Jeremias 19:7 - Biblia Mixe de Quetzaltepec

⁷ Ma ya'atë it naaxwiinyëtën nyajma'ta'ajäämpyës tëkokyë mëti'ipë yë Judá ja'ayëty ets Jerusalén ja'ayëty tyuknipëjktakëtëpën. Ëjts nyajkutukäämpy ets myëtsip ëxëëk tyunëtëty, yaj'ookëtëty, yë jyot nyini'kxëty yë'ë nëjkx lut majkwejkxy ets kaa tsyu'tsëtë.

Biblia Dc en Mixe de Quetzaltepec

⁷ Ma ya'atë it naaxwiinyëtën nyajma'ta'ajäämpyës tëkokyë mëti'ipë yë Judá ja'ayëty ets Jerusalén ja'ayëty tyuknipëjktakëtëpën. Ëjts nyajkutukäämpy ets myëtsip ëxëëk tyunëtëty, yaj'ookëtëty, yë jyot nyini'kxëty yë'ë nëjkx lut majkwejkxy ets kaa tsyu'tsëtë.

Jeremias 19:7 ပူးပေါင်းရင်းမြစ်များ

Levitico 26:17

Ëjts nmëtsipës n'awinpita'any mëët miitsëty, ja ja'ayëty mëti'ipë ënäty mëtsip'ajtëtëpën, ëxëëk nëjkx mtunëtë ets yë'ë nëjkx y'ënä'ämtë ma ja mnaax mkajpnëtyën, mëti'ipë ënäty m'ëxëëk'ijxëtëpën, jëtu'unyë mkä'äktëty mputëty, oy ënäty ni pën mkapapo'ojëtë.

Jeremias 16:4

Pa'am nëjkx yaj'ookëtë ets ka'ap pën nyiya'axa'anëtë, tä të'ënyën nëjkx muum wyimputskëta'aktë. Tsipjoty y'ooka'antë, lut majkwejkxy ets kaa jëyujk nëjkx tsyu'utsëtë wyëtsëtë ja o'kpë.

Jeremias 34:20

Paatyës të ntuknipëjktaakë ets jam kya'atëty ma myëtsipëtyën kutsë'ëkëpë ets nyini'kxëty nëjkx tsyu'tsxëtë lut majkwejkxy ets kaa jëyujk,

Jeremias 15:9

Ja taak mëti'ipë may ja y'u'unk y'ëna'kën tëë xyejytyuk ets të jyëpijpkëtä'äky, wintsëtyu'un jëjptsëtyu'un ets mon tuk të wyë'ëmtë, ja xëënyajtën akootstuuypyën të y'awinpity. Pën jaakwë'ëmtëpën juuky, myëtsip nëjkx ntukyaj'ookyës. Ëjts Wintsën, ëjts ënaanp.

Jeremias 15:2

Ets ko myajtëwëtëty maaxën nyëjkxtëty, jëtu'un xy'ënëëmëty ko ëjts ënaanp: Mëti'ipë të yajtuknipëjktaakën ets y'ookëty mëët ja pa'am ëyo'on, pa'am ëyo'on nëjkx yaj'ookyë; mëti'ipë të yajtuknipëjktaakën ets tsipjotm y'ookëty, tsipjotm nëjkx y'ooky; mëti'ipë të yajtuknipëjktaakën ets yuu yaj'ookëtëty, yuu nëjkx yaj'ookyë; mëti'ipë të yajtuknipëjktaakën ets tsumy matsy yajmënëjkxëty wiink naax wiink kajpn, tsumy matsyë nëjkx yajmënëjkxy.

Jeremias 7:33

Yë may o'kpë yë'ë nëjkx tsyu'tsta'ajëtë lut majkwejkxy, kaa, ka'ap pën y'ita'any pën tääpë jëyujk y'ëtsë'ëkëpën.

Romanos 4:14

Ko jeexyë yë'ë'atë ja kuma'ayën t'ëxajëja'antë mëti'ipë ja Tios ja y'ënä'ämën pyatuuntëpën, ka'ap jeexyë tyuny ko Tios yajmëpëky ets ni kyatuny jeexyë ja Tios ja wyaantä'äky.

Romanos 3:31

Pën jëtu'un, ¿ka'ap jëtää ja ënä'ämën tii mëk'ajtën t'ëkmëët'ajnë ko yajmëët'aty ja mëpëjkënë? Niwi'ix'äämpy. Ni'ikyë njaaktimyajmëjnajxëmë ja ënä'ämën.

Lamentaciones 3:37

Ko pën wi'ix y'ënä'äny, ko pën tii jyätyë kyëpetyë, paaty jyëtu'un'aty jä'ä ko Ni'ik Këjxmëpë jëtu'un të tyajnikutukë.

Jeremias 46:26

Ëjts nyajkutukäämpy ets myëtsip myëmëta'akëtëty, ja kutsë'ëkëpë jampë tsyoontën Babilonyë, mëti'ipë yajkutujkpë Nabucodonosor kyejxypyën. Kom oknëm nëjkx yë Egiptë jatëkok wyintuky mëët yë ja'ay. Ëjts Wintsën, ëjts ënaanp.

Jeremias 22:25

ets nkë'ëyaka'any ma mmëtsipën mëti'ipë ooky m'ixanëpën ets mëti'ipë ëxëëkëm xytsyë'ëkën. Yë'ë ntukë'ëtëkëjäämpy yë Nabucodonosor, mëti'ipë jam ënä'ämp yajkutujkpën Babilonyë, ma Caldeo ja'ayëtyën.

Jeremias 22:19

Tä kruktsën nëjkx nyaaxtëkë, je'eyë nëjkx yajwinpajëtuty ets jam yajnajtsjëtutëty ma Jerusalén kyajpnpa'ajën.

Jeremias 18:21

E mijts myajkutukëp ets ja y'u'unk y'ëna'k yuu'ooktëty ëkë kupuxy y'ooktëty. Wä'än yë pa'am ëyo'on yë'ë yaj'ookëtë ets ja y'ëna'ktëjkëty wä'än jam tsipjotm t'ooktë.

Jeremias 8:2

jam nëjkx yajpëjktëwtë xëëw antuuy, po'o antuuy ets mëtsa'a antuuy, mëti'ipë ënäty të t'ëwtatën, të tmëtuntën, të tpanëjkxtën ets të tyajtëwtën winë. Ni pën nëjkx kyapëjkmukëtë ets nyaaxtëkëtëty. Jëtu'un wyimputskëta'aka'antë tä të'ënyën.

Isaías 8:10

Oy jënu'un tii xyjyatuknipëjktaakëtëty, ka'ap nëjkx wyintu'upëky; oy jënu'un tii xyatuna'antëty, ka'ap nëjkx tyunyë jyätyë, jä'ä ko ëëtsëty Tiosës mëët nyajpaatë.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Jeremias 8:8

¿Wi'ix mijts m'ëna'ana'antë ko m'ijxpëkyjyä'äy'atë ets ko mmëët'ajtëp ja Wintsën ja y'ënä'ämën tyiyajtën? Tëës yë jääpyëtëjk tyajma'ta'atë ja n'ënä'ämënës ntëyajtënës.

Jeremias 8:9

E tääpë ja'ayëty mëti'ipë nätyijëtëpën ixpëkyjyä'äy, o'ktëy jyata'antë, wintsëtyu'un jëjptsëtyu'un kyukëxëja'antë, tsuu poj jyata'antë tä jëyujk muum kyukääkën o'këntuuy. ¿Maatën ja y'ijxpëky'ajtënëty? tëëjës t'ixtij t'ëxwa'antë ja n'aaw n'ayukës.

Jeremias 32:28

Paaty n'ënëëmë: Ëjts nyajkutukäämpyës ets ya'atë naax kajpn yë Nabucodonosor myëmëta'akëtëty, mëti'ipë jam Babilonyë yajkutujkpën ets ma Caldeo ja'ayëtyën.

Levitico 26:25

Nëjkxëpës nmëminy nyajminy ja ja'ay mëti'ipë mtukpajëtijtëpën ja tëypyujxn ets yë'ë nëjkx tnitsiptuny ja nkäjpxytyu'unënës, mëët ko ënäty xykya'ëkmëjja'awënëtë. Nëjkxëp jotëkoy mjanëjkxtë ma jeexyë mtso'oktën. E ëjts nkäxëpës jam ja pa'am ëyo'on ets kwanë nëjkx mka'atë ma ja mëtsipëtyën.

1 Samuel 17:46

E tyam yë'ëts yë Wintsën mkë'ëyakanëp ëjts nkë'ë'amjotmës, tyam nyaj'ookäämpy yam ets nëëpuxa'anyës yë mkëpajk. E tëkokyë yë jyot nyini'kxëty yë tsiptuunpëtëjkëty mëti'ipë filistejë ja'ayëtyën, ooykyës yam ntuk'ajëpijpëtya'aja'antë yë joon jëyujk, jëyujk ëwa'anëtypë mëti'ipë jëtijtëpën aayjoty ujtsjoty. Jëtu'unts nijawëtëty tëkokyë yë ja'ayëty naaxwiinyëtë apëtsëmy ko tää tu'uk yë Tios yajpaaty ma Israel ja'ayëtyën.

2 Reyes 21:14

E ja naax kajpn mëti'ipë ënäty jaakwë'ëmtëpën, ka'apës n'ëkajpnniwa'ananë, ntimy'ëxmatsäämpyës wä'än t'ixy pën nimiinëp ja myëtsip ets pën nitëjkëyëp kyajpnjoty ets pën mä'tstaayëp.

Isaías 29:14

E paatykyëjxmës të ntuknipëjktaakë koos nyaj'ixa'anyë ja nmëj'ajtën etsës tääpë naax kajpn jëtu'unyë amonyë nyajwë'ëma'any. Ja wyijy'ajtën ets ja kyëpetyajtënëty ja wyijyjyä'äytyëjkëty, jëtu'unyë nëjkx tyëkooytyä'äy.

Jeremias 21:7

Yë Sedequías, mëti'ipë jam Judá yajkutujkpën mëët yë tyuunpëtëjk ets jyä'äy, ok nkë'ëyaka'antës ma Nabucodonosor yajkutujkpën; mëti'ipë ënäty juuky të wyë'ëmtën, yuu ets pa'am ëyo'on nëjkx yaj'ookëtë ets tam mëti'ipë kupuxy ookaanpën, nijënu'un nëjkx kyayajpa'ëyowtë. Ëjts Wintsën, ëjts ënaanp.