Jeremias 18:18 - Biblia Mixe de Quetzaltepec

¹⁸ Ënät ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Biblia Dc en Mixe de Quetzaltepec

¹⁸ Ënet ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Jeremias 18:18 ပူးပေါင်းရင်းမြစ်များ

Salmos 52:2

Yi'iyë mmëmääpy mmëtäjpy wi'ix winë ëxëëk xytyunëtyën; yë m'aaw myä'än jëtu'un yajtsëtyuty tä tsujknën jëjpëpë.

Malaquías 2:7

Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.

Jeremias 11:19

Ëjts nitiijës ënäty nka'aaw nkajotëty, jëtu'un tä kupixyny ayääkën ka'ap tnijawë ko y'ooka'any; e yë'ëjëty tamtëm tnipëjktaakëtë wi'ixës xyaj'ooka'antën. Jä'ä ënäty y'ëna'antë: Tsojk tääpë kepy ntimpyujxë'këmë tyam ma amëk jotmëk yajpaatyën, tsojk ntimkyë'ëtsë'këm yaa naaxwiiny ma ja'ay jyuuky'atën, këtiipë nijëna'a yajja'amyätsëty.

Jeremias 18:11

Paaty ntuknipëky ets xy'ënëëmëty yë Judá ja'ayëty ets Jerusalén ja'ayëty ko mëti'ipë Wintsën'ajtpën, jëtu'unës n'ënëëmëtë: Tyam miitsëty nimay nitajëtë wi'ix nyaj'ëyo'onpaata'antën, yë'ëjës nmääpy ntäjpy wi'ix ntëytyuntëty. Nik yaj'oyëtë mjot mwinma'anyëty, ëxmatstë ëxëëk tu'u ets oy winë tuntë.

Salmos 21:11

Oy tjatuknipëjktaakëtëty myaj'ooka'anëtë ets tjaniwinmayëtëty ëxëëk mjatëty mkëpätëty, yë'ë ka'ap nitii tuntëty,

Jeremias 43:2

tä yë Azarías, yë Hosaías yë myaank, yë Johanán, yë Caréah myaank ets wiinkëtypë ja'ayëty amëj akëjxmëpë jyä'äy'atën, jëtu'un t'ënëmaaytyë ja Jeremías: Mëti'ipë mnimëtyäkpyën ka'ap myëtëyëty. Yë Wintsën mëti'ipës nTios'ajtëpën, ka'ap jyëtu'unëty të m'ënë'ëmxëty ets ka'ap të y'ënä'äny ets ka'ap nnëjkxtëtyës jap Egiptë tsënääpyë.

Proverbios 18:21

Yë aaw ayuk yaj'o'kp ëkë yajjuuky'ajtp yë'ë; mëti'ipë ja'ay ku'awakën ëxëëk jyäty kyëpety.

Salmos 64:3

Jëtu'un yë y'aaw yä'än tyajjëjpëtë tä yë tëypyujxnën ets ënät yë y'aaw y'ayuk tkajpxtë tsaaty ma'at ets yajtsëtyuty jëtu'un tä ti'pxnën mëti'ipë yaj'o'kpën.

Salmos 57:4

Naaxkëjxyës njëpijpnë, kaa itkujky mëti'ipë ja'ay tsyu'tstëpën; jëtu'un yë y'aaw tyëtsëty tä ku'umën ets tä ti'pxnën; yë yyä'änëty jëtu'un tä yë tëypyujxn jëjpëpë.

Jeremias 2:8

Yë teetytyëjkëty ka'ap xy'ixtaaytyës; mëti'ipë yaj'ijxpëjktëpën maas ja nnaax nkajpnën ka'ap xy'ijxkajptës; ja kopktëjkëty ni'ikyë ojts xykyäjpxy kumëtoownaxtë; ja mëti'ipë käjpxynyajxtëpën jä'ä ojts tpukajpxëtë ja Baal, jä'ä pyanëjkxtëjkëtyë ja awinax ka'apë tyunyën maa.

Isaías 32:7

Ja ja'ay mëti'ipë ka'ap ja jyot wyinma'any y'oyëtyën, ma'atjaty ja aaw ayuk tkäjpxy; yi'iyë myëmääpy myëtäjpy ka'apë y'oyëtyën; y'ëxëëk tuumpy ja ëyoopëja'ay ko wyin'ëëny ets y'ëxëëk tuumpy näjyëtu'un ja mëti'ipë tii yajmëyäjtypyën.

Job 5:13

Kë'ëm yë ëxëëkja'aytyëjk ëxëëk nyätyuktunyë yë y'ëxëëkjot y'ëxëëk winma'any, yë'ë yajma'tääpy yë winma'any mëti'ipë yë ëxëëkja'aytyëjk të tjamay të tjatajtën.

1 Reyes 22:24

Tä ja Sedequías, myaank yë Quenaaná, wyä'ätsë'ky ets tmëwinkoony ja Micaías, tääts tu'uk kë'ë t'amëkojxëy ets t'ënëmaay: ¿Maa jëtäätën ënät ja Wintsën ja myëk'ajtën y'oy'ajën të nyijkxy mëti'ipës të xy'ëxmatsyën ets jeexyë mijts mmëkäjpxy?

2 Samuel 17:14

Absalón ets tëkokyë yë Israel ja'ayëty ojts tkajpxmuktë ko oy ni'ik tmëtoowtë ijxtëm ja Husai myäy tyäjyën ets ijxtëm të tuknipëjktaakën këtiinëm jyëtu'unëty ja Ahitófel. Ja Wintsën ënäty jëtu'un të tnipëjktaakë ets tjo'opanë ja Ahitófel ja wyinma'any mëti'ipë jeexyë tuunpën, mëët ko ënäty jä'ä t'ëyo'onmo'oja'any ja Absalón.

2 Samuel 15:31

E ko ja David yajtukmëmëtyäky ko ja Ahitófel jä'ä ënäty mëët ja Absalón jëtu'unpë ja winma'any të tpaaty ko tnikäjpxytyunëtë ja yajkutujkpë, ënät ja David ënätyë ja Wintsën tmënu'kxtäky ets ja Ahitófel jëtu'unyë wyinma'anytyëkoyëty.

Levitico 10:11

Ets tjëkyäpëty wi'ix tnimëtya'aktëty yë ënä'ämën tëyajtën ma Israel ja'ayëtyën, mëti'ipë të yajmo'otën mëët yë Moisés.

Juan 9:40

Ko jëtu'un tmëtoowtë; jënaakën ja fariseë ja'ayëty mëti'ipë ënäty japëtyën tyajtëëwtë ja Jesús: ¿Wä'än jëtää ëëts näjyëtu'un nwiints'atë?

Jeremias 26:11

Ënät ja teetytyëjkëty, ja käjpxynyajxpëtëjkëty ets ja mayjyä'äyëty ojts t'ënëëmëtë ja kopktëjkëty mëj'äämpyë y'itën ma ja kajpnën: Tyaapë ja'ay, patëp y'ookëty, jä'ä ko tëkatsy të tnikäjpxy yë naax kajpn. Miitsëty tëë wa'ats xymyëtowtë mëët yë mkopk mtatskëty.

Lucas 11:45

Tääts ja tsajptëkotyëtë yaj'ijxpëjkpë tu'uk y'ëtsooy: Wintsën, ko mijts jëtu'un m'ëna'any, jëtu'unës njawëtë ëjts yowë xywyinkajpxpäjtëp.

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

Jeremias 8:8

¿Wi'ix mijts m'ëna'ana'antë ko m'ijxpëkyjyä'äy'atë ets ko mmëët'ajtëp ja Wintsën ja y'ënä'ämën tyiyajtën? Tëës yë jääpyëtëjk tyajma'ta'atë ja n'ënä'ämënës ntëyajtënës.

Jeremias 18:19

Wintsën, mëtoow'it wi'ixës n'ëna'anyën. Mëtoow'it wi'ixës yë nmëtsiptëjk y'ëna'antën.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënät y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Jeremias 37:13

Ko jam jyä'äjty ma ja kajpn yajnitëkën, tu'uk ja'ay, Irías xyëëwajtyp, yë Selemías yë myaank ets Hananías yë y'ok'u'unk mëti'ipë ja tëjkëtyakn kyëwent'ajtypyën, yë'ë ojts tmajtswë'ëmy ja Jeremías ets t'ënëmaay: Mijts yë'ë mpukajpxëp yë Caldeo ja'ayëty, ¿këtiijë?.

Ezequiel 7:26

Kanaakjëjp yë ëyo'on myina'any; aak oyo'on aak jotmay yajnikajpxaanp oymyaajëty. Nëkoopë nëjkx t'ixta'atë yë käjpxynyajxpë mëti'ipë nyimëtya'akëpën ja Tios ja y'aaw y'ayuk; ka'ap jyää'ata'any yë teety ets mëjja'aytyëjk mëti'ipë kajpx wijëpën.

2 Crónicas 24:21

E ja ja'ayëty wiink tja'akyujkëtë, paaty ojts nyäkyajpxëtë ets jäpyë tsajptëkoty tyaj'o'ktë, ja yajkutujkpë Joás yë'ë ojts kë'ëm tni'ënä'ämë.

Jeremias 1:19

Yë'ëjëty, nëjkxëp mjanipëtë'ëkëtë. Mijts ka'ap nëjkx myajmay, jä'ä ko ëjts mëët mijts nyajpaata'anyës ets nkuwa'anäämpy. Ëjts mëti'ipë Wintsën'ajtpën, ëjts ënaanp.

Jeremias 44:16

Ëëtsëty ka'apës nmëjpëjkta'aka'antë tääpë aaw ayuk mëti'ipë Wintsën të mmo'oyën.

Lamentaciones 3:62

je'eyë tsyäty kyajpxtë ets janaam jatsojk ëjts xykyatuk'ëmoontëp.

Miqueas 3:6

Miitsëty ka'ap xy'ëkmëët'atanëtë ja tsuu kuma'ay koots ets ka'ap nëjkx m'ëk'maayënëtë wi'ix tii xy'akajpxtëtyën. Nëjkxëp ja xëëw jää jyäjy tyi'kxy ma tääpë käjpxynyajxpëtëjkëtyën ets ko xyiiny'atëty nëjkxëp jää kyootsë,

Miqueas 3:7

tääpë käjpxynyajxpëtëjkëty ets najtsja'apëtëjkëty nëxi'iky tukxi'iky nëjkx wyë'ëmtë. Amonyë nëjkx wyë'ëmta'atë jä'ä ko ka'ap ënäty ja Tios të myo'ojëtë ja ëtsoowinpijtën.