijts je'eyë m'ëtsooy: Ka'ap, ka'apës tii xyjäty; ëjts jaaypyaat jaaypyo'kxy n'oyjya'apës ets yë'ëjës ninëjkxäämpy.

Jeremias 2:25 ပူးပေါင်းရင်းမြစ်များ

Deuteronomio 32:16

Tëë yë Tios tyajjoot'anpëktë ko të t'ëwtatë naaxpotsy.

Jeremias 18:12

Yë'ëjëty jëtu'un m'ëtsowa'anëtë: Këtii nëkoo mxëëw mpo'o xyajtëkoy, ëëtsëty oyës jëtu'un njuuky'atë, yë'ëjës ntsojkën'ajtëp ëxëëk juukyajtën, oyës näjyawëtë koos jëtu'un winë ntuntë tääjës kë'ëm nmaytyën ntajtën.

Jeremias 3:13

Yi'iyë mkupëkëp ko tëë mpokytyuny, ko yë mWintsën Tios të xykyäjpxy kyumëtoownaxy, ko ja mjot mnini'kx të xymyo'oy wiink ye'etyëjk jam kepypya'tkë'ëm ets ka'ap të xypyatuny ja n'ënä'äm ntëyajtënës. Ëjts Wintsën, ëjts ënaanp.

Romanos 8:24

Paaty ja nitsokën npatëmë ko njëjp'ijxëmë. Je'eyëp tëy ko pën tëë yaj'ijxnë ja mëti'ipë ënäty yajjëjp'ijxpën, ka'ap nëkooyë y'ëktsoowpatnë ja ëwxijtën. Jä'ä ko ¿Pën y'ëwxijtyp mëti'ipë tëë t'ixyën?

Lamentaciones 4:4

Nëkooyë y'u'unk y'ëna'k yuu o'kënëtë, tëë pya'kxwiin nyamëj'o'tspäjnëtë. Jya''amëtoow yë pi'k ëna'këty tii kyäytyëpën, je'eyëp ni pën kyayajkayë.

Jeremias 14:10

Jëtu'un yë Wintsën tnikäjpxy yë Israel kajpn: Ya'atë naax kajpn yi'iyë tyäty tsyojkpy ets nyaxëty tyëkëty oymyaajëty. Paaty ka'ap n'oyjyawës. Tyam nyëë pyoky yam Nja'amyätsäämpyës etsës nyajtëwa'any wi'ixtsow ko je'eyë pyokytyuny.

Jeremias 13:22

Pën myajtëëpy tii ko jëtu'un mjaty mkëpety, mnijawëp ko yë'ëkyëjxm ko ënäty të mpokytyuny. Paatykyëjxm të myajnijeny të myaj'ixjeny ets ëxëëk të mjaty të mkëpety.

Isaías 57:10

Ojts m'ënu'kxënyë ko je'eyë mtyäty jyëtity, je'eyëp ko ka'ap të m'ëna'any ko nëkoopë mjëtity. Jä'ä ko mëët'ajtyp ja mëti'ipë mnätyuk'ijxëpën, paaty ojts ka'ap m'ënu'kxë.

Isaías 2:6

Tëë ja mnaax mkajpn xy'ixmajtsnë ma tsyëënëtën ja Jacob ja jyä'äy, jä'ä ko ujts yajpaaty mëët ja najtsja'apëtëjk ets ja tsuu mëkajpxpë poj mëkajpxpë, jëtu'un tä ja filistejë ja'ayëtyën ma mëët oy nyäyaj'itëtën ja jaaypyo'kxyjyä'äyëty.

2 Crónicas 28:22

E yë'ë oy ja amay jotmay tjapaty kä'äpyëm ja jyot wyinma'any tyaj'o'oyëy ets kä'äpyëm ja Wintsën tmëjpëjktäky, jëtu'un jyä'äy'äjty ja yajkutujkpë Ahaz.

Deuteronomio 28:48

Yë mmëtsiptëjk yë'ë nëjkx xymyëtuny mëti'ipë ja Wintsën të mtuknikexyën ets ëxëëk mtunëtëty. Nëjkxëp m'ayuu'aty m'axëëw'aty, nëjkxëp ja nëëtëëtsë xymyënaxy xyajnaxy, ni mwit ni mtujkxy nëjkx kyaka'ty, o'ktëy mjat mkëpätëty. Yë Wintsën nëjkx jëtu'un myaj'ëyoyë, koonëm m'ookëty mtëkoyëty.

Lucas 16:24

Tääts jap mëk yujk'ënany: Tatë Abraham, pa'ëyoowkës. Tun mëyajtën, käx yë Lázaro, wä'än yë kyë'ëjëjp tyajxooky ets tmëminëty, wä'änës yë nyä'än tyajxooky. Mëkës yap jëënjoty n'ëyoy.

Lucas 15:22

Ënät ja u'unkteety t'ënëmaay ja tyuunpëtëjk: Tsojk nëjkx ja oypyë wit xyajtsoontë ets xytyukxoxtëty, pëjktakëtë kyë'ëjiits ets kyë'ëk.

Oseas 2:3

Pën je'eyëm tuun'ëtë'ëtsy ëxëëkpë, niwa'ats ëxwa'atsës nyajwë'ëma'any: Jëtu'unës mpëjkta'aka'any niwa'ats ëxwa'ats tä myiinyën naaxwiiny, aanë'ëk tëëtsë'ëkës nyaj'awinpita'any, ets nyajnëëtëëtsë'ooka'anyës.

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

Jeremias 2:31

Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Jeremias 13:21

Mijts Jerusalén, ¿wi'ix m'ëna'ana'any ko ënäty yë'ë m'ëne'emyë ja ja'ay mëti'ipë myaj'ijxpëjkën? Jëtu'un ja pëjkën ijxën mtukja'ta'anyë tä tu'uk to'oxytyëjkën mëti'ipë u'unk maay yajja'täämpyën naaxwiiny.

Jeremias 22:20

Judá, pät jam ma Líbano kopkën ets jam mëk mkuyaxnaxëty. Mëk jam mya'ax mjokëty ma Basán kopkën. Yujkya'ax jam ma Abarim kopk kupi'tykyën, jä'ä ko tëë ja mye'etyëjktëjk tyëkooytya'atë mëti'ipë ënäty mëët m'ijtmuky mtsënaaymyukyën.

Lamentaciones 1:2

Tu'ktsu'um jyi'iy yä'äxy; pëyë'ktëëp yë wyiin nëë ma y'apënuukyën. Nitu'uk yë y'atsoky ja'ay kyajjotkujkmo'oyë. Aak tëë yë y'ëxmajtsta'ayë mëti'ipë ijty mëët oy nyämyäyën; myëtsip të y'awinpijta'atë.

Ezequiel 20:32

Miitsëty tëë xymyëtoowyujtë ko wiinkëtypë naax kajpn mëti'ipë yajpatëpën wiink naaxwiinyëtë ko yë'ë y'ëwtajtëp yë kepy ets tsaa, e ka'ap y'ëkjëtu'un'ajnëty.

Oseas 2:5

Tëë yë tyaak jyot nyini'kx tooky; tëë tyajtëkoy yë y'oyajtën, ko të y'ënä'äny: Yë'ëjës nëjkx n'ixta'aja'any yë mëti'ipës mëët nätsyokyën, mëti'ipës xymyoopyën yë nkääky n'uukyës ets nnëëjës, mëti'ipës yë mpixyny ets linë wit xymyoopyën, mëti'ipës yë on ets n'uuky xymyoopyën.

Malaquías 3:14

Jëtu'un të m'ëna'antë: Nëkoopë Tios nmëtu'unmëty. ¿Tii mpatmëp n'ijxmëp ko ëëtsajtëm näpyëjktakëmëty mon tuk jëtu'un tä ja'ay nyäxyoxyën ko o'kën tëko'oyën y'ity jam Tios wintum mëti'ipë maaytyääyëpën winë?

2 Crónicas 28:23

Ni'ikyënëm ojts ja wyintsë'kën tmo'oy ja tios mëti'ipë Damaskë ja'ay y'ëwtajtëpën, yë'ë ojts yajtëkoyë. Jëtu'un ojts myäy tyäjy pën tyaapë tios yë'ë të tputëkë yë Sirië yajkutujkpë näjyëtu'un nëjkx pyutëkëty ko tmo'ojëty yë wyintsë'kën. E yë'ë ni'ikyënëm ojts o'ktëy yajjatyë ets o'ktëy ja nyaax kyajpn tyajjajty tyajkëpejty.

Jeremias 22:21

Ojts mijts njamëkäjpxy ma ënäty akujk jotkujk myajpaatyën, ka'ap ojts xykyupëky ja n'aaw n'ayukës. Jëtu'unyëm mja'ay'äty ko m'ëna'k'aty: Ka'apës xykyäjpxymyëtoy.