Jeremias 18:20 - Biblia Mixe de Quetzaltepec

²⁰ ¿Ti yë'ë jëtää yë ëxëëkpë mëët yajmëwinpity mëti'ipë oyënë? Yë'ëjëty tëë tajtë jut maas xyajnaaxtëkëja'antën.

Biblia Dc en Mixe de Quetzaltepec

²⁰ ¿Ti yë'ë jëtää yë ëxëëkpë mëët yajmëwinpity mëti'ipë oyënë? Yë'ëjëty tëë tajtë jut maas xyajnaaxtëkëja'antën.

Jeremias 18:20 ပူးပေါင်းရင်းမြစ်များ

Salmos 57:6

Yë nmëtsiptëjkës kanaakjëjp yë winma'any të t'ixta'atë mëti'ipës jeexyë ëxëëk xyajjajtp xyajkëpäjtpën; tëës xynyëë'ëtuk xytyu'u'ëtuktë, e yë'ë kë'ëm ëxëëk të jyat të kyëpätë.

Salmos 35:7

Ajotkumonë yë n'o'ktaknës të tnipëjktaakëtë, ets ka'apës tii poky ntuny, tëë jut tajtë maas nkuka'anaxëtyën.

Salmos 106:23

Ojts yë Tios tjanikäjpxy ko ënäty yajkutëkoya'anëtë, e yë Moisés mëti'ipë wyin'ijxën, yë'ë ojts tuktëkë ets ja Tios ja jyoot'an xye'emy, jëtu'un ojts ka'ap kyutëkooynyëtëpë.

Salmos 35:12

Ëxëëk tuunwinpitë koos tii oy ntuny; mon tukës näjyawëty koos jëtu'un n'ixy.

Jeremias 18:22

Mijts ajotkumonë mtuknikäxëp may mä'tspë; yajmëtowëp ko nyëya'ax yujkya'axtëty mëët ja mëktsë'ëkë. Jä'ä ko tëë tajtë o'kpë jut maas xyajnaaxtëkëja'antën, tëë tpëjkta'aktë o'ktakn yu'utsypë maas jeexyë nkuka'anaxyën.

Eclesiastés 10:8

Mëti'ipë jut yajkojpyën, jap kyuka'anaxy. Mëti'ipë potsy jijtpën, tsu'tsëp yë tsa'any.

Proverbios 26:27

Ko ja'ay jyuttajy, kë'ëm jap kyuka'anaxy; mëti'ipë ja'ay yajtsaawinkëpijpën, kë'ëm nyätyukninäkyë.

Salmos 119:95

Ja ëxëëkja'aytyëjkëty yë'ë y'ëwxijtëp jëna'ajës xy'ëkyajkutëkoytyë, e ëjts yi'iyës nmëmääpy nmëtäjpy mëti'ipë mni'ënä'ämëpën.

Juan 15:25

E ya'atë paaty jëtu'un tyunyë jyätyë ets y'atëwëty ja aaw ayuk mëti'ipë kuja'ay miinpën ma ja y'ënä'ämënëtyën: Natëkës të y'ëxëëk''ixtë.

Juan 10:32

e ja Jesús jëtu'un y'ënëmaayëtë: May ja mëj'ajtën të ntunyës ma miitsëtyën mëët ja nteetyës ja kyutujkën. ¿E tiis ko xykyuka'atsa'antë?

Jeremias 14:20

Wintsën, nja'akyujkëtëp ëëtsëty ko tëë nmëtëkoytyë ets ko tëë pyokytyuntë ja n'ap n'okëtyës; tëëjës npoky tyuntë mijts mwintuuy.

Jeremias 11:14

E paaty mijts Jeremías n'ënëëmë, ka'ap tääpë kajpn xykyukajpxta'akëty ets këtiis nëkoo ëjts xymyëkajpxëty, tääpë kajpn ka'apës mputëkëja'any ko ënäty ëyo'on jotmay tmëët'atë.

Jeremias 7:16

Mijts, Jeremías, këtii xykyukajpxta'akëty ya'atë naax kajpn, këtiis xymyënu'kxta'akëty mëët ya'atë naax kajpn. Këtii nëkoo mnäjyotmaytyunyë jä'ä ko ka'apës nmëtoow'ita'any wi'ix m'ëna'anyën.

Proverbios 17:13

Kajëna'a yë ëxëëkpë kyajëwa'akëty ma ja'ay ja tyëjkën mëti'ipë ëxëëk yajwinpijtypën ja oypyë.

Salmos 38:20

Mëti'ipës oy të njatunyën, ëxëëk të tuunwinpitë, ëjts njatsojkpyës winë oy ntunëty, e yë'ëjëty ni'ikyës xytyukjoot'anpëktë.

Salmos 7:15

Tëë tu'uk ja o'kpë jut tajy këkpë, ets jap kyë'ëm jutjoty kyënaxa'any.

Job 6:27

Miitsëty kajtëm xypya'ëyowtëty yë ku'ooky u'unk ets tsojktëm xynyanitooktëty yë ja'ay mëti'ipë mëët oy mnämyäyëtën.

1 Samuel 19:4

Ets Jonatán oy ojts nimëtyä'äky ja David ma tyeetyën, jëtu'un, t'ënëmaay: Yajkutujkpë, jëtu'unës nja'ënaanpë ko ka'ap yowë y'oyëty ko mijts tëkatsy mmay mtajy ma Davidjën, jä'ä ko yë'ë ka'ap maa tmëtuuntëkoy yë yajkutujkpë, ni'ikyë oypyë mtukmëtunyë.

Jeremias 5:26

Jä'ä ko tam ja ja'ay yajpaaty maas yë nnaax nkajpnën mëti'ipë je'eyë y'ijxyp tyuunpyën jëna'a ja myëku'uk t'ëk'ëxëëktuny, jëtu'un nyäpyëjktä'äkyë tä jeexyë muum tii joon tkuti'pxa'anyën, xii yaa muum o'ktakn tpëjktä'äky ets jap kyuka'anaxëty mëti'ipë y'ëxëëk'ijxypyën.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Jeremias 18:19

Wintsën, mëtoow'it wi'ixës n'ëna'anyën. Mëtoow'it wi'ixës yë nmëtsiptëjk y'ëna'antën.

Jeremias 27:18

Pën janty tëy ko miitsëty mkäjpxynyajxpë'atë, ëjts yajtëëwtëk; ëjts Wintsën mëti'ipë maaytyääyëpën winë, wä'änës ka'ap nyajkutukëty ets jam Babilonyë yajmënëjkxta'ajëty ja apëjk atu'unën mëti'ipë jap ijtpën tsajptëkoty, mëti'ipë jamën ma kutujkëntëjkën ets mëti'ipë jamën maajaty yë Jerusalén kajpnën.

Lamentaciones 3:59

Mijts wa'ats xy'ixy xynyijawë wi'ix ka'ap oy nyajnipaye'eyën, paaty mijts npëjktsoy etsës mijts xypyaye'eyëty.

Jeremias 17:18

Yë'ë wë'ëmtëp nëxi'iky tukxi'iky mëti'ipës xy'ixjëtijt xypyajëtijtëpën, ka'ap y'ëjtsëty; wä'än tsë'ëkëtë tjawëtë, e ëjts ka'apës mëpaat jëtu'un njaty. Mijts myajkutukëp ets o'ktëy jyatëty kyëpätëty, tuktëjëtya'a tukwäjxëtya'a.