Jeremias 18:10 - Biblia Mixe de Quetzaltepec

¹⁰ Ko tääpë naax kajpn ka'ap kyäjpxyjyä'äkyukëty, je'eyë tnakumëtoownaxy ijxtëmës n'ënëëmën, ëjts njëpëkäämpyës ja oyajtën mëti'ipës yë'ëjëty të njatuknipëjktaakëtën.

Biblia Dc en Mixe de Quetzaltepec

¹⁰ Ko tääpë naax kajpn ka'ap kyäjpxyjyä'äkyukëty, je'eyë tnakumëtoownaxy ijxtëmës n'ënëëmën, ëjts njëpëkäämpyës ja oyajtën mëti'ipës yë'ëjëty të njatuknipëjktaakëtën.

Jeremias 18:10 ပူးပေါင်းရင်းမြစ်များ

Ezequiel 33:18

Ko tu'uk yë ja'ay mëti'ipë oy juukyajtpën t'ëxmatsëty ja mëtëypyë ja tu'unën kajpxën ets aakjä'ä tuunëty ja ëxëëkpë, nëjkxëp tku'ookë.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Tios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.

Ezequiel 18:24

E ko yë wa'ats ja'ay t'ëxmatsëty ja oynyë'ë oytyu'u ets jä'ä tunëty ja ëxëëkpë mëti'ipës n'ëxëëk'ijxypyën mëti'ipë ëxëëk ja'ay tyuunpyën, ¿ko m'ëk may m'ëk tajtë, wä'än jëtää tääpë ja'ay jyuuky'atëtyë? Oy ënäty tii winë të tjatuny oy, ëjts ka'apës nja'amyätsa'any; yë'ë kopkpëky ko y'ookëty mëët ko ënäty të xykyawintsë'ëkës ets yë'ë nëjkx tku'ookë nyëë pyoky.

1 Samuel 13:13

Tä ja Samuel y'ëtsooy: Tääpë të xytyunyën ka'ap myëtëyëty. Kooxyëp të xytyuny tä yë Wintsën të m'ënë'ëmxëtyën, yë m'ënä'ämën mkutujkën xëmëkyëjxm jeexyë y'ity ma Israel ja'ayëtyën.

Salmos 125:5

Mëti'ipë ja në'ë tu'u ëxëëkpë kyuuynyëjkxtëpën, wä'än ëxëëk tjatë tä ja ëxëëkja'ayëtyën. Wä'än tjam'aty ja jotkujk'ajtën ma Israel kajpnën.

1 Samuel 15:11

Okës tyam njamëkjawë koos ojts yë'ë Saúl npëjktä'äky ënä'ämpë, yë'ë ka'apës xy'ëkmëj'ijxnë ets ka'apës xy'ëkmëmëtoownë. Samuel ojts jyoot'anpëky, ka'ap t'oyja'awëy ko jëtu'un ja Wintsën y'ënëmaayë, paaty ojts tu'ktsu'um wyanë tsyowë Tios wyintuuy.

Sofonías 1:6

Nyajkutëkoyäämpyës näjyëtu'un mëti'ipës xynyawa'ktutpën, mëti'ipës ka'ap xy'ixta'ayën ets mëti'ipës ka'ap tii xyajtëyën.

1 Samuel 15:35

E ja Samuel ka'ap ojts nijëna'a t'ëk'ijxnë ja Saúl, je'eyë ojts ok tjaaknimony tjaaknituky, mëët ko ënäty ja Tios ok tu wyinmaaytyëkatsy ko ojts tpëjktä'äky ja Saúl ets yë'ë y'ënä'ämëty ma ja Israel kajpnën.

Números 14:22

Yë ja'ayëty mëti'ipë tëë tja'ixtën yë nmëj'ajt n'oyajtënës ets mëti'ipës të nyaj'ixyën jap Egiptë ets yaa të'ëts'ituuy. Ets je'eyë janaam jatsojk xywyinma'any'ixtës ets ka'ap tuntë mëti'ipës njani'ënä'ämëpën.

Ezequiel 45:20

Näyjyëtu'un nëjkx yajtuny ma wyëxtujk xëëwpetyën ja po'o, jää nëjkx xyaktë yë wintsë'kën mëti'ipë yë nëë poky mtukunaxtëpën ma ënäty të mpoky tyuntën ajotkumonë oy jëtu'un të xykyawinmaytyë ëkë të xykyajawëtë ko të mtëkoytyë. Jëtu'un nëjkx ja tsajptëjk wa'ats wyi'imy.

Números 14:34

Wëxytyikxy xyëëw jam m'ijtë joyjyotm ets xy'ijxtë xytyuuntë. E jëtu'un ënät wëxtyikxy jëmëjt xykyëpätëty ja mpokyëty: tu'kjëmëjt xykyukëpätëty ja tu'kxëëwpë mtuuntëkooytyën. Jëtu'un'äämpy xynyijawëtëty wi'ix ja ja'ay jyäty kyëpetyën mëti'ipës xykyamëjpëjktakpën.

Números 14:23

Nitu'uk nëjkx kyaja'të jam ma ja naax kamën mëti'ipës ntukwinwa'anëyën ja y'ap y'okëty. Nitu'uk nëjkx tka'ixy ja it naaxwiinyëtë, mëti'ipës ka'ap të xymyëj'ixy të xymyëjpëjktä'äkyën.

Ezequiel 33:12

Mijts ye'etyëjk, ënëëmë yë mëku'uktëjk: Ko tu'uk yë ja'ay tyuuntëkoyëty mëti'ipë oy juukyajtpën, ka'ap yë'ëkyëjxm tsyo'okëty ko ënäty jëwyiin oy të jyuuky'äty; e ko tu'uk yë ëxëëk ja'ay tyaj'oyëty yë jyuukyajtën, oy ënäty ëxëëk të jyuuky'äty ka'ap nëjkx y'ooky. Ko tu'uk yë ja'ay tyuuntëkoyëty mëti'ipë ënäty oy të jyuuky'ätyën ka'ap yë'ëjëty nëjkx yajtso'okyë ko ënäty oy më''ëka'any të jyuuky'äty.