Jeremias 2:20 - Biblia Mixe de Quetzaltepec

²⁰ Tëëyëp xyajtso'ontä'äky maas je'eyë xykyäjpxykyumëtoownaxyën, maas ka'ap xymyëmëtoyën. Je'eyë m'ënany: Ëjts ka'apës tii ntuna'any. Jam muum kepypya'tkë'ëm, jam muum kopkëjxm, je'eyë ojts jam mpokytyuny, ko wiink tios xy'ëwtajty, jëtu'un tä to'oxytyëjk jyot nyini'kx tookyën ets kanaak yë ye'etyëjk tmëët'aty.

Biblia Dc en Mixe de Quetzaltepec

²⁰ Tëëyëp xyajtso'ontä'äky maas je'eyë xykyäjpxykyumëtoownaxyën, maas ka'ap xymyëmëtoyën. Je'eyë m'ënany: Ëjts ka'apës tii ntuna'any. Jam muum kepypya'tkë'ëm, jam muum kopkëjxm, je'eyë ojts jam mpokytyuny, ko wiink tios xy'ëwtajty, jëtu'un tä to'oxytyëjk jyot nyini'kx tookyën ets kanaak yë ye'etyëjk tmëët'aty.

Jeremias 2:20 ပူးပေါင်းရင်းမြစ်များ

Deuteronomio 12:2

Yajkutëkooytya'atë tëkokyë yë it naaxwiinyëtë, ma ja'ayëty t'ëwtatën yë wyintsënëty, mëti'ipë tsënaaytyëpën jam ma it naaxwiinyëtën, mëti'ipë mjä'ä'atantëpën. Tukpu'ujëtya'atë yë y'awinaxëty, mëti'ipë myëët'ajtëpën jam tunkëjxm kopkëjxm, tu'u'am ëkë jampë muum kepypya'tkë'ëm yajpaatyën.

Levitico 26:13

Ëjts jëtu'un Wintsën, mëti'ipë miits mTiosajtëpën, mëti'ipë ojts mjuutëtën jap Egiptë. Këtiipë m'ëk mëtuun m'ëk ëyoownëtëty ma yë'ëjëtyën. Jëtu'un ojts miitsëty nyajpëtsëmtë, jap tä jeexyë ja tejpxy, ëkë ja tsëmy ntuknipëjktu'ut ntuknikäjtu'utën, mëti'ipë ënäty më''ëyoowtëpën ets ënät janty akujk janty jotkujk m'ijnëtëty.

Jeremias 17:2

Yë m'u'unk m'ëna'k jyaak ja'amyäjtstëp ja wintsë'këntyakn ets kepy apujxtuky mëti'ipë ijty kënu'kxy myajnajxypyën mëti'ipë jam myaj'ijtypyën ma kepypya'tkën ets jam kopkkëjxm,

Oseas 3:3

Etsës n'ënëmaay: Jeky mijts nto'oxytyëjk'ata'any; këtii mjot mnini'kx xytyookëty ets këtii pën wiink naaxwiinyëtë ja'ay xymyëët'atëty, etsës mijts nwinkutsë'ëkëty.

Jeremias 30:8

Ëjts Wintsën mëti'ipë maaytyääyëpën winë, ëjts ënaanp: Nyajpëtsëmäämpyës yë nnaax nkajpnës ma y'ëyoy myëtunyën, ka'ap nëjkx y'ëk'ëyoow y'ëkmëtuunë tä tsajpkaa tmëyu'uyën yë kyukë'ë.

Isaías 1:21

Mijts Jerusalén kajpn mëti'ipë wa'ats kajpn yajtijpën, jëtu'un të m'awinpity tä tu'uk to'oxytyëjkën mëti'ipë xim yam ye'etyëjk yeempyën ets myëët'atëtëty. Tëëyëp aak'oy ijty ja'ay jyuuky'atë ets aak mëtëy winë tuntë, e tyam aak yajja'ay'o'knëtëp.

Nahúm 1:13

Piw nuukës ntuna'any ja kepy mëti'ipë mtsëëm'ijtypyën ets mpojta'ajäämpyës ja pujxn ntejpxy mëti'ipë të myajtuktsumyën.

Oseas 2:5

Tëë yë tyaak jyot nyini'kx tooky; tëë tyajtëkoy yë y'oyajtën, ko të y'ënä'äny: Yë'ëjës nëjkx n'ixta'aja'any yë mëti'ipës mëët nätsyokyën, mëti'ipës xymyoopyën yë nkääky n'uukyës ets nnëëjës, mëti'ipës yë mpixyny ets linë wit xymyoopyën, mëti'ipës yë on ets n'uuky xymyoopyën.

Ezequiel 23:5

Yë Oholá ka'apës ojts xymyëj'ixy yë'ë ojts tpanëjkxy wiink ye'etyëjk mëti'ipë yë'ë tsyojkën'ajtypyën, yë Asiria ja'ay tsiptuunpëtëjkëty,

Ezequiel 20:28

Koos ojts nyajtëkëtë ma ja naaxwiinyëtën mëti'ipës ënäty të ntukwinwanëtën, tim je'eyë muum t'ijxpatë tu'uk yë mëj kepy ëkë nitun, ënätyë ijty wyintsë'kën ets y'ayajk y'ako'onën tmo'otë ja awinax, ja tsooy mëti'ipë pa'akxu'kpën ets ja tsatym nyëë mëti'ipë tëë nyimaanaxyën, yë'ë mëët xytyukyajjoot'anpëjktës, jëtu'un ja wyintsë'kën tyajtëkooytyë ma ëjtsën.

Ezequiel 16:41

Nëjkxëp yajjëën'ixkonë ja mtëjk ets nëjkx mnitukë ma ënäty jam may ja to'oxytyëjk të nyiye'eypyätën. Nyajkutëkoyäämpyës jëtu'unpë ja mtuunk ets ka'ap nëjkx xy'ëkpatnë ja ye'etyëjk mëti'ipë mëjuyëpën ets mëëtko'knëtëty.

Ezequiel 16:31

Maajaty yë tu'u jyëjpkëxyën ets maajaty y'ëwaatsëtyën, jam ojts xy'oytyuny yë m'awinax yë nyiwintsë'këntyakn ets jam ja mjot mnini'kx xyäjky. Mijts ka'ap ijty mjëtu'unëty tä yë to'oxytyëjkën mëti'ipë jyot nyini'kx yäjkpyën, jä'ä ko mijts ka'ap ijty mjä'ä xynyimeenypyiky.

Ezequiel 16:28

E kä'äpyëm mku'uxyë paaty ojts yë mjot mnini'kx xyäky ma Asiria ja'ayëtyën ets kä'äpyëm mjotkëtäky.

Isaías 14:25

Nyajkutëkoyäämpyës yë Asiria ja'ay maas ja nnaax nkajpnën ets maas yë ntun nkopkën; jëtu'unyës n'atääna'any ntuktääna'any. Yë y'ënä'ämën kyutujkën ka'ap tjëkyepy o'ktëy tunëty yë nnaax nkajpnës, yë myëk'ajtën ka'ap tjëkyepy ëxëëk tmë''ëtë'ëtsëty.

Isaías 10:27

Jä'ä xëëw nëjkx ja mtsëmy mkë'ëy myajtuknipëjktu'uty, ets nëjkx yajnëkejy ja kepy mëti'ipë mtsëëm'ijtypyën, jëtu'un tä tsajpkaa kepy tsëëm'ityën mëti'ipë tyukyuupyën.

Isaías 9:4

Jä'ä ko mijts të xyajjëwä'äky ja nätyiytyunë, ja ëyo'owën jotëko'oyën ets ja monyëtukyë ma ënäty ja wintsëntëjkëty o'ktëy y'ëtë'ëtstën y'ëna'antën, ijxtëm jam Madián tëkok jyäjty kyëpejtyën.

Salmos 78:58

Ojts tyajjoot'anpëktë mëët ja wintsë'këntyakn, ma ja wiink tios t'ëwtatën,

1 Reyes 12:32

Ojts näjyëtu'un tu'uk ja xëëw tyajnaxkëtä'äky, ma myajkmokx'anyën ja mëtuktujkpo'opë, jëtu'un tä ijty jam xyëëwtuntën ja ja'ayëty ma ja Judá kajpnën ets kë'ëm wyintsë'kën ojts tkë'ëyajkojy ma ja wintsë'këntyaknën. Ya'atë ojts jam tuny Betel, ko tmooy ja wyintsë'kën ja tsajpkaa ayääkë, ma ënäty ja nyiteety kë'ëm të tpëjktakën.

1 Samuel 12:10

E yë'ëjëty ko jëtu'un jyajtë kyëpäjtë, ënätnëm ots t'ixkaptë pën jëtu'un Wintsënajtp, ets tja'awëy'ijtë ko tëë ënäty pyokytyuntë ko t'ëxmajtstë ja wyintsën Tiosëty ets ko ja wiink tios ojts tpanëjkxtëjkënyëtë tä ja mëti'ipë xyëëwajtëpën Baal ets Astarté; e ojts mëk tmëpëjktsowtë ja Tios ets ojts pyokymyä'kxëtë ets yajtsokëtë ma ja myëtsiptëjkëtyën, ko t'ëwtajtë winë aaw winëjot yi'iyë tu'uk.

Josue 24:26

Jap tjaaypyäjtaay ma ja nokyën ma ja Wintsën Tios ja tyiyajtën myinyën ets jam tkujpëy tu'uk yë mëjtsaa kepypya'tkë'ëm ma tu'uk yë xoj'ëjxën ma ënäty jam yajpaatyën ja Tios ja jyëën tyëjk.

Josue 24:24

Ets ja mayjyä'äy y'ëtsoowtë: Ëëtsëty yë Wintsën nmëtunantëpës ets ntunantëpës mëti'ipë yë'ë nyikäjpxypën.

Josue 1:16

Ënät y'ëtsoowtë: Oy'atëp, ëëts ntunantëpës yam mëti'ipës xytyuk'ënä'ämtëpën, oyës maa xytyim käxtëty nëjkxtëpës jam.

Deuteronomio 26:17

Tëë kë'ëm xynyikäjpxy ko yë Wintsën yë'ë mTios'ajtyp ets tëë xytyukwinwanë, ko yë nyë'ë tyu'uyë'ë xypyanëjkxanë ets ko yë y'ënä'ämën tyiyajtën xypyatuna'any ets ko yë'ë xëmë xymyëmëtowa'any.

Deuteronomio 15:15

Këtii xyjyä'äytyëkoyëty ko mijts ojts jap Egiptë mmëtuny m'ëyoy ets mWintsën yë'ë ojts jap mjuutyë. E paatykyëjxm tyam mijts ya'atë ënä'ämën nmo'oy.

Deuteronomio 5:27

Niikë mijts ninëjkx ets winkon xymyëtowëty mëti'ipë Wintsën nyikajpxäämpyën ets mijts xytyuk'ëwaanëtëtyës mëti'ipë të mtukmëmëtyä'äkyën, tyam ëëts npatuntëty pën tii yë'ë xytyuk'ënä'ämtëpës.

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Tios jap Egiptë?

Deuteronomio 4:20

E miitsëty, Tios ojts kë'ëm mtimjyuutëtë jap Egiptë, ma ënäty myajpaatën mëj jëënjotypyën ets mkajpn niwanëtë.

Éxodo 24:3

Ënät ojts nyijkxy ets tukmëmëtyaktaay ja naax kajpn ijxtëm ënäty ja Tios të y'ënë'ëmxëtyën ets ijxtëm ënäty winë të tyuk'ëne'emyën, ënät ojts ja naax kajpn tu'ukyë y'ëtsoowta'atë: Oy ëëtsëty jëtu'un ntuntëty ijxtëm ja Tios të tni'ënä'ämën.

Éxodo 19:8

Ënät ja Israel ja'ayëty nitëkokyë y'ëtsoowtaaytyë: Oyës jëtu'un ntuntëty, jëtu'un tä ja Tios të tni'ënä'ämën. Moisés ojts ya'atë ja ëtsoowinpijtën tukninëjkxy ja Tios, ijxtëm ënäty ja naax kajpn të y'ëtsoyën,

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

Apocalipsis 17:1

Tu'uk ja niwëxtujkpë ja tsajpjotmëtë kukäjpxy mëti'ipë ënäty myëët'ajtypyën ja wëxtujkpë ja a'ukën, ojts xynyiminyës ets xynyëmaayës: Min ets ntuk'ixëty wi'ix y'ëyo'onpaata'anyën ja mëj ku'into'oxy mëti'ipë u'unyääpyën mejy wiinkëjxm.

1 Reyes 14:23

Jä'ä ko yë'ë ojts näjyëtu'un tnimëktä'äky ets ja ja'ayëty t'ëwtatëty mëti'ipë jeexyë ka'ap t'ëwtatën, ojts ja nyitsajptëjk tkojë ja awinax mëti'ipë yajtijpën Aserá, ojts tyajkojy ja awinax tsaapotsypë ets kepy tsetsypë, tpëjktäky jam muum tunkëjxm ets kepypya'tkë'ëm ma muum ja mëj kepy tyänën.

Salmos 107:14

ojts yajpëtsëmëtë ma ënäty yajpaatën akootstuuy ets ojts yaj'ëwaatsëpëtsëmëtë ma ënäty yajpaatën tsum matsy mëët ja pujxntä'äky.

Jeremias 2:31

Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Jeremias 3:13

Yi'iyë mkupëkëp ko tëë mpokytyuny, ko yë mWintsën Tios të xykyäjpxy kyumëtoownaxy, ko ja mjot mnini'kx të xymyo'oy wiink ye'etyëjk jam kepypya'tkë'ëm ets ka'ap të xypyatuny ja n'ënä'äm ntëyajtënës. Ëjts Wintsën, ëjts ënaanp.

Jeremias 5:5

Yë'ëjës nmëmëtya'akäämpy yë ja'ayëty mëti'ipë mëj'äämpy ijtëpën naaxjoty kajpnjoty. Yë'ëjëty wa'ats tnijawëtë tii yë Wintsën tsyojkpyën ets tii nyi'ënä'ämëpën. E ni'ëmukë ënäty të tkäjpxykyumëtoownaxtë ja Tios, ka'ap të tkupëktë ets tmëmëtowtëty.

Jeremias 13:27

Tëës n'ixy ja mjot mwinma'any, wi'ix ka'ap xywyintsë'ëkën ja mniye'etyëjk, ja tsëtyu'unmëëtpë ja tuunk ko jëtu'un m'ëtë'ëtsy tä tu'uk ja to'oxytyëjkën mëti'ipë jyot nyini'kx tyo'kpyën yäjkpyën, ko xytyuny ja ka'apë tyuunëtyën jam tunkëjxm kopkkëjxm. Janty mon janty tuk jëtu'un myajpaaty. ¿Jëna'a jyëjpkëxa'any tääpë jëtu'unpë ëxëëk tuunk xyajtu'uye'eyën?

Oseas 4:13

Jam muum tunkëjxm kopkëjxm jam nëjkx nyo'oktë xyamtë ets nëjkx tyaktë wyintsë'kën ets näjyëtu'un nyëjkxnë muum ma kepypya'tkën mëjpë, ma mëj xojën, ma mëj tsiinën. Paatykyëjxm yë mnëëxëty jyot nyini'kx të tooktë ets mxäkxyëty tëë tyajtëkoytyë pëjkën ukën wyintsë'kën.

Jueces 2:11

Ja yu'unënëty kyajpxënëty ja Israel ja'ayëty wiink ojts ja Tios t'ixy, jä'ä ko ojts wiink ja tios tpanëjkxtëjkënyëtë mëti'ipë tyijtëpën Baal.

Jueces 2:13

Ojts t'ëxmajtsnëtë ja Wintsën mëët ko ja wiink tios ojts tpanëjkxtëjkënyëtë tä ja tiosën mëti'ipë tyijtëpën Baal ets ja Astarté.

Jueces 10:6

E yë Israel ja'ayëty ojts jatëkok t'ëxmatstë ja Wintsën ja nyë'ë'aaw tyu'u'aaw, jä'ä ojts tpanëjkxtëkëtë ja Baal ets ja Astarté, ka'apë tyiosëtyën mëti'ipë yë Siria ja'ayëty y'ëwtajtëpën; näjyëtu'un yë Sidónja'ayëty, Moab ja'ayëty, Amón ja'ayëty ets filistejë ja'ayëty. Yë Israel ja'ayëty ojts t'ëxmajtsnëtë Wintsën ets ka'ap ojts t'ëkmëjja'awënëtë.

Salmos 2:3

Jëtu'un ya'axtë jyoktë: Tsojk nnätyuknikäjtutëm ja pyujxn ntejpxy. Tsojk nnäkyäjëmë ma tsumy matsy xyaj'ijtëmën.

Oseas 1:2

Jëtu'un tsyo'ontä'äky ja Wintsën ja y'aaw y'ayuk mëti'ipë nyikajpxën ma Oseas: Jëtu'un yë Israel kajpn të y'ëti'itsy tä tu'uk yë to'oxytyëjkën mëti'ipë tyo'kpy yäjkpyën yë jyot nyini'kx mëët koos të xypyuwa'ktu'uty. Mijts näjyëtu'un ënät xytyunëty, yë'ë mpëkëp tu'uk yë to'oxytyëjk mëti'ipë jyot nyini'kx tyo'kpyën ets mëët yë m'u'unk m'ëna'k xymyëët'atëty; jëtu'un'äämpy yajtijtëty ko yë'ë tyaak'ajtëp tu'uk yë to'oxytyëjk mëti'ipë jyot nyini'kx tyo'kpyën.

Oseas 9:1

Israel, këtii mxoontä'äky; këtii mnëputy myujkputy tä wiinkëtypë kajpnëtyën, jä'ä ko mijts jëtu'un të m'ëtë'ëtsy tä tu'uk yë to'oxytyëjkën mëti'ipë yë jyot nyini'kx tyo'kpy yäjkpyën ko të xy'ëxmatsy ja mTios. Ma pyajk'atyën yë tsajpmok jää xyjyëjp'ixy myajmëjuyëty ko xytyooky xyäky yë mjot mnini'kx.