Jeremias 2:15 - Biblia Mixe de Quetzaltepec

¹⁵ ¿Wi'ix ko jëtu'un myëtsip nyipëtë'ëkyë kaajën ets jëtu'un yaj'ixy ni'tsëp yowë? Xit ko'ow ja nyaax kyajpn të tyu'unxëtë; tëë nyino'kxta'ayxyëtë ja nyaax kyajpnëty ets ni pën juuky të kyawë'ëmy.

Biblia Dc en Mixe de Quetzaltepec

¹⁵ ¿Wi'ix ko jëtu'un myëtsip nyipëtë'ëkyë kaajën ets jëtu'un yaj'ixy ni'tsëp yowë? Xit ko'ow ja nyaax kyajpn të tyu'unxëtë; tëë nyino'kxta'ayxyëtë ja nyaax kyajpnëty ets ni pën juuky të kyawë'ëmy.

Jeremias 2:15 ပူးပေါင်းရင်းမြစ်များ

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.

Jeremias 50:17

Yë Israel kajpn jëtu'un tä tu'uk yë kupixyny tyëkoy'ityën mëti'ipë kaa papooyëpën. Yë'ë jëyëjp të myätsyë tä kaajën yë yajkutujkpë, Asiria ja'ay; ok yë Nabucodonosor, yë Babilonyë yajkutujkpë, mëti'ipë jëtu'un tä kaajën të tsyu'utsyën.

Jeremias 9:11

Yë Jerusalén kajpn, tsaa jëtätjot ets wax ijtakn nyaj'awinpita'anyës; yë Judá kajpn aanë'ëk tëëtsë'ëkës nyaj'awinpita'any ets ni pën jam kyatsëënëja'any.

Isaías 5:29

Jëtu'un nyiitsy tä kaajën, tä kaajën mëti'ipë të jyëyujk matsyën, ets tmënëjkxy ja jëyujk ooky, pën ëkpëjkëtëp.

Isaías 1:7

Anë'ëk tëëtsë'ëk ja mnaax mkajpn të wyë'ëmnë, aak tooy aak jäämnëp je'eyë ja naax kajpn. Ma mjëën mtëjkëtyën ja mmëtsip jap winë jyë'kxtëp mëti'ipë miitsëty të xynyitunëtën.

Sofonías 3:6

Jëtu'un yë Wintsën y'ënä'äny: Ëjts tëëjës nyajkutëkoy yë naax kajpn, tëëjës njity mëjëtypë potsy ets këjxmëtypë ets aanë'ëk tëëtsë'ëk të ntuuntaayës yë nyë'ë tyu'u, ma ka'ap yë ja'ay y'ëknajxnëtyën. Ma nyaax kyajpnëtyën mëti'ipë tukwa'ats të wyi'imyën nitu'uk kya'ëkyajpatnë.

Sofonías 2:5

Mon tuk miitsëty myajpaatë, Creta ja'ayëty, mejypyë'aaypyë tsyëënëtën. Tëë yë Tios myajnitukëtë: Mijts Canaán kajpn, ma filistejë ja'ay tsyëënëtën, nyajkutëkoyäämpy yam ets ni tu'ukës ja'ay nkayajwë'ëma'any ma mnaax mkajpnën.

Sofonías 1:18

Ma ënäty ja Wintsën të y'ëwa'antä'äkyën ka'ap nëjkx ni pën tsyo'oky ets yë'ëpaat yë pu'ts pujxn poop pujxn wa'ats kyutëkooytya'aja'any, jä'ä ko ja Wintsën ja tsyip y'äkë jëtu'un nëjkx jyëtity jëënën ets nëjkxëp ja naax kajpn nyitooytyä'äy. Tu'kë'ëyë ja ja'ayëty mëti'ipë ënäty kajpnjoty tsënaaytyëpën poj'am y'o'kta'aja'antë.

Nahúm 2:11

¿Tii jam jaakwë'ëmëp ma kaa y'aankën, ma kaa u'unk y'itën? Yë kaa mëët yë y'u'unk y'ëna'k janty jotkujk ënäty jam nyäyjyawëtë, nitii tkatsë'ëkëtë.

Amós 3:12

Jëtu'un yë Wintsën y'ënä'äny: Jëtu'un tä tu'uk yë kupixyny këwent'ajtpë tuk'aju'tu'utyën yë kaa ko ënäty të tmatsy yë kupixyny jam ma kyë'ëjën ëkë ma tyekyën ëkë ma tyatskën, jëtu'un yë Israel ja'ayëty kyä'äka'antë jam Samaria mëti'ipë jam tsënaaytyëpën; yi'iyë nëjkx tjaakmëkä'äktë myaapäjnety ets tu'ktëjyën yë y'ënyääypyäjn.

Amós 3:8

¿Pën jëtää katsë'ëkëp ko yë kaa myu'uy? ¿Pën kakajpxaanp ko yë Tios tni'ënä'ämë ets tu'uk yë ja'ay kyajpxëty?

Amós 3:4

ko yë kaa myu'uy nyiitsy yuukjoty paatykyëjxm jyëtu'unëty jä'ä ko tëë tmatsy ja jëyujk mëti'ipë tsyu'utsäämpyën; ko yë kaa u'unk y'ajëjy jap y'aankjoty paaty jyëtu'unëty jä'ä ko tëë tii tmatsy;

Oseas 11:10

Yë'ëjëty pyajnëjkxantëp yë Wintsën ets Wintsën tä kaajën myu'uja'any. Mu'ujaanp ets nimina'any matsow yë xëëw pyëtsimyën mëti'ipë jyä'ä'ajtypyën.

Oseas 5:14

Tä yë kaa jyëyujk matsyën jëtu'unës yë Efraín ets Judá ntukja'ta'any; je'eyës piw nuuk ntuunta'aja'any etsës nëjkxankojnë; ëxëëkës ntuna'antë ets ka'ap nëjkx pën yaj'ëwaatsëpëtsëmyë.

Ezequiel 5:14

Mijts Jerusalén, axit ako'owë nëjkx nyajjaty ets o'ktëy ma ja wiinkëtypë ja naax kajpnën ets nëjkxëp t'ixtë wi'ix ënäty mjaty mkëpetyën ko jam nyaxtëty mkajpnjotm.

Jeremias 44:22

E yë Wintsën ka'ap t'ëkmëmëtaknë miitsëty ja m'ëxëëktu'un m'ëxëëk kajpxënëty mëti'ipë yë'ë wyiink'ijxypyën. Paatykyëjxm yë mnaax mkajpnëty tyam yajpaaty xit ko'ow ets ni pën jam kya'ëktsënaaynyë; tääts ijxpät të y'awinpity ko tëë yajpoky ets ko yë'ë je'eyë yajtsë'k yajja'awënë.

Jeremias 34:22

Ntuk'ënä'ämäämpyës ets jatëkok tnitëkëtëty ya'atë naax kajpn ets tjëënmo'otëty. Ets ëjts kë'ëm ntuknipëjktaakëjäämpy ets Judá kajpn y'awinpitëty aanë'ëk tëëtsë'ëk ma nitu'uk ja'ay jam kyatsëënëtyën. Ëjts Wintsën, ëjts ënaanp.

Jeremias 33:10

Jëtu'un yë Wintsën y'ënä'äny: Miitsëty jëtu'un m'ëna'antë ko ya'atë itjot aanë'ëk tëëtsë'ëk yajpatnë, ko ka'ap pën ja'aynyë ets ka'ap tii jëyujknë; ko yë Jerusalén kajpn ets Judá kajpn tukwa'ats të y'awinpity, ko ka'ap jap tii ja'aynyë ets ka'ap jap tii jëyujknë. E yajmëtowaanp jatëkok

Jeremias 26:9

¿Ma jëtu'unpë winma'any xypyiky ko m'ëna'any ko ya'atë tsajptëjk mëti'ipë Wintsën tyëjk'ajtypyën jëtu'un jyata'any tä jyäjtyën jam Siló ets ko m'ëna'any ko ya'atë naax kajpn kyutëkoyä'äny ets tukwa'ats wyë'ëma'any ets ko ka'ap yaa pën tsyëënëja'any? Tä ja mayjyä'äy myujkpejty ets ojts tyajnatuktë ja Jeremías.

Jeremias 25:30

Mijts Jeremías, wa'ats xynyimëtyakta'ajëty ma yë'ëjëtyën tëkokyë mëti'ipë mmëtoopyën. Jëtu'un xy'ënëëmëty: Jëtu'un yë Wintsën jam këjxm yë y'aaw y'ayuk tyajmëtoyë ënääwën, jam ma y'ijtaknën kënu'kxypyë ets tmëkäjpxy ja y'u'unk y'ëna'k mëk, jëtu'un tä yë ja'ay mëk kyajpxtën mëti'ipë tsatym wyintä'äntëpën ets tukmëtoy ni'ëmukë ja naaxwiinyëtë ja'ay.

Jeremias 5:6

Paatykyëjxm nyipëtsëma'anëtë kaa jam yukjotm ets yaj'ooka'anëtë, jam të'ëts'itjotm pa'uk jam nipëtsëmanëtëp ets tyuktsu'utsëja'anëtë, jam kyajpn winkon kuuyxyëpëjy nëjkx pyapo'o pyaputëtë ets y'atsu'uts tyuktsu'utsëtëty, mëët jä'äkyëjxm ko të pyokytyuntë ets kanaak yë jyiiky myëku'uk të tkë'ëyaktë.

Isaías 24:1

Ixtë wi'ix ja Wintsën ja naaxwiinyëtë tuna'anyën, yajma'ta'ajäämpy ets yajwintëkooytya'ajäämpy koonëm ja ja'ay kyääkwa'kxta'atëty.

Isaías 6:11

Ënätës ja Wintsën të n'ënëëmë: Wintsën, ya'atë yam xynyikäjpxyën, ¿jekyën jëtu'un y'ita'anyë? Täätsës të xy'ëtsoy: Koonëm ja naax kajpn kyutëkooytya'atëty ets jäänëm ma ënäty ka'ap nitu'uk ja ja'aynyën; tëë ënäty ja jëën tëjk tyukwatsta'ay, ets tëë ënäty ja kam tu'u y'awinpijta'ay anë'ëk tëëtsë'ëk,

Isaías 5:9

Tëës xy'ënëëmë ja Wintsën mëti'ipë maaytyääyëpën winë: Kanaak ja jëën tëjk y'atëkoyä'äny; oy jënu'un oytyuny jyakëxë'ëky, ni pën nëjkx jap kyatsëënë.

Salmos 57:4

Naaxkëjxyës njëpijpnë, kaa itkujky mëti'ipë ja'ay tsyu'tstëpën; jëtu'un yë y'aaw tyëtsëty tä ku'umën ets tä ti'pxnën; yë yyä'änëty jëtu'un tä yë tëypyujxn jëjpëpë.

Job 4:10

Oy jënu'un jyamu'u jyaniitstë kaajën, Tios yë'ë yaj'ëmonanëtëp ko ënäty yë y'aaw tyëts mya'ta'atë.

Jueces 14:5

Paatykyëjxm yë Sansón ojts tsyoontë mëët ja tyaak tyeety ets ojts nyëjkxtë jam Timnat. Tam ënäty yë Sansón jyajnë kajpntum ko tu'uk yë mëj kaa nyipëtsëëmë jam ma tu'uk yë tsatym kyamën ets nyipëtë'kë.

Jeremias 51:38

Aakjëtu'un myu'uja'antë kaajën ets y'ëjëja'antë kaa u'unkën.

Ezequiel 36:3

E oy ko jyëtu'unëty, mëmëtya'ak ëjts nxëëwkyëjxmës: Jëtu'un yë Wintsën y'ënä'äny: Xiitsow yaatsow myajnipëtë'ëktë ets m'ooktëty; tëkokyë yë naax kajpn wiinktsowpë tsyoontën tëë tniwa'kta'atë yë mnaax mkajpn ets je'eyë mnëxi'ik mtukxi'ikëtë ets ëxëëk mtunëtë.

Zacarías 11:3

Mëk jyë'ëtë ya'axtë yë kupixyny këwent'ajtpëty, jä'ä ko tëë kyutëkoy ja oyëtypë ja mëëykyam ujtskam. Yë kaa je'eyë jyaak yä'äxy jyaak joky, jä'ä ko tëë y'atëkoy ja ujtsjot kepyjyot mëti'ipë jamën Jordán.

Jeremias 6:8

Yaj'oyë mjot mwinma'any mijts Jerusalén, pën ka'ap, ëjts tim jëwa'akaanpës ma mijtsën; aanë'ëk tëëtsë'ëk nyaj'awinpita'anyës, ni pën jam nkayajtsëënëja'anyës ma mkajpnën.

Jeremias 9:10

Nimon nituktë ja tun kopk, nijë'ë niya'axtë ja aayjyot ujtsjot, jä'ä ko tëë tyëtsta'ay ets ni pën jam kya'ëknajxnë; ka'ap y'ëkyajmëtoownë ja tsajpkaa jam myu'utë, yë'ëpaat yë joon ets aayjëyujk ujtsjëyujk mëti'ipë tsu'tstëpën të kyäkta'atë.

Jeremias 10:22

Mëtoow'itë yajxon. Tëë ja nija'awën tu'uk jyä'ty. Jam anëkëjxmtsow tsyoony, tu'uk yë naax kajpn mëti'ipë Judá kajpn yajkutëkoyäämpyën ets tyaj'awinpita'any të'ëts'itjot ma nëjkx ja wax ya'axtën jyoktën.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.