Jeremias 17:19 - Biblia Mixe de Quetzaltepec

¹⁹ Jëtu'unës yë Wintsën xy'ënëmaay: Nëjkx ets jam mwa'ak'oyëty ma kajpn yajnitëkën, ma tyëkëtën pyëtsëmtën yë yajkutujkpëtëjk mëti'ipë jam Judá ënä'ämtëpën, jëtu'un xy'aye'eytya'ajëty yë tëjk'aaw maajaty yajpaatyën, ma kajpn yajnitëkën jam Jerusalén.

Biblia Dc en Mixe de Quetzaltepec

¹⁹ Jëtu'unës yë Wintsën xy'ënëmaay: Nëjkx ets jam mwa'ak'oyëty ma kajpn yajnitëkën, ma tyëkëtën pyëtsëmtën yë yajkutujkpëtëjk mëti'ipë jam Judá ënä'ämtëpën, jëtu'un xy'aye'eytya'ajëty yë tëjk'aaw maajaty yajpaatyën, ma kajpn yajnitëkën jam Jerusalén.

Jeremias 17:19 ပူးပေါင်းရင်းမြစ်များ

Jeremias 26:2

ets t'ënëmaay: Jam mwa'ak'oyëty tsajptëjk'ëkë'ëm, jam xynyikajpxta'ajëty tu'kë'ëyë ja aaw ayuk mëti'ipë të ntukmëmëtyä'äkyën, wä'än ja ja'ay tmëtowtë mëti'ipë tso'ontëpën Judá, mëti'ipë miintëpën ma tsajptëjkën. Nitii xykyaninaxëty wa'ats xynyikajpxta'ajëty.

Jeremias 7:2

Nëjkx jam mwa'ak'oyë ma tsajptëjk yajnitëkën ets xytyuknijawëty ya'atë aaw ayuk yë ja'ayëty: Miitsëty Judá ja'ayëty ni'ëmukë, ninu'un mtëkëtën ma ya'atë tëjk'aawën ets xy'ëwtata'antë ja Wintsën, mëtoow'itë ya'atë aaw ayuk

Hechos 5:20

Nëjkxtë jam ma mëjtsajptëjkën ets xytyuk'ëwaanëtëty ja ja'ay ya'atë aaw ayuk mëti'ipë yajjuuky'ajtpën.

Jeremias 36:10

Ënät ja Baruc jam tsajptëjk'ëkë'ëm wya'ak'a'awëy, ma ja tëjkëtyaknën mëti'ipë tyijtëpën Jempyë Tëjk Aaw ma ja Guemarías ja tyëjkën, yë Safán yë myaank mëti'ipë jääpyën, ojts tkajpxta'ay tu'kë'ëyë ja Wintsën ja y'aaw y'ayuk mëti'ipë jap miinpën këxja'ay ma ja noky axaatsyën.

Jeremias 36:6

Paaty mijts ntuknipëky ko jatëkok tpaatëty ja nyixëëw ma ja'ay y'ayuu'atën, tääts mnëjkxëty ma tsajptëjkën ets jap xykyajpxëty tëkokyë mëti'ipës të nnaskajpxën ets të xykyëxja'ayën jëtu'un tmëtoowtëty yë ja'ayëty ja Wintsën ja y'aaw y'ayuk, yë Judá ja'ayëty mëti'ipë të tsyoontën ma kyajpnëtyën ets të myintën ma tsajptëjkën,

Jeremias 19:2

Tääts mnëjkxëty jam Ben-hinom joyjyotm, ma yajpaatyën tu'uk ja tëjkëtyakn ma t'ixko'owtën ja tu'ts apu'u yë tu'ts pojtspëty. Jamts xynyikajpxëty ja aaw ayuk mëti'ipë ntukmëtowäämpyën.

Proverbios 9:3

Ënät ojts tkexy ja tyuunpëtëjk jam kopkkëjxm ets tukyaax tukjokëtëty.

Proverbios 8:1

Yë ixpëkyajtën mëk yä'äxy jyoky, ets wijyajtën yajmëtoowëp yë y'aaw y'ayuk.

Jeremias 17:18

Yë'ë wë'ëmtëp nëxi'iky tukxi'iky mëti'ipës xy'ixjëtijt xypyajëtijtëpën, ka'ap y'ëjtsëty; wä'än tsë'ëkëtë tjawëtë, e ëjts ka'apës mëpaat jëtu'un njaty. Mijts myajkutukëp ets o'ktëy jyatëty kyëpätëty, tuktëjëtya'a tukwäjxëtya'a.

Jeremias 17:20

Jëtu'un yë ja'ay xy'ënëëmëty: Miitsëty Judá ja'ayëty yajkutujkpëtëjk, ënä'ämpëtëjk ets miitsëty Jerusalén ja'ayëty mëti'ipë yaa najxtëp tëjkëtëpën, mëtoow'itë ja Wintsën ja y'aaw y'ayuk.