Jeremias 18:22 - Biblia Mixe de Quetzaltepec

²² Mijts ajotkumonë mtuknikäxëp may mä'tspë; yajmëtowëp ko nyëya'ax yujkya'axtëty mëët ja mëktsë'ëkë. Jä'ä ko tëë tajtë o'kpë jut maas xyajnaaxtëkëja'antën, tëë tpëjkta'aktë o'ktakn yu'utsypë maas jeexyë nkuka'anaxyën.

Biblia Dc en Mixe de Quetzaltepec

²² Mijts ajotkumonë mtuknikäxëp may mä'tspë; yajmëtowëp ko nyëya'ax yujkya'axtëty mëët ja mëktsë'ëkë. Jä'ä ko tëë tajtë o'kpë jut maas xyajnaaxtëkëja'antën, tëë tpëjkta'aktë o'ktakn yu'utsypë maas jeexyë nkuka'anaxyën.

Jeremias 18:22 ပူးပေါင်းရင်းမြစ်များ

Jeremias 6:26

Yë nkajpnës yë nyëëx, pëjkta'ak ja mwit mëti'ipë kuump u'kxpën ets kyëxë'ëkëty ko jë'ë ya'ax myajpaaty; ja'amyäts naaxyäts, mon tuk yajpaat tä jeexyë pën të y'ookyën; jä'ä ko ja mëtsip mëti'ipë xynyimina'anëmën, tää ja tyimwinkony.

Salmos 140:5

Tääpë ja'ayëty mëti'ipë je'eyë nämyëjja'aw näjyääntyja'awëtëpën, tëë tjanipëjktaakëtë ja n'o'ktaknës. Tëë nnë'ë aay ntu'u'aayës yë tyejpxyëty tëëytyëwtë ets xyu'tsnëty maas nnaxyën.

Sofonías 1:16

pujxnxuxn jää nä'ämaanp, yë'ë ënäty jää mëk yajni'ënä'ämëp jëën tsip ets yajnitëkëty ja naax kajpn mëti'ipë këwent'atyën ets ta'tspëky yajpatpën ets mëti'ipë myëët'ajtypyën yë kyëjxmpotsy.

Mateo 22:15

Ënät ja fariseë ja'ayëty ojts tkäjpxy'atë wi'ix ja Jesús jeexyë kyajpxtëkoyën ets tni'ëënëja'antë.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënät y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Jeremias 18:20

¿Ti yë'ë jëtää yë ëxëëkpë mëët yajmëwinpity mëti'ipë oyënë? Yë'ëjëty tëë tajtë jut maas xyajnaaxtëkëja'antën.

Jeremias 4:31

Jëtu'unës nmëtoy ja ja'ay jyi'iy yä'äxy tä tu'uk to'oxytyëjk jyi'iy yä'äxyën mëti'ipë u'unk maay yaja'täämpyën naaxwiiny; yë'ë Sión ja'ayëty jëëytyëp yaxtëp, jyaxajë'ktëp ja kyë'ëjëty ets jya'ëna'antë: Pa'ëyoowtëkës ka'apës mëpaat xyaj'ooktë yaja'ay'o'kpë.

Isaías 10:30

Ya'axtë joktë miitsëty Bat-galím ja'ayëty. Wä'än jampaat tyajmëtoy ja m'aaw myo'kn Laisa, oy njapa'ëyoy mijts Anatot.

Salmos 38:12

Mëti'ipës xyaj'ookantëpën, tëë n'o'ktaknës tpëjkta'aktë yu'utsypë; mëti'ipës xyaj'ëyo'onpaatantëpën, ëxëëkëm xynyikajpx xynyimëtya'aktës, jëtu'un ijxtëm mëpaat yë nwinma'anyës myä'ätyën; janaam jatsojk yi'iyë myääytyëp tyajtëp wi'ixës ëxëëk njatëty nkëpätëty.

Salmos 119:85

Ja'ay mëti'ipë ëxëëk yë jyot wyinma'any myëët'ajtypyën ka'apë tmëjpëjktä'äkyën yë m'ijxpëjkën.

Jeremias 5:26

Jä'ä ko tam ja ja'ay yajpaaty maas yë nnaax nkajpnën mëti'ipë je'eyë y'ijxyp tyuunpyën jëna'a ja myëku'uk t'ëk'ëxëëktuny, jëtu'un nyäpyëjktä'äkyë tä jeexyë muum tii joon tkuti'pxa'anyën, xii yaa muum o'ktakn tpëjktä'äky ets jap kyuka'anaxëty mëti'ipë y'ëxëëk'ijxypyën.

Jeremias 20:16

Wä'än tääpë naaxwiinyëtë ja'ay jëtu'un tjaty tkëpety tä yë kajpnën mëti'ipë yë Wintsën xëmëkyëjxm të tyajkutëkoyën. Wä'än jopyëp tmëtoy wi'ix ja'ay tmëjë'ë tmëya'axtën yë pëjkën ijxën; ko kyujkyxyëëwënë wä'än tmëtoowpaaty wi'ix ja'ay y'aya'axtën ko tsip tyunyë,

Salmos 140:6

Tëës ja Wintsën n'ënëëmë: mijts nTios'ajtyp, mëtoow'itëp ko nmëkajpxëty ets ja putëjkën n'amëtowëty.

Salmos 142:4

Koos nja'ijxwinpity ni pën maa nka'ixyës mëti'ipës jeexyë xypyutëjkëpën. Ni pën maa kyakëxë'ëky mëti'ipës jeexyë xynyiwaantutpën. Ka'ap maa kyëxë'ëky pën mëti'ipës xymyëmääpy xymyëtajpën.