Jeremias 17:22 - Biblia Mixe de Quetzaltepec

²² Këtii nëkoo tsëmy kë'ëy xymyëtsoontëty ma mjëën mtëjkëtyën ko po'kxënxëëw ets ka'ap tiituunk jää xytyuntëty. Ma tääpë xëëwën ëjts jää xymyëj jawëtëp jëtu'un tääjës ojts n'ënëëmëtën yë m'ap m'okëty.

Biblia Dc en Mixe de Quetzaltepec

²² Këtii nëkoo tsëmy kë'ëy xymyëtsoontëty ma mjëën mtëjkëtyën ko po'kxënxëëw ets ka'ap tiituunk jää xytyuntëty. Ma tääpë xëëwën ëjts jää xymyëj jawëtëp jëtu'un tääjës ojts n'ënëëmëtën yë m'ap m'okëty.

Jeremias 17:22 ပူးပေါင်းရင်းမြစ်များ

Ezequiel 20:12

Ojtsës näjyëtu'un ntuknijawëtë wi'ix tpo'kxtëtyën yë po'kxënxëëw, mëti'ipë ijxpäjn wë'ëmpën ma yë'ëjëtyën ets ëjts yë'ëjës yajtukja'amyätsëp mëti'ipës të nätyuknikënu'kxëtyën.

Isaías 58:13

Mwinkutsë'ëkëp ja po'kxënxëëw; këtii jää mtookëty myakëty ma tääpë xëëwën wa'atspë. Xoontakën xëëw xyajnaxëty, kënu'kxypyë mëti'ipë Wintsën xyëëwajtypyën ets ma pyäätyën yajmëjjawëty. Mmëjja'ap ënäty ko ka'ap jää mtookëty myakëty, ets ko ka'ap jää yë'ë xy'ijxpaatëty wi'ix ja meeny xyaj u'unk'atëty ets wi'ix mnäyajkumeenytya'akëtëty.

Éxodo 23:12

Tëtujkxëëw mtunëty ets jää xyajwintu'upëkëty winë. E ko wyëxtujkxëëwpätëty, jää mpo'kxëty, jëtu'un näjyëtu'un pyo'kxëty ja mjëyujk, yë mtuunpë ets mjaaypyaat mjaaypyo'kxy.

Apocalipsis 1:10

Wintsën ënäty ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,

Lucas 23:56

Ënät ojts nyëjkxnëtë ma tyëjkëtyën ets ja pa'akxu'kpë nëë tnipëjktakëtyë. Tääts t'ëmaay'ajtë ja po'kxënxëëw, jëtu'un ijxtëm ja ënä'ämën myinyën.

Lucas 6:5

Tääts jyaak'ënany: Yë naaxwiinyëtë ja'ay y'U'unk myëët'ajtyp ja kutujkën po'kxënxëëwjoty.

Ezequiel 22:8

Ka'ap twinkutsë'ëkëtë n'ijtaknës kënu'kxypyë ets npo'kxën nxëëwës ka'ap tmëjpëjkta'aktë.

Levitico 23:3

Tëtujkxëëw mtunëty, kom wëxtujk xëëw nitii mëpaat xykyatuny, jä'ä ko po'kxënxëëw jä'ä. Ets jää mëpaat yë nyänyiye'eypyätë y'ity ma ja Tios yi'iyë yaj'ëwtatëtyën. Oyëtën ënäty ma mtimyajpaatë tääpë xëëw mpo'kxtëp jëtu'un ets jëtu'un'äämpy ja Tios xymyëjjawëtëty.

Levitico 19:3

Nitu'ukjaty yë ja'ay mëpaat twinkutsë'ëkë yë tyeety tyaak. Mwinkutsë'ëkëtëp näjyëtu'un yë po'kxënxëëw. Ëjts jëtu'un Wintsën, mëti'ipë miits mTiosajtëpën.

Nehemías 13:15

Jä'ä xëëw näjyëtu'un n'ijxyës ko jam ma Judá kajpnën tam ijty ja'ay mëti'ipë po'kxënxëëwëtë nëjkx y'uvë winteenyën mëti'ipë tsatsym nyëë yajpëtsëëmpyën, tam mëti'ipë nëjkxpën muum kamjotm tsajpmoktsëëmpë, tam mëti'ipë jyëyujk yajnëjkxypyën tsatsym tsyëëmpë, higo tsëëmpë ets tiijaty jam tyukpatsëëmtëp ets nän po'kxënxëëwëtë jam winë tsëëmnëjkxnëtë Jerusalén. Ënät ntuk'ënëmaaytyës ets ojts ntuk'ojtës wi'ix jä'ä po'kxën xëëw tyo'ktëpë yajktëpë.

Jeremias 17:24

Ëjts Wintsën, jëtu'unës n'ëna'any: Ja'aykyukëtë, mëmëtoowtëkës, këtii tsëmy kë'ëy xymyënaxtëty po'kxënxëëw ma Jerusalén kajpn yajnitëkën; tääpë xëëw kënu'kxy mëpaat nyäxy ets nitiituunk jää kyayajtunëty.

Zacarías 1:4

Këtii jëtu'un m'ëtë'ëtstë tä ja m'ap m'okëtyën, mëti'ipë ojts ja nkäjpxynyajxpës jya'ënë'ëmxëtën ets t'ëxmatstëty ja y'ëxëëktu'un y'ëxëëk kajpxënëty ets ja y'ëxëëk winma'anyëty, yë'ëjëty ka'ap kyäjpxymyëtoowtë ets ka'ap kyäjpxyjyä'äykyujkëtyë. Ëjts Wintsën, ëjts ënaanp.