Jeremias 18:23 - Biblia Mixe de Quetzaltepec

²³ E mijts Wintsën, wa'ats xynyija'awëtyä'äy wi'ix myäytyën tyajtën ets xyaj'ooka'antës. Këtii xymyä'kxëty yë tyëko'oyënëty ets këtii yë nyëë pyokyëty xyjyä'äytyëkoyëty. Wä'än tka'atë mijts mwintuuy ets mëët ja mtsip m'äkë tëytyun.

Biblia Dc en Mixe de Quetzaltepec

²³ E mijts Wintsën, wa'ats xynyija'awëtyä'äy wi'ix myäytyën tyajtën ets xyaj'ooka'antës. Këtii xymyä'kxëty yë tyëko'oyënëty ets këtii yë nyëë pyokyëty xyjyä'äytyëkoyëty. Wä'än tka'atë mijts mwintuuy ets mëët ja mtsip m'äkë tëytyun.

Jeremias 18:23 ပူးပေါင်းရင်းမြစ်များ

Salmos 35:4

Wintsëtyu'un jëjptsëtyu'un kyä'äktëty mëti'ipës xyaj'ookantëpën; wintsëtyu'un jëjptsëtyu'un kyä'äktëty mëti'ipës ëxaty të xyjyatuna'antën.

Isaías 2:9

Naxym të nyäpyëjkta'akëtë, ni'ik o'ktëy të nyäyajjatëtë. Paaty yam n'ënëëmë këtii xypyokymyä'kxëty.

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënäty ja Tios tyajnikëxe'eka'anyën ja jyoot'an ko ja paye'eyën tunëty,

Lucas 21:22

Jä'ä ko ma tääpë xëëwën ëyo'on jää itaanp, jää y'atëwa'any ijxtëm ja Tios ja y'aaw y'ayuk y'ënä'änyën.

Jeremias 18:18

Ënät ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Jeremias 15:15

Wintsën, mijts wa'ats winë xynyijawë. Ja'amyäjtskës ets minës putëjkëk. Mijtsës xyajni'o'ktu'utëp ma ja ja'ayëtyën mëti'ipës xy'ixjëtijt xypyajëtijtëpën. Këtii tääpë ja'ayëty nijënu'un xymyëmä'kxtukëty, xyaj'ookantëpës yë'ëjëty; ni'ijxkëtakës, mijtsë jëtu'un nkujajtëp koos nyaj'ojy nyajyä'äxy.

Jeremias 11:23

Miitsëty Anatot ja'ayëty, nitu'uk nëjkx mkawë'ëmtë juuky, jä'ä ko pyätyp ja xëëw po'o maas npaye'eyä'änyën ja mtuuntëko'oy mkajpxtëko'oyënëty.

Jeremias 8:12

Tsëtyuunëtëp jeexyë mëët ko je'eyë tuntë tkajpxtë ja mëti'ipës n'ëxëëk'ijxypyën. E ka'ap, ka'ap tsyëtyuntë, ka'ap t'ëknija'awënëtë tii ja'ay tyijp tsëtyu'un. Paatykyëjxm koos ënäty ntëytyuny nän jam nëjkx kya'atë ëxëëktum ma ja wiink ja'ayëtyën. Ëjts, Wintsën, ëjts ënaanp.

Isaías 10:3

¿Tii mtuunta'akantëp ko ënäty pën myajtëwëtë mëti'ipë mtuuntëkooytyëpën, ets ko ënäty mtukmin mtukja'tëtë ja tëytyuunpë? ¿Pën ja näypyutëkë m'amëtowantëp? ¿Maa ja maywyit maymyeeny xypyëjkta'aka'antë?

Salmos 59:5

Mijts Wintsën, Tios mëti'ipë maaytyääyëpën winë, yë Israel yë Tyios, ëkma'aypyëtë'ëk ets tukumëtow tääpë ja'ayëty mëti'ipë oynatii y'ëwtajtëpën; këtii xypya'ëyoy tääpë ëxëëkja'aytyëjk mëti'ipë jyiiky myëku'uk kyë'ëyajktëpën.

Salmos 119:126

Wintsën, tëë yë xëëw po'o tpaaty ets tii xytyunëty, ma ja ja'ayëtyën mëti'ipë ka'ap tpatuntën ja m'ënä'äm mtëyajtën.

Jeremias 6:15

Tsëtyuunëtëp jeexyë ko yi'iyë tyuuntëp ka'apës nme'kxyën. E ka'ap tsyëtyuntë, jëtu'un yaj'ixy ka'ap yowë nijawëtë tii tsëtyu'unën'ajtp. Paatykyëjxm koos ënäty ntëytyuntë, je'eyë y'anäpëja'antë ets kyëtawa'antë jëtu'un tä jyatën yë wiink ja'ayëty. Ëjts, mëti'ipë Wintsën'ajtpën, ëjts ënaanp.

Jeremias 6:21

Paaty yë Wintsën y'ënä'äny: Ëjts jëtu'unës ya'atë naax kajpn nyajjata'any tä ja'ay kyëtäyën ko y'anäpë. Teety taak, u'unk ëna'k, mëj jëën mëtëjk ets jëëky mëku'uk, tu'knax y'ooka'antë ko ënäty yajnimintë anëkëjxmtsow.

Jeremias 7:20

Paaty ëjts maas nWintsën'atyën, tyamës n'ëna'any ko nyajkëta'akäämpyës yë ntsip n'äkë ma ya'atë kajpnën; ma ya'atë ja'ayëtyën, ma aayjëyujk ujtsjëyujkën, ma aay kepyën aay ujtsën ets ma pëjktä'äkyën. Jëtu'unës yë ntsip n'äkë nyajnaxa'any tä patoyë jëënën mëti'ipë ka'ap pën myäyëtëty tyajpi'itsëty.

Jeremias 17:4

Kwanë ko xy'ëxmatsëty ja itjot naaxjot mëti'ipë njatukkumaayën ets mmëtun m'ëyowëty ma ja mmëtsipën wiink naax wiink kajpn ma ka'ap xy'ixy'ätyën, jä'ä ko mëkës të xyajjoot'anpëky, jëtu'unës ja ntsip n'äkë xyajtooypyiky jëënën mëti'ipë nyo'ktëkoopyën winë.

Jeremias 26:8

Ko kyajpxtaay ijxtëm ja Wintsën ënäty të tyuknipëkyën, ënät myajtsëtë ja teetytyëjkëty, ja käjpxynyajxpëtëjkëty ets mayjyä'äy ets y'ënëmaayëtë: M'ookëp ënät.

Jeremias 26:11

Ënät ja teetytyëjkëty, ja käjpxynyajxpëtëjkëty ets ja mayjyä'äyëty ojts t'ënëëmëtë ja kopktëjkëty mëj'äämpyë y'itën ma ja kajpnën: Tyaapë ja'ay, patëp y'ookëty, jä'ä ko tëkatsy të tnikäjpxy yë naax kajpn. Miitsëty tëë wa'ats xymyëtowtë mëët yë mkopk mtatskëty.

Jeremias 37:15

Tääts tnipëtë'ktë ja Jeremías, ojts twoptë ets tsuumtë jam ma Jonatán yë tyëjkën, mëti'ipë jääpyën, ja tyëjk pujxntëjk ijty wyä'äny.

Jeremias 38:4

Ënät ja wintsëntëjkëty t'ënëmaaytyë ja yajkutujkpë: Tyaapë ja'ay wä'än timy'ooky, ni'ikyë tsë'ëkëwinkajpxë yë tsiptuunpëtëjk mëti'ipë yaa naaxjoty kajpnjoty niwäänë të jyaakwë'ëmtën ets ja'ayëty. Ya'atë ja'ay ka'ap oypyë tmëmay tmëtajy ma kajpnën, ni'ikyë tsoky ets ja'ay o'ktëy jyatëty.

Salmos 56:8

Mijts mëtyoopy naak'okës nke'ekyën; ets jënu'unës nyä'äxyën, ¿Ti ka'ap jap këxja'ay xymyëëtëty mnokyjyotyë?

Jeremias 17:18

Yë'ë wë'ëmtëp nëxi'iky tukxi'iky mëti'ipës xy'ixjëtijt xypyajëtijtëpën, ka'ap y'ëjtsëty; wä'än tsë'ëkëtë tjawëtë, e ëjts ka'apës mëpaat jëtu'un njaty. Mijts myajkutukëp ets o'ktëy jyatëty kyëpätëty, tuktëjëtya'a tukwäjxëtya'a.

Lamentaciones 3:60

Mijts wa'ats xy'ixy xytyuny wi'ix je'eyë yaj'o'okwinpita'antën ets mnija'ap wi'ix xynyimay xynyitajëtënës.

Lamentaciones 3:61

Mëtoow'it wi'ix y'ëna'antën ëxëëkjaty ets wi'ix xynyimay xynyitajëtënës;